икона богородицы у источника пюхтицкая
ПЮХТИЦКАЯ ИКОНА БОЖИЕЙ МАТЕРИ
 |
| Пюхтицкая икона Божией Матери, именуемая «У источника» |
Пюхтицкая икона Божией Матери, именуемая «У источника», местночтимая святыня Пюхтицкого женского Успенского монастыря
История образа связана с именем праведного Иоанна Кронштадтского, который помогал Пюхтицкой обители материально и духовно окормлял сестёр.
До самой кончины отца Иоанна Пюхтицкая икона находилась при нём. Впоследствии она принадлежала благочестивой чете. Незадолго до своей смерти супруги передали этот образ монахине Вирсавии, насельнице закрытого к тому времени Иоанновского монастыря в Санкт-Петербурге. Пресвятая Богородица явилась монахине во сне и велела вернуть Её образ в Пюхтицкую обитель.
Икона была возвращена в Пюхтицкий монастырь 1 июля 1946 года. Её встречали сёстры во главе с настоятельницей монастыря игуменией Алексией II (Голубевой), которая как раз накануне получила от епархиального управления указ об освобождении от игуменского послушания по состоянию здоровья. В дни скорби для всех сестёр монастыря Матерь Божия Своим зримым возвращением в обитель свидетельствовала: «Не бойся, малое стадо. » (Лк. 12, 32), приняв игуменское попечение о Своей обители и её насельницах. В память о возвращении иконы в монастырь было установлено местное празднование.
Молитвословия
Дне́сь све́тло красу́ется земля́ Эсто́нская,/ прославля́ющи Засту́пницу Усе́рдную ро́да христиа́нскаго,/ освяти́вшую явле́нием Свои́м го́ру Пю́хтицкую/ и оби́тели ико́ну чудотво́рную дарова́вшую./ Прииди́те, ве́рнии, поклони́мся чу́дному Ея́ о́бразу,/ да́рует бо оби́льныя да́ры целе́бныя,/ избавля́ющи искуше́ний, бед и вся́каго греха́./ Сего́ ра́ди, воспева́юще, воспои́м Пречи́стей:// ра́дуйся, Любе́зная ми́ру Помо́щнице// и Пречи́стая на́ша Ма́ти.
Притеце́м, вси ве́рнии,/ к Исто́чнику Неистощи́мому, Пречи́стей Богоро́дице,/ почерпе́м во́ду спасе́ния, глаго́люще:/ ра́дуйся, Влады́чице,/ жа́жду спасе́ния утоля́ющая,/ я́звы грехо́вныя омыва́ющая,/ исцеле́ние душ и теле́с да́рующая./ При́зри на лю́бящия и сла́вящия Тя // и покры́й нас покро́вом Твои́м.
Икона Богородицы «У Источника» Пюхтицкая
Празднование
История
История чтимой иконы обители Успения Пресвятой Богородицы в Пюхтицах – образа Божией Матери «У источника» связана с именем великого всероссийского пастыря и молитвенника святого праведного Иоанна Кронштадтского.
В 1894 году инокини обители подарили отцу Иоанну в день Ангела икону, на которой было изображено явление Пресвятой Богородицы у источника в Пюхтицах. Батюшка молился перед этим образом и завещал его некой благочестивой супружеской чете из Санкт-Петербурга, которая перед своей кончиной передала святую икону монахине Вирсавии, бывшей насельнице закрытого к тому времени Санкт-Петербургского Иоанновского монастыря. Однажды явившись инокине во сне, Пресвятая Богородица велела возвратить Ее образ в Пюхтицкую обитель.
Произошло это в 1946 году, на Пасху. А вскоре, в день празднования Боголюбской иконе Божией Матери (18 июня), образ Богородицы «У источника» вернулся в свою обитель. Сестры монастыря во главе с престарелой настоятельницей игуменией Алексией II (в схиме Сергией), встретили святую икону, перед которой молился и с которой не расставался до самой кончины святой праведный Иоанн Кронштадтский.
Ныне святой образ Пречистой Девы Богородицы находится в главном приделе Успенской церкви Пюхтицкой обители.
