икона колочская значение в чем помогает
Колочская икона Божией Матери
Колочская икона Божией Матери — великая святыня. В особенности лик почитают в Можайске и Москве. Перед иконой Богородицы люди молятся о духовной поддержке и исцелении.
Чудеса иконы явились миру еще в 15 веке, в имении князя Андрея Можайского, в городке под названием Колоча. Предание гласит о благодатной помощи, исходящей от лика Богородицы ко всем страждущим, убогим и больным.
История иконы
Смоленское княжество было захвачено в 1404 году, и на реке Угре образовалась граница между Москвой и Литвой. Тогда-то все и началось. Сама Богородица подарила свой образ, появившийся недалеко от Смоленска, в городке Колочи, дабы стать заступницей земель русских.
В тот день сердца людей наполнились радостью, крепкой верой и надеждой. И каждую субботу они славили Матерь Божию песнопением. Жители всех городов, поселков и деревень стали молиться перед святым образом, прося поддержки и выздоровления, особенно при непереносимых недугах и душевных переживаниях. Во время смертных болезней и вражеских нападок с иконой совершался крестный ход. В честь нее построен храм в городе Возьме.
Где хранится икона
Подлинная копия иконы была утеряна, и в настоящее время никто не знает о ее местонахождении. Самый ранний список можно встретить в Успенском Соборе в Москве.
В чем помогает чудотворный образ
Явление образа Пречистой Девы — чудо, которое спасло русский народ от ополчения, войн и смертельных болезней. Но это далеко не все, в чем помогает Богородица. Святой лик обладает многими чудотворными способностями, к которым взывают православные люди.
Описание иконы
На иконе изображена Пресвятая Богородица. Подле Ее правой руки находится Младенец, в руках его — свиток, символизирующий Слово Божие и просвещение. По обе стороны от Святого Семейства на иконе написаны Святые. По одну сторону от них — Николай Чудотворец, на другой — пророк Илия.
Дни празднования иконы
День, когда свершается празднование иконы, приходится на 9 июля. По новому стилю эта дата переносится на 22 июля.
Молитва пред иконой
«О великая заступница всего народа православного, посланная самим Господом Богом нашим! Взываем мы в молитвах к Тебе и просим о защите и поддержке Твоей! Встань на защиту нашу и убереги нас от недругов, от людей нечестивых. Дай сил и успехов на работе, огради семью от разлада, исцели от болезней и недугов, о Святейшая Дева! Во имя Отца, и Сына, и Святого Духа. Во веки веков. Аминь».
Только усердные и искренние молитвы помогут вам обрести поддержку Пресвятой Девы. Призвав к Ее защите и покровительству, вы сразу почувствуете легкость и радость на душе. Чудотворный лик Богородицы подарит успех в делах мирских, гармонию в семье и крепкое здоровье. Мы желаем вам нерушимой веры. Будьте счастливы
Икона Божией Матери Колочская
Как свидетельствуют старинные летописи и древнерусская «Повесть о Луке Колочском», чудотворная Колочская икона Божией Матери явилась в 1413 году в вотчине князя Андрея Димитриевича, внука Иванова, правнука Иванова и праправнука Даниила Московского, в 15-ти верстах от города Можайска, в местечке Колоча Смоленской губернии.
Крестьянин этого селения по имени Лука обрел и с благоговением перенес святой образ в свой дом, в котором в то время находился некий расслабленный больной. Услышав о чудесном явлении иконы Пресвятой Богородицы, болящий с верою приложился к иконе и получил полное исцеление.
Об этом чудесном исцелении стало известно в окрестностях, многие страждущие и больные начали притекать к чудотворной иконе на поклонение и получали от Богородицы благодатную помощь.
Из Можайска образ был перенесен в Москву. В столице святую икону встретил митрополит Фотий со священным Собором и множеством православных христиан. В то время, как чудотворный образ проносили по Москве, многие больные исцелялись от недугов. Позднее Колочская икона Божией Матери была возвращена в Можайск.
На месте явления чудотворного образа Лукой, который собрал благодаря иконе большие средства, была построена церковь в честь Успения Пресвятой Богородицы, где и была помещена святая икона. Но и сам Лука не смог преодолеть искушения большими деньгами – для себя он построил просторные каменные хоромы и зажил там, как князь, порою даже избивая и грабя ловчих князя Андрея Димитриевича, охотившихся с ястребами и соколами в лесах близ Колочи. Однако один случай заставил Луку раскаяться в своей неправедной жизни. Однажды ловчий князя поймал огромного злого медведя и велел вести его мимо двора Луки. Тот приказал выпустить зверя. Медведь бросился на Луку и покалечил его. Чуть живой, вмиг раскаявшийся Лука умолял приехавшего князя Андрея Димитриевича с пользой распорядиться своим достоянием. И впоследствии на пожертвования Луки и других православных верующих князь устроил на месте явления чудотворной иконы мужской монастырь, получивший наименование Колочского или Можайского. В этом монастыре Лука принял монашеский постриг и провел последние дни своей жизни в слезах и покаянии.
Первообраз Колочской иконы Божией Матери был утерян в 70-е годы прошлого века.
В Можайске списки с этой редкой Богородичной иконы можно было увидеть лишь в церкви святых праведных Иоакима и Анны и в церкви Илии Пророка. Последний был передан в возрожденный Колоцкий монастырь (ныне он женский). В 1993 г. монастырь был открыт как подворье Спасо-Бородинского монастыря, а в октябре 1997 г. – как самостоятельный. Летом 1998 года список чудотворной Колочской иконы Пресвятой Богородицы замироточил.
Согласно «Степенной книге Царского родословия», празднование Колочской иконе в монастыре издревле проходило 9 июля (по ст. ст.). Согласно устному преданию, на месте чудесного явления иконы забил целебный источник, к которому в день праздника совершается крестный ход. Сейчас на этом месте стоит деревянная часовня.
В Московском Успенском соборе, в приделе святых Апостолов Петра и Павла находится один из поздних списков чудотворного образа, на вызолоченной ризе которого есть надпись: «Лета 7197 (1689), июния, в 28 день, построен образ сей по обещанию великих государей мастерския палаты чиновников, за избавление бед милостию Пресвятыя Богородицы и святых молитвами».
На чудотворной иконе по обе стороны от Божией Матери изображены святитель Николай Чудотворец и Илия пророк.
Молитвы
Акафист Пресвятой Богородице пред иконой «Колочская»
Кондак 1
Взбранной Воеводе, Заступнице нашей, хранящей от бед землю Можайскую, благоговейное пение приносим Ти, недостойнии раби Твои, Богородице. Ты же, непрестанною молитвою мир спасающая, сохрани нас от всяких напастей, да зовем Ти: Радуйся, Благодатная, Ангелов и человеков Радование.
Икос 1
Ангелов Царица и Небесных Сил Госпожа яви древле на Колочи святую икону Свою. Людие же, о обретении чуднем дивящеся, возрадовашася зело и возопиша Преблагословенней:Радуйся, Палато Бога и Царя облагоуханная;радуйся, Горо, Духом Святым преосененная.Радуйся, Тайно Боговоплощения неизреченная;радуйся, Ниво неоранная, Богом возделанная.Радуйся, хлеб жизни, Христа, израстившая;радуйся, Стамно, манну небесную носившая.Радуйся, Надеждо нашего спасения;радуйся, Лествице божественнаго схождения.Радуйся, Благодатная, Ангелов и человеков Радование.
Кондак 2
Видя разслабленный икону Твою, Богомати, милостивно явленную, с верою той припаде и, благоговейно ю облобызав и здравие улучив, с радостию возопи Богу: Аллилуиа.
Икос 2
Разум человеческий не может, Владычице, постигнути силу благодатных исцелений от иконы Твоея Колочския явленных: како слепии прозираху, глусии слух обретаху, разслабленнии исцеляхуся и многия, недуги душевными и телесными одержимии, здравие улучаху. Сего ради прославляем Тя сице:Радуйся, Мати наша милосердная;радуйся, Заступнице усердная.Радуйся, болящих скорое Исцеление;радуйся, немощных всесильное Укрепление.Радуйся, сердца наша очищающая;радуйся, печали утоляющая.Радуйся, недужных безмездное Врачевание;радуйся, жизни вечныя Упование.Радуйся, Благодатная, Ангелов и человеков Радование.