Молитвы
Тропарь Пресвятой Богородице пред иконой Ея «У источника» Пюхтицкой
Утеше́ние все́х скорбя́щих, Ско́рая Помо́щнице в туге́ серде́чней к Тебе́ прибега́ющим, услы́ши на́с, Влады́чице, и да́ждь на́м на пути́ к жи́зни ве́чней ду́ш и серде́ц от скве́рн очище́ние и я́ко еле́нь на исто́чники водны́я к Ца́рству Небе́сному неустанное стремле́ние.
Перевод: Утешение всех скорбящих, Быстрая Помощница в тоске сердечной к Тебе приходящим, услышь нас, Владычица, и дай нам на пути к вечной жизни очищение душ и сердец от скверны и неослабевающее стремление к Царству Небесному, как у лани, стремящейся к потокам воды (Пс.41:2).
Кондак Пресвятой Богородице пред иконой Ея «У источника» Пюхтицкой
Пресвята́я Богоро́дице, Де́во, утоли́ жа́жду спасе́ния стра́ждущия души́ моея́ у Исто́чника во́д живы́х — Боже́ственнаго Сло́ва, Сы́на Твоего́, Христа́ Бо́га на́шего, при́зри на лю́бящих и сла́вящих Тя́, Пречи́стая, и покры́й на́с покро́вом милосе́рдия Твоего́ от вся́ких зо́л, тревог и бу́рь мо́ря жите́йскаго.
Молитва Пресвятой Богородице пред иконой Ея «У источника» Пюхтицкой
О, Пресвята́я и Преблагослове́нная Ма́ти Сладча́йшаго Го́спода на́шего Иису́са Христа́! Припа́даем и покланя́емся Тебе́ пред светоза́рным о́бразом Твои́м и смире́нно мо́лим: прости́, Всеми́лостивая, вся́ заблужде́ния на́ша и вся́ оскорбле́ния, в ве́дении или́ в неве́дении Сы́ну Твоему́ и Спаси́телю на́шему от ю́ности оби́льно нанесенная неисполнением за́поведей Его́ святы́х, небреже́нием к святы́не, нераде́нием в моли́тве и нетерпе́нием в несе́нии креста́ на́шего. При́зри на жа́жду спасе́ния и посильныя труды́ и пребу́ди с многогре́шным, но оста́вшимся ве́рным Сы́ну Твоему́ ма́лым Его́ стадо́м по нело́жному сло́ву Его́, во Святе́м Ева́нгелии рече́нному: «Не бо́йся, ма́лое ста́до: я́ко благоизво́ли Оте́ц ва́ш да́ти ва́м Ца́рство». О Животворя́щий Исто́чниче на́шего утеше́ния, к Тебе́ возно́сим смире́нное сие́ моле́ние и про́сим Ма́терняго Твоего́ о на́с заступле́ния пред Престо́лом Отца́ на́шего Небе́снаго. Не лиши́ на́с Ца́рства сего́ благода́тнаго за премно́гия грехи́ на́ша, и́бо ве́мы, я́ко ничто́ вне́шнее и самолюбивое, го́рдое и тщесла́вное, ни сла́вныя достиже́ния мирски́я, ни доброде́тели, с та́йным самолюбованием соверша́емыя, ни степе́ни, ни чи́ны, ни са́мое и́ноческое зва́ние не возмо́гут возвести́ на́с в Ца́рствие Небе́сное, то́кмо се́рдце чи́стое и ду́х сокруше́нный и смире́нный, за мно́гия моли́твенныя труды́ Ду́хом Святы́м да́руемыя. Помози́ на́м оставшиеся дни́ жи́зни на́шея в ду́хе и и́стине покланя́тися Сы́ну Твоему́, Милосе́рдная Богоро́дице, и, стяжа́в нелицеме́рную любо́вь к Бо́гу и бли́жнему, испо́лнити сию́ пе́рвейшую за́поведь Госпо́дню, еди́нственно приводя́щую в Ца́рство Небе́сное. Не взира́я на недосто́инство на́ше, сподо́би на́с соде́латися ча́дами Бо́жиими по благода́ти и насле́довати жи́знь ве́чную со все́ми, в покая́нии Бо́гу угоди́вшими, и введи́ на́с, Ма́ти Бо́жия, я́звами Сы́на Твоего́ Иису́са Претихаго в Небе́сный Черто́г Его́, дабы́ ве́чно сла́вити и воспева́ти Пречестно́е и Великоле́пое и́мя Всесвяты́я Тро́ицы Отца́ и Сы́на и Свята́го Ду́ха ны́не и при́сно и во ве́ки веко́в. Ами́нь.