Кондак 3
Сила многоцелебная исхождаше от иконы Твоея, Владычице, егда во град Можайск со благоговением на поклонение изнесеся. Вернии же людие, с трепетом припадающе пред тою, прославляху Тя и Сына Твоего, поюще хвалебную песнь: Аллилуиа.
Икос 3
Имущи издревле попечение о пределех отечества нашего, Богородице Царице, благоволила еси и стольный град Москву освятити дивным пришествием иконы Твоея, юже сретоша со славою великою князи и боляре и вси христолюбивии людие, похвалы приносяще Ти сицевыя:Радуйся, земли Русския небесная Покровительнице;радуйся, к горнему Отечеству верная Путеводительнице.Радуйся, избавляющая от всякаго вражия обстояния;радуйся, крепкое о нас пред Богом Предстояние.Радуйся, ко благочестию наша Наставнице;радуйся, телес наших скорая Целительнице.Радуйся, всем земнородным Прибежище и Оградо;радуйся, христолюбивым людем Нерушимая Стено.Радуйся, Благодатная, Ангелов и человеков Радование.
Кондак 4
Бурею многих скорбей обдержимии, людие Московстии ко образу Твоему святому, Богородице, со упованием притекаху, милостивно бо приемлеши прошения верных и молишися за всех, с верою имя Твое призывающих, Сыну же Твоему и Богу нашему зовущих: Аллилуиа.
Икос 4
Слышав благоверный князь Андрей Можайский о благодеяниих Богоматере, со умилением пред иконою Ея взываше: О, Державная наша Помощнице, Воеводо Великая и Надеждо всем христианом! Не остави нас, на Тя уповающих. Мы же, ведуще Тя, яко теплую нашу Заступницу, вопием сице:Радуйся, милосердая Мати, от погибели грешных избавляющая;радуйся, благая Владычице, на путь правый тех наставляющая.Радуйся, в страданиих наших присное утешение;радуйся, от уныния и отчаяния надежное заступление.Радуйся, Сына Твоего о нас умоляющая;радуйся, молитвами Твоими мир спасающая.Радуйся, яко Тобою от вечныя смерти свобождаемся;радуйся, яко Тобою безконечныя жизни сподобляемся.Радуйся, Благодатная, Ангелов и человеков Радование.
Кондак 5
Божественным промышлением чудесно явися в Колочи икона Твоя, Пресвятая Дево, Ты же благоволила еси на месте сем и обитель в честь преславнаго Успения Твоего воздвигнути, идеже ныне глас хваления приносится Богу: Аллилуиа.
Икос 5
Видяще пречудную икону Твою, Богомати, и чудеса бываемая, в сокрушение приходим и слезы покаяния приносим Ти, грешнии раби Твои. Ты же, Владычице, милосердия двери отверзи нам, да вопием сице:Радуйся, пресветлая Весно покаяния;радуйся, милосердия неоскудное Излияние.Радуйся, кающихся Споручнице во спасение;радуйся, согрешающих благонадежное Исправление.Радуйся, от соблазнов мира сохраняющая;радуйся, пламень страстей угашающая.Радуйся, падших скорое Возстание;радуйся, грехом ураненых Врачевание.Радуйся, Благодатная, Ангелов и человеков Радование.
Кондак 6
Проповедницы богоноснии прежде бывше апостоли, слово Божие всей вселенней возвещаху. Ты же, Богородице, святыми иконами Твоими по всей земли благовествуеши и знаменьми уверяеши истину веры Христовы, научающи нас взывати Богу: Аллилуиа.
Икос 6
Возсия преславно чудотворный образ Твой, Царице Богородице, во утверждение Державы Российския и залог любве к православному народу ея, имже и ныне ублажаешися похвалами сими:Радуйся, знамение Божия к нам благоволения;радуйся, Российския Державы укрепление.Радуйся, скиптры Царствия молитвами Твоими утверждающая;радуйся, достояние Твое желанным миром венчающая.Радуйся, душ наших с Богом Примирение;радуйся, православным Щит и Ограждение.Радуйся, милость Божию верным являющая;радуйся, омофором Своим Русь покрывающая.Радуйся, Благодатная, Ангелов и человеков Радование.
Кондак 7
Хотя царь Иоанн град Полоцк свободити и латинян далече от земли Русския отгнати, изволи взяти на брань Колочскую икону Пречистыя Богородицы, да, видяще ю, нечестивии падут и разумеют, яко с нами Бог, Емуже вопием: Аллилуиа.
Икос 7
Новое чудо явися, егда икона Твоя, Богомати, невредима сохранися и много паче украшена бысть, аще и поруганию и сожжению предадеся обитель Колочская от латинян в литовское разорение. Темже, ныне на образ Твой взирающе, благодарне вопием:Радуйся, земли Русския Защищение;радуйся, иноплеменных ратей Одоление.Радуйся, от междоусобныя брани избавляющая;радуйся, смуту и крамолу уставляющая.Радуйся, злых сердец Умягчение;радуйся, благочестивых душ Украшение.Радуйся, братолюбию нас научающая;радуйся, на путь спасения наставляющая.Радуйся, Благодатная, Ангелов и человеков Радование.
Кондак 8
Странно и преславно заступление Твое бысть во бранех, Богомати, егда галлы и двадесять язык на землю Русскую от Запада приидоша. Тогда вси людие правовернии с верою моляху Тя об одолении прегордаго супостата, да победу улучивше, воспоют Богу: Аллилуиа.
Икос 8
Вси воспомянем битву Бородинскую, егда воини русстии живот свой за веру, царя и Отечество полагаху, в стенах же обители Колочския укрепление и утешение духовное обретаху, под кров Пречистыя прибегающе и вопиюще Ей сицевая:Радуйся, православным воином во бранех помогающая;радуйся, на безбожныя враги их укрепляющая.Радуйся, раны тяжкия прикосновением Твоим исцеляющая;радуйся, преставльшихся во обителех Небесных упокоевающая.Радуйся, Воеводо добропобедная;радуйся, Заступнице наша усердная.Радуйся, вражду и злобу упраздняющая;радуйся, Отечество наше сохраняющая.Радуйся, Благодатная, Ангелов и человеков Радование.
Кондак 9
Всякое шатание еретическое, отвергающее святых икон почитание, разорися древле духоносным Собором богоглаголивых отец. Мы же, отеческия законы Церкве храняще, веруем, яко почитание, воздаваемое образу Твоему, к Тебе Самей восходит, Владычице. Темже, Сыну Твоему, тако благоволившему, зовем: Аллилуиа.
Икос 9
Ветии многовещаннии не возмогут, Владычице, изглаголати неизреченное милосердие Твое к роду человеческому. Сице, егда смертоносная язва землю Можайскую порази, Ты, Пречистая, гнев Божий на милость преложила еси и рабы Твоя пагубы лютыя свободила еси. Темже вопием Ти:Радуйся, ненадежных Упование;радуйся, погибших Взыскание.Радуйся, болезнем Исцеление;радуйся, страстем Изменение.Радуйся, злотворных воздухов Отгнание;радуйся, благодати Божия Присвоение.Радуйся, Главизно нашего спасения;радуйся, верным Отрада и Утешение.Радуйся, Благодатная, Ангелов и человеков Радование.
Кондак 10
Спасти хотя мир, Иже всех Господь, яко дождь на руно Гедеоново, во утробу Пречистыя Девы с Небесе сниде и по рождестве сохрани Ю, якоже бе нетленну, да, чудо видяще, поем воплотившемуся нас ради Христу Богу: Аллилуиа.
Икос 10
Стена еси и Защищение людем Твоим, Богородице Дево, даровала бо еси земли Русстей чудотворныя иконы Твоя во укрепление веры Православныя. Тако и на Колочи святый образ Твой явися в помощь и заступление народу нашему. Темже прославляем Тя сице:Радуйся, Церкве Православныя Столпе непоколебимый;радуйся, земли нашея Покрове нерукотворенный.Радуйся, Русь Православную возлюбившая;радуйся, благочестие в ней утвердившая.Радуйся, мечем молитвы нас вооружающая;радуйся, щит веры в руце наша влагающая.Радуйся, к Сыну Твоему присная Ходатаице;радуйся, молений наших всеблагая Скоропослушнице.Радуйся, Благодатная, Ангелов и человеков Радование.