Величание Пресвятой Богородице пред иконой Ея «У источника» Пюхтицкой
Велича́ем Тя́, Светоза́рная Де́во, и почита́ем осия́вшее го́ру Пю́хтицкую благода́тное явле́ние Твое́.
Каноны и Акафисты
Акафист Пресвятой Богородице перед иконой «Пюхтицкой» («У источника»)
Кондак 1
Избранную от всех родов Божию Матерь и Царицу Небесную, непрестанно у Престола Сына Своего молящуюся о нас, с любовию благодарно восхвалим. Восхотев во всех концех земли видети прославление величия Божия, возблаговолила еси, Преблагословенная, воздвигнута спасительныя обители Своя. Тако и воззрев на страдания православных страны Прибалтийския, посетила еси край сей Своею благодатию; да утешенные Тобою зовем Ти сице:
Радуйся, Любвеобильная, слезы сердец наших милостивно осушающая.
Икос 1
Ангели на небеси и пастыри эстляндския веси зело удивишася, егда узреша Матерь Божию на горе стоящую и руци долу простирающую, указующе на место сие святое, промыслительне имеющее прославитися. Тем же и мы, обрадованнии велицею Твоею к нам милостию, вопием Ти:
Радуйся, жребием Своим гору Афонскую наименовавшая;
радуйся, многими чудесы иконы Твоя ознаменовавшая.
Радуйся, чудотворною иконою честнаго Успения Твоего Киево-Печерскую Лавру прославившая;
радуйся, знамением Своея божественныя стопы Почаевскую Лавру освятившая.
Радуйся, Богородицкую гору в Пюхтицах Сионом Прибалтийскаго края соделавшая;
радуйся, Успенскую обитель зде основавшая и великаго пастыря святаго праведнаго Иоанна Кронштадтскаго ей даровавшая.
Радуйся, Любвеобильная, слезы сердец наших милостивно осушающая.
Кондак 2
Видяще православных твердое веры исповедание и жертвенное их, даже до крови, ереси лютеровой противостояние, нечестивиц тевтоны в эстляндстей стороне православие жестоко угнеташа, святии храмы сожигаша и разоряша; и всуе прещаша верным право славити Христа Бога нашего и воспевати Ему: Аллилуиа.
Икос 2
Разумев Промышление Божие в дивнем явлении Твоем на горе эстляндским пастырем, людие гору ту Святою, Пюхтицкою, прозваша и милосердие Твое купно воспета:
Радуйся, милостивым Твоим Оком на угнетение верных рабов Твоих призревшая;
радуйся, скорби их скоро отмстившая.
Радуйся, Пресвятая Мати Божия, под благий покров всех собирающая;
радуйся, без святыя помощи Своея никого не оставляющая.
Радуйся, многая лета Отрадою и Утешением Пюхтицкаго края и окрестных весей пребывающая;
радуйся, надежду спасения всем подающая.
Радуйся, Любвеобильная, слезы сердец наших милостивно осушающая.
Кондак 3
Госпожу Пречудную узревши, лазурным светом озаренную, устремися к ней эстляндский пастырь. Но исчезновением видения и паки его появлением умудрен быв в его Божественности, возопи со страхом: Аллилуиа.
Икос 3
Дивное видение друзем и сродником стремяся показати, призва их пастырь, вкупе с ним, воззрети на Госпожу Пречудную, на верху горы стоящую. Видевше же Ея исчезновение по их приближении и светозарное Ея сияние по их удалении, со страхом Божиим воспеша сице:
Радуйся, гордым противящаяся;
радуйся, смиренным благодать подающая.