Кондак 11
Пение молебное приносят Ти, Пречистая Дево, инокини честныя во обители Колоцтей и, чудную икону Твою почитающе и ради обновления обители древния Тя благодаряще, возсылают Богу хвалебную песнь: Аллилуиа.
Икос 11
Светородительнице боголепная, Ты, девство и рождество нетленно в Себе сочетавши, девам Похвала и матерем Отрада явилася еси. Мы же, таинству, на Тебе бывшему, дивящеся, вопием Ти сице:Радуйся, матеродевственная Славо;радуйся, человеческаго рода Похвало.Радуйся, Сеятеля чистоты непорочно родившая;радуйся, преслушание Евино послушанием Твоим исцелившая.Радуйся, дев богомудрых Украшение;радуйся, чистоте и целомудрию Научение.Радуйся, благоуханный Крине девства;радуйся, Всенепорочная Богоневесто.Радуйся, Благодатная, Ангелов и человеков Радование.
Кондак 12
Благодать неоскудевающую от иконы Твоея источаеши, Богородице, и, яко Божественнии стражи, предстоят Тебе святии ревнители Богопочитания истиннаго, пророк Илия, небошественник преславный, и святитель Николай, чудотворец предивный. С ними же моли, Дево, Сына Твоего спастися нам, зовущим Ему: Аллилуиа.
Икос 12
Поюще неистощимое множество чудес Твоих, Владычице, прославим и милость Твою от источника многоцелебнаго, на месте явления святыя иконы Колочския проистекшаго и до днесь врачевство обильное источающаго, всем с верою приходящим и вопиющим Богородице:Радуйся, Источниче исцелений, присно изливаемый;радуйся, Кладезю чудес неисчерпаемый.Радуйся, Сосуде, благодати исполненный;радуйся, Облаче легкий, Христа одождивый.Радуйся, Купеле, всякую скверну очищающая;радуйся, Бане, совесть омывающая.Радуйся, Море, вся наша страсти потопляющее;радуйся, Чаше, духовную жажду утоляющая.Радуйся, Благодатная, Ангелов и человеков Радование.
Кондак 13
О, Всепетая Мати, Пречистая Богородице Дево! Приими сие малое моление наше и, яко неоскудевающий Источник благодати, уврачуй болезни душ и телес наших и умоли Сына Твоего о всех, с верою к Тебе притекающих и поющих Богу: Аллилуиа.Сей кондак глаголи трижды. Посем икос 1 и кондак 1.
О, Пресвятая Владычице Богородице, Царице Небесе и земли, Высшая Ангел и Архангел и всея твари Честнейшая, Чистая Дево Марие, миру Благая Помощнице, всех христиан Утверждение и всем во всяких нуждах Избавление!Призри ныне на рабы Твоя, молящияся Тебе умиленною душею и сокрушенным сердцем, со слезами припадающия и пречестному и цельбоносному образу Твоему поклоняющияся. Буди за нас Ходатаица к Сыну Твоему, Христу Богу нашему, мы бо, грешнии, не имамы иныя Помощницы, разве Тебе, Владычице. Ты еси наша Надежда и Упование, Ты еси Заступница и Предстательница наша, Ты обидимым Защищение, печальным Утешение, скорбящим Радование, сирым Прибежище, вдовицам Хранительница, девам Слава, слезящим Веселие, больным Исцеление, грешным Спасение.Сего ради, о Богомати, к Тебе прибегаем и, на Твой святый образ взирающе, с любовию покланяемся Тебе и молебное пение приносим, вопиюще: помилуй ны, Мати Божия, и прошения наша исполни во благо, вся бо возможна суть ходатайству Твоему к Сыну Твоему, Христу Богу нашему. Емуже подобает всякая слава, честь и поклонение со Безначальным Его Отцем и Пресвятым и Благим и Животворящим Его Духом ныне и присно и во веки веков. Аминь.
Почитание святыни в Успенском Колоцком женском монастыре
До 1934 года Успенский собор служил приходским храмом для двенадцати окрестных деревень. Благодаря чудотворной иконе монастырь оставался духовным центром округи. В 1932 году все монастырские постройки были переданы интернату для глухонемых детей, а в 1934 году и Успенский храм перешел в руки этой организации. Община верующих была переведена в Рождественскую церковь в селе Суконники, туда же был перенесен и чудотворный образ Пресвятой Богородицы. Когда в 1937 году власти закрыли и этот храм, то Колочская икона была перенесена в Гжатск, где хранилась на частной квартире, а потом в Вознесенском соборе города. Дальнейшая судьба чудотворной Колочской иконы не известна.
27 июня 1998 года из Москвы в монастырь был принесен список чудотворной Колочской иконы Божией Матери. Само появление этого списка в Успенской обители было чудесным. Владелец иконы Владимир Петрович Михайлов, старший научный сотрудник НИИ киноискусства в Москве, завещал дочери Елене после его смерти отдать икону в Успенский Колоцкий монастырь. Елена Владимировна, исполняя просьбу отца, решилась отвезти икону почти сразу после его кончины. Местонахождение Колоцкого монастыря ей и ее спутникам не было известно. Они планировали заехать в Спасо-Бородинский монастырь, чтобы узнать адрес Колоцкой обители. Однако первым монастырем, который повстречался им на Можайской земле, оказался именно Колоцкий. Рафик с иконой въехал в обитель под звон колоколов – звонили к всенощному бдению, которое в тот день началось несколько позже обычного.
Икона была торжественно встречена насельницами обители, служащим священником, прихожанами и была принесена в домовую церковь во имя преподобномученицы великой княгини Елисаветы. Было совершено торжественное богослужение в честь иконы Божией Матери наряду с воскресным всенощным бдением. На следующий день, в воскресенье 28 июня, по окончании Божественной литургии, вместе с прибывшими насельницами Спасо-Бородинского монастыря, служащими священниками и прихожанами был совершен крестный ход с чудесно явившимся образом Пресвятой Богородицы на целебный источник Колочской иконы Божией Матери, где был совершен молебен с водоосвящением.
Поначалу привезенный образ был принят за подлинник. Трудно было поверить, что это не сама чудотворная икона, так как после ее появления в монастыре насельницы сразу же ощутили помощь Царицы Небесной. За оставшиеся два летних месяца удалось отремонтировать трапезную, провести водопровод к сестринскому корпусу, установить телефон. Вскоре по молитвам у иконы стали совершаться исцеления.
История этого чудотворного списка Колочской иконы, который датируется концом XIX века, такова. Прадед Владимира Петровича Михайлова, Дмитрий Андрианович Андрианов, был церковным старостой в селе Колоцкое. Осталось неизвестным, кто написал икону и каким образом она попала к Дмитрию Андриановичу.
Затем икона хранилась у потомков Д. А. Андрианова: сначала у его сына Василия, а потом у внучки Александры. Она завещала икону своему племяннику Владимиру, после смерти которого икона была передана в Успенский Колоцкий монастырь.
Сегодня в монастыре хранятся четыре Колочские иконы Божией Матери. О первой было рассказано выше. Вторая долгое время хранилась в храме во имя святого Илии Пророка в Можайске, а третья икона была подарена обители одной из прихожанок.
Еще один небольшой образ Пресвятой Богородицы был принесен в дар насельницам обители перед празднованием в честь Колочской иконы Божией Матери. Однако чудотворения и исцеления наблюдаются только от одной иконы – привезенной из Москвы.
Икона Богородицы Колочская
Празднование
История
Как свидетельствуют старинные летописи и древнерусская «Повесть о Луке Колочском», чудотворная Колочская икона Божией Матери явилась в 1413 году в вотчине князя Андрея Димитриевича, внука Иванова, правнука Иванова и праправнука Даниила Московского, в 15-ти верстах от города Можайска, в местечке Колоча Смоленской губернии.
Крестьянин этого селения по имени Лука обрел и с благоговением перенес святой образ в свой дом, в котором в то время находился некий расслабленный больной. Услышав о чудесном явлении иконы Пресвятой Богородицы, болящий с верою приложился к иконе и получил полное исцеление.
Об этом чудесном исцелении стало известно в окрестностях, многие страждущие и больные начали притекать к чудотворной иконе на поклонение и получали от Богородицы благодатную помощь.
Из Можайска образ был перенесен в Москву. В столице святую икону встретил митрополит Фотий со священным Собором и множеством православных христиан. В то время, как чудотворный образ проносили по Москве, многие больные исцелялись от недугов. Позднее Колочская икона Божией Матери была возвращена в Можайск.
На месте явления чудотворного образа Лукой, который собрал благодаря иконе большие средства, была построена церковь в честь Успения Пресвятой Богородицы, где и была помещена святая икона. Но и сам Лука не смог преодолеть искушения большими деньгами – для себя он построил просторные каменные хоромы и зажил там, как князь, порою даже избивая и грабя ловчих князя Андрея Димитриевича, охотившихся с ястребами и соколами в лесах близ Колочи. Однако один случай заставил Луку раскаяться в своей неправедной жизни. Однажды ловчий князя поймал огромного злого медведя и велел вести его мимо двора Луки. Тот приказал выпустить зверя. Медведь бросился на Луку и покалечил его. Чуть живой, вмиг раскаявшийся Лука умолял приехавшего князя Андрея Димитриевича с пользой распорядиться своим достоянием. И впоследствии на пожертвования Луки и других православных верующих князь устроил на месте явления чудотворной иконы мужской монастырь, получивший наименование Колочского или Можайского. В этом монастыре Лука принял монашеский постриг и провел последние дни своей жизни в слезах и покаянии.
Первообраз Колочской иконы Божией Матери был утерян в 70-е годы прошлого века.
В Можайске списки с этой редкой Богородичной иконы можно было увидеть лишь в церкви святых праведных Иоакима и Анны и в церкви Илии Пророка. Последний был передан в возрожденный Колоцкий монастырь (ныне он женский). В 1993 г. монастырь был открыт как подворье Спасо-Бородинского монастыря, а в октябре 1997 г. – как самостоятельный. Летом 1998 года список чудотворной Колочской иконы Пресвятой Богородицы замироточил.
Согласно «Степенной книге Царского родословия», празднование Колочской иконе в монастыре издревле проходило 9 июля (по ст. ст.). Согласно устному преданию, на месте чудесного явления иконы забил целебный источник, к которому в день праздника совершается крестный ход. Сейчас на этом месте стоит деревянная часовня.
В Московском Успенском соборе, в приделе святых Апостолов Петра и Павла находится один из поздних списков чудотворного образа, на вызолоченной ризе которого есть надпись: «Лета 7197 (1689), июния, в 28 день, построен образ сей по обещанию великих государей мастерския палаты чиновников, за избавление бед милостию Пресвятыя Богородицы и святых молитвами».
На чудотворной иконе по обе стороны от Божией Матери изображены святитель Николай Чудотворец и Илия пророк.
Богослужения
Текст службы утвержден Священным Синодом
Русской Православной Церкви
16-17 июля 2020 года (журнал № 34)
Месяца иулия в 9-й день
Празднование Пресвятей Владычице нашей Богородице и Приснодеве Марии,
ради чудотворныя иконы Ея, именуемыя «Колочская»
На велицей вечерни
Блажен муж: 1-й антифон. На Господи, воззвах: поставим стихов 8 и поем стихиры, глас 1.
Подобен: Небесных чинов:
Небесных чинов Радование,/ рода человеческаго крепкое Упование,/ Пречистая Дево,/ Слова Божия пространное Селение,/ Храм Одушевленный, паче же Святый,/ Премудростию созданный во спасение душ наших.
Небесная Палато Царя Славы,/ Духа Святаго благодатию украшенная,/ Пречистая Дево,/ на руках Твоих Бога носившая,/ паче Серафим возвышенная,/ рождши Христа и Господа во спасение душ наших.
Небесный Божества Кивоте,/ Бога Невместимаго Вместилище,/ Пречистый и Нескверный Чертоже, Дево,/ Цвет неувядаемый, девством присноцветущий,/ Плод Благовонный, Христа, приносящая,/ во спасение душ наших.
Ины стихиры, глас 2.
Подобен: Киими похвальными венцы:
Киими похвальными словесы/ ублажим Пречистую Богородицу?/ Небесную всего мира Заступницу,/ пречистеи руце Свои/ к Богу простирающую,/ Предстательницу нашу Непостыдную,/ за вся верныя люди/ Сына Своего умоляющую,/ Всемощную Ходатаицу./ Сего ради с верою и любовию Ей возопиим:/ Владычице, помози, на ны милосердовавши.
Киими песненными добротами/ воспоим Пресвятую Деву?/ Честнейшую Херувим/ и Славнейшую без сравнения Серафим,/ Царицу и Владычицу Небесе и земли,/ и всему миру Предивный Покров./ Сего ради, к матернему Ея благоутробию притекающе,/ со умилением возопиим:/ Владычице, помози, на ны милосердовавши.
Ины стихиры, глас 8.
Подобен: О, преславнаго чудесе:
О, преславнаго чудесе!/ О, предивнаго заступления!/ Се бо Мати Божия/ многия образы Своя по всей земли нашей яви/ в покров и защищение людем верным,/ во отгнание врагов видимых и невидимых./ Тако и на Колоче икона Ея явися,/ благодати Божия исполненная/ и чудесами прославленная.
О, несказанныя благости!/ Мати Божия Пречистая,/ воистину Источник благодеяний неисчерпаемый,/ образом Своим, на Колоче явленным,/ всем чтущим его утешение подает,/ от страстей свобождает,/ неплодство родителей разрешает,/ болящим здравие дарует/ и всех ко спасению наставляет.
О, пречуднаго утешения!/ Преблагословенная Владычица,/ Богомладенца на руку Своею носящи/ и матернее попечение о Нем имущи,/ пред иконою Своею святою/ моление матерей о чадех с любовию приемлет,/ овым убо дарующи в воспитании вразумление,/ овым послушание и благоговение/ и всех путеводит ко спасению.
Слава, и ныне, глас тойже:
Паче скинии Моисеевы,/ по образу небесному сотворенныя,/ всю Тя Бог Отец освяти, Богородице, Духом Святым/ и Сын Божий, вселився в Тя,/ всего человека оживи./ Тем и Твоя икона, яко ковчег Завета,/ наполнися благодати Божия/ и источает освящение почитающим Тя./ Мы же, любезно ей покланяющеся,/ просим от Тебе великия милости,/ да спасеши души наша,/ благословенная Помощнице.
Вход. Прокимен дне. И чтения три Богородичная.
На литии стихиры, глас 1:
Приидите, вси вернии,/ во обитель Колочскую притецем/ и узрим славу и чудеса Богоматере:/ руце и колена разслабленных укрепляются,/ малодушнии радуются,/ очи слепых отверзаются,/ уши глухих слышат,/ неплодныя утробы разрешаются./ Изливаются бо исцеления от святыя иконы,/ яко источника воднаго в земли жаждущей,/ напояющаго сердца всех, с верою притекающих,/ водою Божественныя благодати.
Глас тойже:
Возрадуйся, Русь Православная,/ яко порази Бог враги и супостаты твоя/ предстательством непобедимым Взбранныя Воеводы,/ Ейже, яко Заступнице нашей, возопиим:/ Владычице Богородице,/ утверди православных веру,/ сохрани стадо Твое невредимо/ и спаси души наша.
Слава, и ныне, глас 8:
О, Госпоже, Царице и Владычице,/ веры Православныя твердое Ограждение/ и державы нашея Нерушимая Стено!/ На стражи земли Русския с вои Небесными стани/ и сохрани грады и веси,/ и вся верныя люди/ невредимы от всех навет вражиих.
На стиховне стихиры, глас 2.
Подобен: Доме Евфрафов:
Доме Содетеля,/ Пресвятая Дево,/ во утробу Слово Божие приимши,/ от Пречистых ложесн Твоих/ Творца миру израстила еси.
Стих: Помяну Имя Твое/ во всяком роде и роде.
Пречистая Мати,/ неплодныя Анны Прозябение,/ безчадныя утробы разрешаеши/ и души наша благоплодны твориши/ благодатию Христовою.