Радуйся, детскую веру лжеименному разуму предпочитающая;
радуйся, в чудесех и видениях Своих токмо чистым душам открывающаяся.
Радуйся, Веро, Надеждо, Любы и Мудросте христианския;
радуйся, Покрове, не крыющийся от притекания взыскующих Тя.
Радуйся, Любвеобильная, слезы сердец наших милостивно осушающая.
Кондак 4
Бурю внутрь имея помышлений сумнительных, селяне веси сей на верх горы текоша и, дошедше до места стояния Чудной Госпожи Лазоревой, в расщелине дуба икону Успения Божией Матери обретоша и гору сию Богородицкою прозваша. С той поры у дуба, явлением святыя иконы Твоея прославленнаго, часовню для хранения ея людие православныя воздвигоша и крестными ходами ю почиташа, купно Тя, Пречистая, славяще и воспевающе Богу: Аллилуиа.
Икос 4
Слышавше о чуде явления Матери Божией на Богородицкой горе в Эстляндии, стекашася людие со всех сторон земли Русския, радовахуся видевше новое явление милосердия Твоего, о Богомати. Сего ради благодарственно вопием Ти сице:
Радуйся, Предивная Госпоже, на спасение православных эстляндскаго края явившаяся;
радуйся, милость Свою людем Твоим ниспославшая.
Радуйся, икону святую Свою верным на поклонение даровавшая;
радуйся, знамением многих чудотворений ю прославившая.
Радуйся, местом благочестивых размышлений дуб, освященный Твоим явлением, соделавшая;
радуйся, пристанищем скораго слышания тайных и сокрушенных молитв часовню, хранившую святую икону Твою, ощутимо явившая.
Радуйся, Любвеобильная, слезы сердец наших милостивно осушающая.
Кондак 5
Хотящу православным людем эстляндския стороны дати обилие видимыя благодати, чрез цельбоносную воду святаго источника подаваемой, пред очами пастырей на горе стояща, простертыми дланьми рук Твоих на источник сей указала еси. Тем же благодарни суще за таковую милость, от Тебе нам явленную, воспеваем Богу: Аллилуиа.
Икос 5
Вся исполнися радости славному источнику, при горе Пюхтицкой людем дарованному, в купели его с верою омывающимся благодать и цельбу щедро подающему. Сего ради, со благодарением вопием Ти, Радости нашей, из бездны греха нас воскрыляющей:
Радуйся, милостивно приемлющая души, к Богу взывающие;
радуйся, помощь смиренным невидимо подающая.
Радуйся, исцеление не токмо телесных, но и душевных язв от святаго источника изливающая;
радуйся, благодать Свою во святей воде, по всей Российстей земли богомольцами разносимой, подающая.
Радуйся, веру чистых сердец у святаго источника укрепляющая;
радуйся, души жаждущих к Богу крепкому, живому от конец земли незримо в обитель Свою собирающая.
Радуйся, Любвеобильная, слезы сердец наших милостивно осушающая.
Кондак 6
Боготечную звезду, икону Твою чудотворную, тевтоны зряху православными почитаему, восхотеша ересь лютерову зде насадити и святое место разорити. Людие же православнии к Тебе, Мати Милосердная, возопиша и приняти гору сию под покров Свой просиша, воспев Богу: Аллилуиа.
Икос 6
Видя православие в Эстляндии попираемо, а народ тевтонами угнетаем, Царь Российский, Великий Петр, с полки своими устремися на край Прибалтийский и покори и. Тако услышана бяше молитва к Царице Небесней о заступлении православия в стране сей. Сего ради вернии возопиша Ти сице:
Радуйся, веры православныя непобедимая поборнице;
радуйся, исповедников веры незримая укрепительнице.
Радуйся, уменьшением гонений число православных храмов зело умножившая;
радуйся, увеличением чудотворений число колеблющихся в православии зело уменьшившая.
Радуйся, яко икона Твоя новоявленная усердием богомольцев златою ризою украсися;
радуйся, яко подле древлей часовни новая в храм обращена бысть.
Радуйся, Любвеобильная, слезы сердец наших милостивно осушающая.
Кондак 7
Восхотев спасения верных дщерей под покровом Твоим, Богородице, заложи обитель зде святый праведник Кронштадтский и предрече стояти ей до скончания века благоукрашенною и долголетнею. Темже со благодарением поем Богу: Аллилуиа.
Икос 7
В трудех и молитве на горе Богородицкой монастырь возростеся и любы народную далеко за предели Эстляндскаго края сниска. Тако и на сей обители сбывается пророчество Исаиино о горе Сионстей реченное: «Будет в последния дни явлена гора Господня и дом Божий на версе гор, и возвысится превыше холмов, и приидут к ней вси языцы. И пойдут языцы мнози, и рекут: приидите, и взыдем на гору Господню, и в дом Бога Иаковля, и возвестит нам путь Свой, и пойдем по нему». Посему радостно зовем Ти:
Радуйся, Благодатная, промышлением Божиим обитель Пюхтицкую создавшая;
радуйся, тем пророчеству Исаиину исполнитися пособившая.
Радуйся, в наши дни высокое христианское подвижничество в житиях блаженных стариц людем показавшая;
радуйся, примеру их следовати всех людей призвавшая.
Радуйся, силу прозорливаго благословения приснопамятнаго батюшки Иоанна в изобилии милостей Божиих, на обитель изливаемых, явно показующая;
радуйся, благодать духовную с верою припадающим к чудотворному образу Твоему щедро подающая.
Радуйся, Любвеобильная, слезы сердец наших милостивно осушающая.
Кондак 8
Благодарнии пастырю возлюбленному своему сестры пюхтицкие светозарный образ явления Твоего, о Пречистая, написаша и родному батюшке дароваша. Икона сия аки феникс красотою процвете и с праведником дивным до смерти пребыва. Он же до кончины своея к Тебе, Владычице Небесней, Горячия молитвы об обители Успенстей вознеси. Не престанем славити Сына Твоего, Милосердная, радость сию нам ниспославшаго, умиленно поя: Аллилуиа.
Икос 8
Пламенне возгорев любовию к Тебе, Пречистей Божией Матери, пастырь Кронштадтский сподобися зрети Тя, Царицу Небесную, со иконы Своея сошедшую и сладчайшим гласом ему рекшую: «Милейшая есте, чада Отца Небеснаго». На пречистий лик Твой, Богородице, молитвенник земли Российския со трепетом взира и виде очи добрыя, смиренныя, голубыя, голубиныя, взыва душею умиленно:
Радуйся, Звездо пресветлая, Владычице, вся в сиянии Света-Бога пребывающая;
радуйся, Святость Вечная, чистоту божественную от Небес приимшая.
Радуйся, преблагоукрашенный Храме Божий, избранная Невесто Духа Святаго;
радуйся, Мати Живота, в скорбех и радостех тихое наше пристанище.
Радуйся, Всеблагая Помощнице, сердца человеческие смиряющая;
радуйся, Заступнице, духов злобы поднебесных прогоняющая.
Радуйся, Любвеобильная, слезы сердец наших милостивно осушающая.
Кондак 9
Дивное чудо совершися, егда икона Твоя, Владычице, святому праведнику дарованная, Промыслом Божиим во обитель вновь возвратися и лучами света невечерняго собор Успенский озари. Тако в некогда открывшемся в видении пастырю Кронштадтскому соборнем храме богосветлою свещою возсия Пюхтицкая икона Твоя, Приснодево Непорочная. Тем же, дивяшеся таковому Твоему о сей иконе промышлению, явно показующему Твое к ней благоволение, умиленно поем Богу: Аллилуиа.
Икос 9
Витийство лжеименнаго разума недоумевает прославляти неисчетная чудеса Твоя, во святых Твоих иконах людем православным являемая. Чистии же сердцем и простыя души видят в них то, что умом гордыя, видя, не видят, и слыша, не слышат. Славяще Твое ко кротцым и смиренним Божественное благоволение, вопием Ти:
Радуйся, в день Святыя Пасхи вестию о новом обретении иконы Твоея насельниц обители Пюхтицкия обрадовавшая;
радуйся, милости Своя чрез Твое предстательство сестрам ниспосылающая.