Стих: Слыши, Дщи, и виждь,/ и приклони ухо Твое.
Еву первую,/ из ребра созданную,/ клятвы свободи Ева Новая,/ во утробу бо вмести Невместимаго,/ из ребра пречистаго живот всем источившаго.
Слава, и ныне, глас и подобен тойже:
Царскаго рода Отрасле,/ от добраго корене прозябши,/ Плод Нетленный нам израстила еси,/ рождши всех Царя и Господа./ Темже и Царица Небесная явилася еси.
Тропарь, глас 4:
Днесь возсия в Колочи икона Твоя, Богомати,/ и, яко солнце светозарное, освети место сие./ Мы же, на образ Твой взирающе, со слезами вопием:/ о, Всемилостивая Госпоже, Владычице Богородице,/ молися из Тебе Воплощенному Христу Богу нашему,/ да подаст земли нашей мир/ и спасение душам нашим.
На утрени
На Бог Господь: тропарь Богородицы, трижды.
По 1-м стихословии седален, глас 4:
Како возможем по достоянию воспети многия милости Матере Господни? Удобее бо есть звезды небесныя исчести, нежели благодеяния Пречистыя к роду человеческому изглаголати. Темже благодарне Богородице возопиим: не лиши нас Твоего заступления, Владычице.
Слава, и ныне, глас тойже:
Всю Тя Бог освяти, Дево добрая и непорочная в женах, во святая святых вселив, Ангелом воспитав, с Небесе пищу подая. В последок дний Сам Преблагий Бог, Единородное Слово Отчее, плотию пройде из Тебе. Темже Тя почитаем, яко истинную Приснодеву и Богородицу.
По 2-м стихословии седален, глас 5:
От всех родов Избранная, Пренепорочная Дево! Ты явилася еси Мати Господа и Бога, Иже есть Творец всея твари, Ты возрастила еси Зиждителя, Иже пятию хлебы напита множество, Ты на руку Своею носила еси Носящаго вся. Егоже моли о душах наших.
Слава, и ныне, глас тойже:
Помощница в скорби рабом Твоим буди, Мати Преблагословенная, и на супостаты христианом споборствуй, да, видяще Твое крепкое заступление, Владычице, воспеваем милости Твоя, Отечеству нашему являемыя.
Величание:
Величаем Тя,/ Пресвятая Дево,/ Богоизбранная Отроковице,/ и чтим образ Твой святый,/ имже точиши исцеления/ всем, с верою притекающим.
Псалом избранный:
Помяну Имя Твое во всяком роде и роде.
Слыши, Дщи, и виждь, и приклони ухо Твое.
Лицу Твоему помолятся богатии людстии.
Чашу спасения прииму и Имя Господне призову.
Освятил есть селение Свое Вышний.
Преславная глаголашася о Тебе, граде Божий.
Яко избра Господь Сиона, изволи Его в жилище Себе.
По полиелеи седален, глас 1:
Не престани изливати милости Твоя, Владычице Богородице, на Церковь Русскую и на отечество наше, не отврати лица Твоего от нас и яви благоволение Твое, принеси мольбу к Сыну Твоему, Христу Богу нашему, да дарует нам мир и спасет души наша.
Слава, и ныне, тойже.
Степенна, 1-й антифон 4-го гласа. Прокимен, глас 4: Помяну Имя Твое/ во всяком роде и роде. Стих: Слыши, Дщи, и виждь, и приклони ухо Твое. Всякое дыхание: Евангелие от Луки, зачало 4.
По 50-м псалме стихира, глас 6:
Не имамы иныя помощи,/ не имамы иныя надежды,/ разве Тебе, Владычице,/ Ты нам помози,/ на Тебе надеемся/ и Тобою хвалимся,/ Твои бо есмы раби,/ да не постыдимся.
Канон Богородице на 12, егоже краегранесие: Колоцкия обители Заступницу воспоем. Глас 4.
Песнь 1
Ирмос: Отверзу уста моя,/ и наполнятся Духа,/ и слово отрыгну Царице Матери,/ и явлюся, светло торжествуя,/ и воспою, радуяся, Тоя чудеса.
Припев: Пресвятая Богородице, спаси нас.
Колочскую икону почтити и слово похвальное изрещи Царице Матери уста моя отверзи, Боже, да воспою, радуяся, Тоя чудеса.
Обрет Лука земледелец икону Твою, Богородице, умилися душею и прослави, Тя, яко Матерь всех Бога, Заступницу жизни нашея.
Лествица Небесная и спасительная, Еюже Бог на землю сниде, явилася еси, Богородице Пречистая. Возведи и нас к Небесному Царствию.
От святыя иконы Твоея, Владычице, разслабленный исцеления сподобися и верою своею от одра болезненнаго Тобою, Всемилостивая, спасен бысть.
Катавасия: Отверзу уста моя:
Песнь 3
Ирмос: Твоя песнословцы, Богородице,/ Живый и Независтный Источниче,/ лик себе совокупльшия, духовно утверди,/ в Божественней Твоей славе/ венцев славы сподоби.
Цельбы людем града Можайска источала еси, Владычице мира, егда тии, пред иконою Твоею явленною со умилением припадающе, хвалу и благодарение Тебе возсылаху.
Кто не удивится славному пришествию Колочския иконы во стольный град Москву? Тогда бо святитель Фотий и великий князь и народа множество сретоша образ Богоматере, честь богоугодную Царице Небесе и земли воздающе.
Из града во град несена бысть икона Твоя, Пресвятая Дево, и вси, с верою молящиися, помощь улучаху: слепии прозираху, хромии хождаху, разслабленнии исцеляхуся и вси болящии здравие обретаху.
Явися милость Твоя, Богородице, мужу некоему, на одре смертнем лежащему, той бо, на перси святый образ Твой прием, абие здравие улучи. Темже Тя достойно ублажаем.
Седален, глас 2:
Обитель Твоя, Богородице, врачебница недугов душевных вкупе же и телесных явися, православнии бо воини, во бранех ранами уязвленнии, врачебную помощь зде улучаху, инии же и упокоение вечное обретоша. Молим Тя, Пречистая: почившия в вере воинству Царя Небеснаго сочисли и души их в райския обители всели.
Слава, и ныне, глас тойже:
Вся еси света исполнена и порока несть в Тебе, Богородице Безневестная: Ты бо Совершеннаго Бога Храм одушевленный явилася еси, Непорочнаго Агнца, вземлющаго грехи мира, пречистое Селение бывши, и Небеснаго Царя Славы пресветлый Чертог показалася еси. Темже Тя по долгу благочестно величаем.
Песнь 4
Ирмос: Седяй в славе на Престоле Божества/ во облаце легце,/ прииде Иисус Пребожественный/ Нетленною Дланию и спасе зовущия:/ слава, Христе, силе Твоей.
Одушевленный Кивоте и Престоле Божества, на Немже возседе Христос, Царь Славы, воплотися от чистых кровей Твоих, Богородительнице, Едина Благословенная в женах.
Богородице Пречистей со умилением молитвы принося, князь Андрей пред святою иконою Ея воззва: Державная наша Помощнице и Воеводо Великая, и Надеждо всем христианом, не остави нас, присно на Тя уповающих.
Идеже превозносится Пресвятое имя Царицы Богородицы, тамо благодать Духа Святаго изобилует; и всяк, иже Матерь Божию почитает, николиже тощь и неуслышан отходит. Соблюдает бо Владычица под кровом Своим благонравныя и богобоящияся рабы Своя.
Тебе, Отроковице, Дщери Отца Небеснаго, Матери Сына Божия, Обители Духа Святаго, хвалу и честь приносим, Ты бо, рождши на Престоле Божества Седящаго, нас, повинных греху, спасла еси.
Песнь 5
Ирмос: Ужасошася всяческая/ о Божественней славе Твоей:/ Ты бо, Неискусобрачная Дево,/ имела еси во утробе над всеми Бога/ и родила еси Безлетнаго Сына,/ всем, воспевающим Тя,/ мир подавающая.
Еже радуйся Ангелом приимшая и рождшая Зиждителя Твоего, Дево, спасай Тя величающия и поющия: радуйся, Обрадованная, Господь с Тобою.