Радуйся, тайная желания ищущих духовнаго молитвеннаго общения с Тобою исполняющая;
радуйся, пути их ко обители Твоей чудесно направляющая.
Радуйся, сокровенная благоговейная помышления чтущих Тя ведующая;
радуйся, намерения безраздельно служити Ти во обители Твоей к исполнению втайне приводящая.
Радуйся, Любвеобильная, слезы сердец наших милостивно осушающая.
Кондак 10
Спасти хотя возлюбивших чистоту телесную, а паче и душевную, создала еси Матерь Божия обители монашествующих, яко звезды небесныя, сияющия в мире сем, прелюбодейнем и грешнем; и, яко крины сельныя, девственною чистотою украшенныя, с поля необъятнаго земной юдоли плача и скорби ревностных служительниц Себе избрала еси и во святых обителях Своих упасла еси. Сего ради ублажаем Тя, Неувядаемый Цвете Чистоты, и воспеваем со страхом Богу: Аллилуиа.
Икос 10
Стена еси девственным ликом и иночестим собором, Богородице Дево. Сего ради Ты веси, кого избрати в число безраздельно славящих имя Твое, паче же, кого почтити игуменским жезлом. Дивясь промышлению Твоему об избранных Твоих, в день прибытия вновь обретенныя иконы во обитель Пюхтицкую, известившему игумению Алексию об исполнении ея многолетния просьбы о снятии с нея по немощи настоятельскаго послушания, вопием Ти:
Радуйся, в день празднования Боголюбския иконы Твоея, на гору Святую во образе иконы Пюхтицкия прибывшая;
радуйся, тем слезы престарелыя игумении осушившая.
Радуйся, никого из земнородных в те дни во обители Пюхтицкия во игумении не поставившая;
радуйся, жезл игуменский во обители невидимо приимшая.
Радуйся, Утешение наше и Надеждо спасения;
радуйся, Радосте наша несказанная.
Радуйся, Любвеобильная, слезы сердец наших милостивно осушающая.
Кондак 11
Пение хвалебное выну вознесит Ти лик иночестий, восхваляя новое чудесное явление иконы Твоея вдове священника, монахине Евфросинии, в сонном видении образ Твой узревшей, дотоле ей неведомый. Слышав же Божественный глас, глаголющий: «Тебе помогу сию икону найти. Ищи ю на горе», — долго иска ю и обрете во обители Пюхтицкой, и, радостно признав виденный во сне Твой светозарный лик, Пречистая, благодарно возопи: Аллилуиа.
Икос 11
Светоподательную свещу сущим во тьме греха и юдоли плача явившуюся, зрим Святую Деву, над горою Богородицкою стоящую и руци Своя долу простирающую, желая возвести всех труждающихся и обремененных из мрака богоотступническаго живота сего к свету богопознания. Уповая на Твое всемощное предстательство у Престола Сына Твоего, Христа Бога нашего, и на Твое нелицеприятное попечение о душе христианстей, ко Господу стремящейся, вопием Ти сице:
Радуйся, ищущих спасения и уединеннаго сопребывания с Господом зрящая;
радуйся, глад духовный алчущих и жаждущих правды щедро утоляющая.
Радуйся, родителей, оскорбляемых чадами, отступившими от Господа, единственное утешение;
радуйся, чад, гонимых родителями, Бога забывших, необоримое укрепление.
Радуйся, плачущих по усопшим христианское упование;
радуйся, чающих жизни вечныя со Христом, непостыдное в ней уверение.
Радуйся, Любвеобильная, слезы сердец наших милостивно осушающая.
Кондак 12
Благодать Божия пребывает в чудесех преславных от святых икон Твоих по всей земли Российстей явленных, Пречистая и Преблагословенная Богородице Дево. Видя благодать сию, явно действующую во образех Твоих, Пюхтицкой обители чудесно дарованных, и зря в сем особое промышление Твое о Сионе Прибалтийскаго края, благодарно поем Промыслителю Богу: Аллилуиа.