Лицу Твоему помолятся богатии людстии, сие проречение Давидово на Тебе исполнися, Богородице: воистинну вернии молятся пред образом святым Твоим и, стяжавше богатство благодати, покланяются славе Твоей.
Иже прежде век от Отца Рожденнаго, Пречистая, родила еси, Дева до рождества, в рождестве и по рождестве пребывши. Темже воистинну Приснодеву Тя исповедуем.
Заступнице Усердная земли Русския! Ты в стенах обители Колочския пред ратию Бородинскою утешение воином православным подала еси, христолюбивое воинство на сопротивныя укрепивши.
Песнь 6
Ирмос: Божественное сие и всечестное/ совершающе празднество,/ Богомудрии, Богоматере,/ приидите руками восплещим,/ от Нея рождшагося Бога славим.
Аможе износима бываше икона Богородична, тамо язва смертоносная прекращашеся, и горесть немощи губительныя на Божественную сладость прелагашеся.
Святии ревнителие Богопочитания истиннаго, пророк Илия и святитель Николай, яко Божественнии стражи предстоят Тебе, Пречистая. С ними же моли Сына Твоего спастися душам нашим.
Точат врачевство воды источника живоноснаго, на месте явления святыя иконы проистекшаго, и подается исцеление в скорбех душевных и телесных всем, с верою к милосердию Матере Божия притекающим.
Усердно молим Тя, Благодатная: души наша просвети и отечество наше благослови, да любовию прославляем Тя, яко Заступницу рода христианскаго.
Кондак, глас 8:
Взбранной Воеводе, Заступнице нашей, хранящей от бед землю Можайскую, благоговейное пение приносим Ти, недостойнии раби Твои, Богородице. Ты же, непрестанною молитвою мир спасающая, сохрани нас от всяких напастей, да зовем Ти: Радуйся, Благодатная, Ангелов и человеков Радование.
Икос:
Ангелов Царица и Небесных Сил Госпожа яви древле на Колочи святую икону Свою. Людие же, о обретении чуднем дивящеся, возрадовашася зело и возопиша Преблагословенней:
радуйся, Палато Бога и Царя облагоуханная;
радуйся, Горо, Духом Святым приосененная.
Радуйся, Тайно Боговоплощения неизреченная;
радуйся, Ниво неоранная, Богом возделанная.
Радуйся, хлеб жизни, Христа, израстившая;
радуйся, Стамно, манну небесную носившая.
Радуйся, Надеждо нашего спасения;
радуйся, Лествице божественнаго схождения.
Радуйся, Благодатная, Ангелов и человеков Радование.
Песнь 7
Ирмос: Не послужиша твари Богомудрии/ паче Создавшаго,/ но, огненное прещение мужески поправше,/ радовахуся, поюще:/ препетый отцев Господь и Бог, благословен еси.
Помощь неоскудную подаеши, Богородице Пречистая: в нуждах житейских поспешествуеши и в скорбех душевных утешаеши. Темже, благодаряще, вопием Ти: Всепетая Приснодево, благословена еси.
На поле брани явлением Твоим, Владычице, воина некоего от смерти невредима сохранила еси и той со умилением Истинную Тя Матерь Божию исповеда: Всепетая Приснодево, благословена еси.
Избавляеши рабов Твоих похотей греховных мира сего, Пречистая Дево, и работы вражия тех свобождаеши, и к Сыну Твоему взывати научаеши: отцев Боже, благословен еси.
Целящи язвы неисцельныя, Богоотроковице, от одра смертнаго верную рабу Твою чудесно воздвигла еси, благодатию бо Твоею недуги душ и телес врачуются и плачь на радость прелагается. Темже всякий род поет Тя: Всепетая Приснодево, благословена еси.
Песнь 8
Ирмос: Отроки благочестивыя в пещи/ Рождество Богородичо спасло есть, /тогда убо образуемое,/ ныне же действуемое,/ вселенную всю воздвизает пети Тебе:/ Господа пойте, дела,/ и превзносите Его во вся веки.
Уставила еси, Дево, токи кровныя жены кровоточивыя, от врачев не могущия исцелети. И нас от недугов свободи, с верою притекающих и превозносящих Тя во вся веки.
Владычицы мира чудотворней иконе Рахиль преподобная народа ради не возможе коснутися, обаче во смирении своем от образа Пречистыя Девы отраду почерпе, поющи и превозносящи Ю во вся веки.
О, велия благоутробия Твоего, Мати Господня! Раба Твоего, страстию пианства плененнаго, исцеляеши, Богородице, напояющи сердце его Небесным неупиваемым питием Твоего милосердия, непрестающаго во вся веки.
Святым елеем от иконы Твоея, Владычице, жена глухая, помазана бывши, слух обрете. Ты же, Всемилостивая, душевныя слухи наша отверзи, да, спасаемии, превозносим Тя во вся веки.
Песнь 9
Ирмос: Всяк земнородный/ да взыграется, Духом просвещаемь,/ да торжествует же Безплотных умов естество,/ почитающее священное торжество Богоматере,/ и да вопиет:/ радуйся, Всеблаженная Богородице,/ Чистая Приснодево.
Преблагословенная Богородице Дево, безчадие супруг на благочадие прелагающая, добродетельми нас обогати, ко греху же и страстем соделай неплодны.
Освящаеши, Пречистая, благочестно притекающих ко образу Твоему и припадающих к Тебе с любовию. Избави нас от всяких бед и милостива сотвори нам Сына Твоего и Бога нашего.
Елеем от святыя иконы Твоея, Пресвятая Дево, очами телесными страждущия исцеляеши и многоразличныя недуги врачуеши, наипаче же духовно ослепленныя просвещаеши, прозрение и вразумление тем дарующи.
Младенца Превечнаго плотию родила еси и Питателя вселенныя млеком питала еси. О, Мати Божия, не остави матери и чада, к Твоей иконе притекающия, и сохрани их от всякаго зла, Млекопитательнице Спаса нашего.
Светилен:
Светлостей солнечных Чистейшую, Вышшую Небес и Херувим Честнейшую, Богородицу и Матерь Света в песнех возвеличим, лучами чудес Своих мир просвещающую.
На хвалитех стихиры на 4, глас 4.
Подобен: Яко добля:
Яко пространное Селение Божия Слова еси/ и честное Жилище Естества Божественнаго,/ Пречистая Дево Богородице,/ Ты бо Превечнаго и Непостижимаго,/ Соприсносущнаго Невидимому Отцу/ во утробе плотски носила еси/ Христа Бога нашего./ Егоже моли, Преблагословенная Владычице,/ даровати нам велию милость.
Яко Хранительница Неусыпная еси/ и Стена Необоримая,/ Дево Богородице./ Ты бо, Заступница непостыдная/ и к Богу Молитвенница теплая/ обители Колочския показавшися,/ чудотворною иконою Твоею сию оградила еси,/ дарующи нам единомыслие и мир/ и велию Твою милость.
Якоже древле Богоотцы Иоаким и Анна/ со слезами ко Господу возопиша/ и радость утешения Божественнаго улучиша/ в Рождестве Приснодевы Чистыя./ Тако и ныне, о Богомати,/ усердныя молитвы и воздыхания приемлющи,/ неплодныя утробы отверзаеши,/ дарующи супругом о чадех веселие и радование/ и велию Твою милость.
Якоже море водою вся видимая исполняет,/ тако и любы неистощимая/ Пречистыя Владычицы Богородицы/ отечество наше покрывает./ Потщимся убо, людие,/ веру Православную и благочестие добре соблюдати,/ да достойни любве Богоматерни явимся/ и велия Ея милости.
Слава, и ныне, глас тойже:
Яко Плод благославен, Богородице Дево,/ от неплодныя земли во святем Рождестве Твоем процвела еси/ ко спасению всего человечества,/ сице истлевшее грехом естество наше/ Рождеством Твоим обновила еси,/ дарующи нам Рая врат отверзение/ и велию Твою милость.
Славословие великое. Тропарь. Ектении и отпуст.