Икос 12
Поюще вся дивная чудеса Твоя от святых икон Твоих, о Мати Христа Бога нашего, просим и молим Тя: не отыми от нас милости Твоя безмерныя за отступления, богохуления, отречение от веры православныя и иные грехи во оскорбление имени Божия нами совершенныя, но сподоби нас до конца живота нашего во гресех содеянных раскаятися и прославляти Тя, Невместимаго Вместившую, воспевая Тебе сице:
Радуйся, Цвете Девства, жезл игуменский во святых обителех Твоих незримо держащая;
радуйся, Богородице Одигитрие, христиан упование.
Радуйся, Благая Скоропослушнице, вся прошения наша во благо исполняющая;
радуйся, Радосте наша, скорби и печали в радость претворяющая.
Радуйся, Благодатная, лучами великия Своея милости всех освещающая;
радуйся, Обрадованная, во Успении Твоем нас не оставляющая.
Радуйся, Любвеобильная, слезы сердец наших милостивно осушающая.
Кондак 13
О Всепетая Мати, Любвеобильная Заступниц православных людей Твоих, страждущих в безумнем мире сем. Призри на скорби и нужды наша, услыши моления наша, во смирении из глубины усталых сердец Тебе возносимыя. Очисти грехи наша и сподоби нас до конца дней наших нелицемерно взывати Воплотшемуся от Тебе Спасителю нашему: Аллилуиа.
(Этот кондак читается трижды, затем икос 1 и кондак 1)
Молитва Пресвятой Богородице перед Ея иконой, именуемой Пюхтицкой («У источника»)
О Пресвятая и Преблагословенная Мати Сладчайшаго Господа нашего Иисуса Христа! Припадаем и покланяемся Тебе пред светозарным образом Твоим и смиренно молим: прости, Всемилостивая, вся заблуждения наша и вся оскорбления, в ведении или в неведении Сыну Твоему и Спасителю нашему от юности обильно нанесенная неисполнением заповедей Его святых, небрежением к святыне, нерадением в молитве и нетерпением в несении креста нашего. Призри на жажду спасения и несильныя труды и пребуди с многогрешным, но оставшимся верным Сыну Твоему малым Его стадом по неложному слову Его, во Святем Евангелии реченному: «Не бойся, малое стадо: яко благоизволи Отец ваш дата вам Царство». О Животворящий Источниче нашего утешения, к Тебе возносим смиренное сие моление и просим Матернего Твоего о нас заступления пред Престолом Отца нашего Небеснаго. Не лиши нас Царства сего благодатнаго за премногия грехи наша, ибо вемы, яко ничто внешнее и самолюбивое, гордое и тщеславное, ни славныя достижения мирския, ни добродетели, с тайным самолюбованием совершаемыя, ни степени, ни чины, ни самое иноческое звание не возмогут возвести нас в Царствие Небесное, токмо сердце чистое и дух сокрушенный и смиренный, за многия молитвенныя труды Духом Святым даруемыя. Помози нам оставшиеся дни жизни нашея в духе и истине покланятися Сыну Твоему, Милосердная Богородице, и, стяжав нелицемерную любовь к Богу и ближнему, исполнити сию первейшую заповедь Господню, единственно приводящую в Царство Небесное. Невзирая на недостоинство наше, сподоби нас соделатися чадами Божиими по благодати и наследовати жизнь вечную со всеми, в покаянии Богу угодившими, и введи нас, Мати Божия, язвами Сына Твоего Иисуса Претихаго в Небесный Чертог Его, дабы вечно славити и воспевати Пречестное и Великолепое имя Всесвятыя Троицы Отца и Сына и Святаго Духа ныне и присно и во веки веков. Аминь.
Икона Богородицы «Успение» Пюхтицкая
Празднование
История
В Эстляндской губернии, в 16 верстах на северо-запад от Чудского озера и в 25 верстах от Балтийской железной дороги, там, где эта губерния соприкасается с Псковской и Санкт-Петербургской, находится живописной местности высокая гора, подымающаяся тремя уступами. Это — Богородицкая гора, но местные жители-эстонцы дали ей свое название — Пюхтицы, что буквально означает «Святое место». У подошвы этой горы, с западной ее стороны, бьет из земли источник прекрасной и целебной воды. Здесь лет 300 тому назад была обретена святая икона Успения Богоматери.