На Литургии
Блаженны от канона Богородицы на 8, песни 3 и 6. Прокимен, глас 3, песнь Богородицы: Величит душа Моя Господа,/ и возрадовася дух Мой о Бозе Спасе Моем. Стих: Яко призре на смирение Рабы Своея, се бо отныне ублажат Мя вси роди. Апостол к Филипписием, зачало 240. Аллилуиа, глас 8: Слыши, Дщи, и виждь, и приклони ухо Твое. Стих: Лицу Твоему помолятся богатии людстии. Евангелие от Луки, зачало 54. Причастен: Чашу спасения прииму, и Имя Господне призову.
Молитва
О, Пресвятая Владычице Богородице, Царице Небесе и земли, Вышшая Ангел и Архангел и всея твари Честнейшая, Чистая Дево Марие, миру Благая Помощнице, всех христиан Поможение и Утверждение, и всем во всяких нуждах Избавление!
Призри ныне, о Всемилостивая Госпоже, на рабы Твоя, умиленною душею и сокрушенным сердцем Тебе молящияся, со слезами к Тебе припадающия и пречистому и цельбоносному образу Твоему поклоняющияся, Твоея же помощи и заступления в скорбех и напастех просящия. Буди за нас Ходатаица к Сыну Твоему, Христу Богу нашему, мы бо, грешнии, не имамы иныя Помощницы, разве Тебе, Владычице. Ты еси наша Надежда и Упование, Ты еси Заступница и Предстательница наша, Ты обидимым Защищение, печальным Утешение, скорбящим Радование, сирым Прибежище, вдовам Хранительница, девам Слава, плачущим Веселие, больным Посещение, немощным Исцеление, грешным Спасение.
Сего ради, о Богомати, к Тебе прибегаем и, на Твой святый образ взирающе, с любовию покланяемся Тебе с Предвечным на руку Твоею держимым Младенцем, Господем нашим Иисусом Христом, и молебное пение приносим, вопиюще: помилуй ны, Мати Божия, и прошения наша исполни во благо, вся бо возможна суть ходатайству Твоему к Сыну Твоему и Богу нашему. Емуже подобает всякая слава, честь, поклонение и благодарение, со Безначальным Его Отцем и со Присносущным Его Духом ныне и присно и во веки веков. Аминь.
Каноны и Акафисты
Акафист Пресвятой Богородице пред иконой «Колочская»
Кондак 1
Взбранной Воеводе, Заступнице нашей, хранящей от бед землю Можайскую, благоговейное пение приносим Ти, недостойнии раби Твои, Богородице. Ты же, непрестанною молитвою мир спасающая, сохрани нас от всяких напастей, да зовем Ти:
Радуйся, Благодатная, Ангелов и человеков Радование.
Икос 1
Ангелов Царица и Небесных Сил Госпожа яви древле на Колочи святую икону Свою. Людие же, о обретении чуднем дивящеся, возрадовашася зело и возопиша Преблагословенней:
Радуйся, Палато Бога и Царя облагоуханная;
радуйся, Горо, Духом Святым преосененная.
Радуйся, Тайно Боговоплощения неизреченная;
радуйся, Ниво неоранная, Богом возделанная.
Радуйся, хлеб жизни, Христа, израстившая;
радуйся, Стамно, манну небесную носившая.
Радуйся, Надеждо нашего спасения;
радуйся, Лествице божественнаго схождения.
Радуйся, Благодатная, Ангелов и человеков Радование.
Кондак 2
Видя разслабленный икону Твою, Богомати, милостивно явленную, с верою той припаде и, благоговейно ю облобызав и здравие улучив, с радостию возопи Богу: Аллилуиа.
Икос 2
Разум человеческий не может, Владычице, постигнути силу благодатных исцелений от иконы Твоея Колочския явленных: како слепии прозираху, глусии слух обретаху, разслабленнии исцеляхуся и многия, недуги душевными и телесными одержимии, здравие улучаху. Сего ради прославляем Тя сице:
Радуйся, Мати наша милосердная;
радуйся, Заступнице усердная.
Радуйся, болящих скорое Исцеление;
радуйся, немощных всесильное Укрепление.
Радуйся, сердца наша очищающая;
радуйся, печали утоляющая.
Радуйся, недужных безмездное Врачевание;
радуйся, жизни вечныя Упование.
Радуйся, Благодатная, Ангелов и человеков Радование.
Кондак 3
Сила многоцелебная исхождаше от иконы Твоея, Владычице, егда во град Можайск со благоговением на поклонение изнесеся. Вернии же людие, с трепетом припадающе пред тою, прославляху Тя и Сына Твоего, поюще хвалебную песнь: Аллилуиа.
Икос 3
Имущи издревле попечение о пределех отечества нашего, Богородице Царице, благоволила еси и стольный град Москву освятити дивным пришествием иконы Твоея, юже сретоша со славою великою князи и боляре и вси христолюбивии людие, похвалы приносяще Ти сицевыя:
Радуйся, земли Русския небесная Покровительнице;
радуйся, к горнему Отечеству верная Путеводительнице.
Радуйся, избавляющая от всякаго вражия обстояния;
радуйся, крепкое о нас пред Богом Предстояние.
Радуйся, ко благочестию наша Наставнице;
радуйся, телес наших скорая Целительнице.
Радуйся, всем земнородным Прибежище и Оградо;
радуйся, христолюбивым людем Нерушимая Стено.
Радуйся, Благодатная, Ангелов и человеков Радование.
Кондак 4
Бурею многих скорбей обдержимии, людие Московстии ко образу Твоему святому, Богородице, со упованием притекаху, милостивно бо приемлеши прошения верных и молишися за всех, с верою имя Твое призывающих, Сыну же Твоему и Богу нашему зовущих: Аллилуиа.
Икос 4
Слышав благоверный князь Андрей Можайский о благодеяниих Богоматере, со умилением пред иконою Ея взываше: О, Державная наша Помощнице, Воеводо Великая и Надеждо всем христианом! Не остави нас, на Тя уповающих. Мы же, ведуще Тя, яко теплую нашу Заступницу, вопием сице:
Радуйся, милосердая Мати, от погибели грешных избавляющая;
радуйся, благая Владычице, на путь правый тех наставляющая.
Радуйся, в страданиих наших присное утешение;
радуйся, от уныния и отчаяния надежное заступление.
Радуйся, Сына Твоего о нас умоляющая;
радуйся, молитвами Твоими мир спасающая.
Радуйся, яко Тобою от вечныя смерти свобождаемся;
радуйся, яко Тобою безконечныя жизни сподобляемся.
Радуйся, Благодатная, Ангелов и человеков Радование.
Кондак 5
Божественным промышлением чудесно явися в Колочи икона Твоя, Пресвятая Дево, Ты же благоволила еси на месте сем и обитель в честь преславнаго Успения Твоего воздвигнути, идеже ныне глас хваления приносится Богу: Аллилуиа.
Икос 5
Видяще пречудную икону Твою, Богомати, и чудеса бываемая, в сокрушение приходим и слезы покаяния приносим Ти, грешнии раби Твои. Ты же, Владычице, милосердия двери отверзи нам, да вопием сице:
Радуйся, пресветлая Весно покаяния;
радуйся, милосердия неоскудное Излияние.
Радуйся, кающихся Споручнице во спасение;
радуйся, согрешающих благонадежное Исправление.
Радуйся, от соблазнов мира сохраняющая;
радуйся, пламень страстей угашающая.
Радуйся, падших скорое Возстание;
радуйся, грехом ураненых Врачевание.
Радуйся, Благодатная, Ангелов и человеков Радование.
Кондак 6
Проповедницы богоноснии прежде бывше апостоли, слово Божие всей вселенней возвещаху. Ты же, Богородице, святыми иконами Твоими по всей земли благовествуеши и знаменьми уверяеши истину веры Христовы, научающи нас взывати Богу: Аллилуиа.
Икос 6
Возсия преславно чудотворный образ Твой, Царице Богородице, во утверждение Державы Российския и залог любве к православному народу ея, имже и ныне ублажаешися похвалами сими:
Радуйся, знамение Божия к нам благоволения;
радуйся, Российския Державы укрепление.
Радуйся, скиптры Царствия молитвами Твоими утверждающая;
радуйся, достояние Твое желанным миром венчающая.
Радуйся, душ наших с Богом Примирение;
радуйся, православным Щит и Ограждение.
Радуйся, милость Божию верным являющая;
радуйся, омофором Своим Русь покрывающая.
Радуйся, Благодатная, Ангелов и человеков Радование.
Кондак 7
Хотя царь Иоанн град Полоцк свободити и латинян далече от земли Русския отгнати, изволи взяти на брань Колочскую икону Пречистыя Богородицы, да, видяще ю, нечестивии падут и разумеют, яко с нами Бог, Емуже вопием: Аллилуиа.
Икос 7
Новое чудо явися, егда икона Твоя, Богомати, невредима сохранися и много паче украшена бысть, аще и поруганию и сожжению предадеся обитель Колочская от латинян в литовское разорение. Темже, ныне на образ Твой взирающе, благодарне вопием:
Радуйся, земли Русския Защищение;
радуйся, иноплеменных ратей Одоление.
Радуйся, от междоусобныя брани избавляющая;
радуйся, смуту и крамолу уставляющая.
Радуйся, злых сердец Умягчение;
радуйся, благочестивых душ Украшение.
Радуйся, братолюбию нас научающая;
радуйся, на путь спасения наставляющая.
Радуйся, Благодатная, Ангелов и человеков Радование.
Кондак 8
Странно и преславно заступление Твое бысть во бранех, Богомати, егда галлы и двадесять язык на землю Русскую от Запада приидоша. Тогда вси людие правовернии с верою моляху Тя об одолении прегордаго супостата, да победу улучивше, воспоют Богу: Аллилуиа.
Икос 8
Вси воспомянем битву Бородинскую, егда воини русстии живот свой за веру, царя и Отечество полагаху, в стенах же обители Колочския укрепление и утешение духовное обретаху, под кров Пречистыя прибегающе и вопиюще Ей сицевая:
Радуйся, православным воином во бранех помогающая;
радуйся, на безбожныя враги их укрепляющая.
Радуйся, раны тяжкия прикосновением Твоим исцеляющая;
радуйся, преставльшихся во обителех Небесных упокоевающая.
Радуйся, Воеводо добропобедная;
радуйся, Заступнице наша усердная.
Радуйся, вражду и злобу упраздняющая;
радуйся, Отечество наше сохраняющая.
Радуйся, Благодатная, Ангелов и человеков Радование.
Кондак 9
Всякое шатание еретическое, отвергающее святых икон почитание, разорися древле духоносным Собором богоглаголивых отец. Мы же, отеческия законы Церкве храняще, веруем, яко почитание, воздаваемое образу Твоему, к Тебе Самей восходит, Владычице. Темже, Сыну Твоему, тако благоволившему, зовем: Аллилуиа.
Икос 9
Ветии многовещаннии не возмогут, Владычице, изглаголати неизреченное милосердие Твое к роду человеческому. Сице, егда смертоносная язва землю Можайскую порази, Ты, Пречистая, гнев Божий на милость преложила еси и рабы Твоя пагубы лютыя свободила еси. Темже вопием Ти:
Радуйся, ненадежных Упование;
радуйся, погибших Взыскание.
Радуйся, болезнем Исцеление;
радуйся, страстем Изменение.
Радуйся, злотворных воздухов Отгнание;
радуйся, благодати Божия Присвоение.
Радуйся, Главизно нашего спасения;
радуйся, верным Отрада и Утешение.
Радуйся, Благодатная, Ангелов и человеков Радование.
Кондак 10
Спасти хотя мир, Иже всех Господь, яко дождь на руно Гедеоново, во утробу Пречистыя Девы с Небесе сниде и по рождестве сохрани Ю, якоже бе нетленну, да, чудо видяще, поем воплотившемуся нас ради Христу Богу: Аллилуиа.
Икос 10
Стена еси и Защищение людем Твоим, Богородице Дево, даровала бо еси земли Русстей чудотворныя иконы Твоя во укрепление веры Православныя. Тако и на Колочи святый образ Твой явися в помощь и заступление народу нашему. Темже прославляем Тя сице:
Радуйся, Церкве Православныя Столпе непоколебимый;
радуйся, земли нашея Покрове нерукотворенный.
Радуйся, Русь Православную возлюбившая;
радуйся, благочестие в ней утвердившая.
Радуйся, мечем молитвы нас вооружающая;
радуйся, щит веры в руце наша влагающая.
Радуйся, к Сыну Твоему присная Ходатаице;
радуйся, молений наших всеблагая Скоропослушнице.
Радуйся, Благодатная, Ангелов и человеков Радование.
Кондак 11
Пение молебное приносят Ти, Пречистая Дево, инокини честныя во обители Колоцтей и, чудную икону Твою почитающе и ради обновления обители древния Тя благодаряще, возсылают Богу хвалебную песнь: Аллилуиа.
Икос 11
Светородительнице боголепная, Ты, девство и рождество нетленно в Себе сочетавши, девам Похвала и матерем Отрада явилася еси. Мы же, таинству, на Тебе бывшему, дивящеся, вопием Ти сице:
Радуйся, матеродевственная Славо;
радуйся, человеческаго рода Похвало.
Радуйся, Сеятеля чистоты непорочно родившая;
радуйся, преслушание Евино послушанием Твоим исцелившая.
Радуйся, дев богомудрых Украшение;
радуйся, чистоте и целомудрию Научение.
Радуйся, благоуханный Крине девства;
радуйся, Всенепорочная Богоневесто.
Радуйся, Благодатная, Ангелов и человеков Радование.
Кондак 12
Благодать неоскудевающую от иконы Твоея источаеши, Богородице, и, яко Божественнии стражи, предстоят Тебе святии ревнители Богопочитания истиннаго, пророк Илия, небошественник преславный, и святитель Николай, чудотворец предивный. С ними же моли, Дево, Сына Твоего спастися нам, зовущим Ему: Аллилуиа.
Икос 12
Поюще неистощимое множество чудес Твоих, Владычице, прославим и милость Твою от источника многоцелебнаго, на месте явления святыя иконы Колочския проистекшаго и до днесь врачевство обильное источающаго, всем с верою приходящим и вопиющим Богородице:
Радуйся, Источниче исцелений, присно изливаемый;
радуйся, Кладезю чудес неисчерпаемый.
Радуйся, Сосуде, благодати исполненный;
радуйся, Облаче легкий, Христа одождивый.
Радуйся, Купеле, всякую скверну очищающая;
радуйся, Бане, совесть омывающая.
Радуйся, Море, вся наша страсти потопляющее;
радуйся, Чаше, духовную жажду утоляющая.
Радуйся, Благодатная, Ангелов и человеков Радование.
Кондак 13
О, Всепетая Мати, Пречистая Богородице Дево! Приими сие малое моление наше и, яко неоскудевающий Источник благодати, уврачуй болезни душ и телес наших и умоли Сына Твоего о всех, с верою к Тебе притекающих и поющих Богу: Аллилуиа.
Сей кондак глаголи трижды. Посем икос 1 и кондак 1.
Молитва
О, Пресвятая Владычице Богородице, Царице Небесе и земли, Высшая Ангел и Архангел и всея твари Честнейшая, Чистая Дево Марие, миру Благая Помощнице, всех христиан Утверждение и всем во всяких нуждах Избавление!
Призри ныне на рабы Твоя, молящияся Тебе умиленною душею и сокрушенным сердцем, со слезами припадающия и пречестному и цельбоносному образу Твоему поклоняющияся. Буди за нас Ходатаица к Сыну Твоему, Христу Богу нашему, мы бо, грешнии, не имамы иныя Помощницы, разве Тебе, Владычице. Ты еси наша Надежда и Упование, Ты еси Заступница и Предстательница наша, Ты обидимым Защищение, печальным Утешение, скорбящим Радование, сирым Прибежище, вдовицам Хранительница, девам Слава, слезящим Веселие, больным Исцеление, грешным Спасение.
Сего ради, о Богомати, к Тебе прибегаем и, на Твой святый образ взирающе, с любовию покланяемся Тебе и молебное пение приносим, вопиюще: помилуй ны, Мати Божия, и прошения наша исполни во благо, вся бо возможна суть ходатайству Твоему к Сыну Твоему, Христу Богу нашему. Емуже подобает всякая слава, честь и поклонение со Безначальным Его Отцем и Пресвятым и Благим и Животворящим Его Духом ныне и присно и во веки веков. Аминь.