Предание относит время явления иконы Богородицы к тем временам, когда немецкая знать — потомки и преемники Ливонского ордена в Прибалтийском крае, угнетала эстонцев и русских, насильно привлекая их к своей вере. Рыцарство не ограничивалось одним насилием над совестью, но шло по пути насилия и дальше, обращая покоренных туземцев в своих рабов. В эти тяжелые времена Богоматерь и явилась пастуху-эстонцу, пасшему коров у Пюхтицкой горы.
Однажды, рано утром, он увидел благообразную Жену в великолепном одеянии стоявшую на горе. Когда пастух стал приближаться к Женщине в лучезарном сиянии, то Она, к его удивлению, стала невидима. И наоборот, когда он удалялся от места Ее явления, Она снова появлялась. Изумленный пастух отправился в близлежащие эстонские деревни и рассказал своим сородичам о видении. С ним тогда же пошли многие эстонцы, чтобы удостовериться в справедливости рассказанного. Богоматерь и им явилась в образе лучезарной Женщины, но так же в отдалении, и стала невидима, когда они попытались приблизиться.
На другое утро к месту явления стеклось множество народа. Явление повторилось, но никто не мог видеть Являющуюся вблизи. Народ пытался отыскать Ее на горе; однако все попытки были тщетны. Вместо Нее вблизи источника пастухами была найдена икона Успения Божией Матери старинной живописи.
Пастухи-эстонцы, нашедшие образ Богоматери, были лютеране. Поэтому они передали икону православным крестьянам деревни Ям, проходившим на барщину в свою мызу мимо эстонских деревень, недалеко от Пюхтицкой горы.
— Мы не молимся образам, — говорили при этом пастухи, — а вы, русские, молитесь; так вот возьмите себе найденный нами образ.
Услышав от них о тех обстоятельствах, при которых произошло обретение образа, православные искренне обрадовались и приняли с благоговением святую икону, глубоко веря, что Заступница Небесная не оставит их без Своего утешения в бедах и напастях. Здесь же, у подошвы горы, возле ее источника, они построили небольшую часовню и в ней поставили образ Успения Богоматери.
Каждый год, 15 августа, в эту часовню приезжал из города Нарвы соборный священник и совершал молебствия для собиравшихся к этому дню богомольцев. В 1876 году на месте часовни была построена церковь, а в 1891 году последовало правительственное постановление, по которому вся Пюхтицкая гора была приобретена в собственность православной церкви. Тогда же, к общей радости православных, на средства, собранные православным Прибалтийским Братством, был основан на горе Успенский женский монастырь. Богомольцы и страждущие многочисленной толпой, часто из весьма отдаленных мест, посещают Пюхтицкий монастырь для поклонения чудотворной иконе Успения Пресвятой Богородицы и многие из них, по вере своей, получают исцеления. Сказания о многочисленных чудесах еще и до сих пор можно слышать из уст окрестного населения, а богомольцы разносят весть о них по очень отдаленным местностям. Некоторые из этих чудесных исцелений записаны и в церковной летописи. Вот один случай, достойный упоминания. Нестеров, один из везенбергских купцов, долгое время страдал тяжкой болезнью. Он обратился за помощью к Царице Небесной и просил за себя отслужить молебен перед Ее св. иконой Успения. После этого Богоматерь явилась ему во сне и указала на ветхость часовни. Нестеров скоро выздоровел и в благодарность за оказанную свыше помощь перестроил часовню, а сам образ Успения Богоматери украсил дорогой серебрянной вызолоченной ризой.
Много чудесных исцелений совершается и от воды источника, который протекает у подошвы Богородицкой горы, с западной ее стороны, где был обретен чудотворный образ.
Пюхтицкий образ Успения Божией Матери сравнительно небольших размеров: в высоту он имеет 12 вершков, а в ширину — 10. Под изображением Божией Матери во гробе в виде пелены наложена прозрачная сетка, сделанная из серебра. Православные богомольцы стекаются в Пюхтицкий монастырь обыкновенно ко дню Успения, 15 августа.