икона пресвятой богородицы утоли болезни
икона Утоли моя болезни
Утоли моя болезни
Описание иконы
Изображение иконы представляет Божию Матерь, приложившую левую руку к Своей главе, несколько склоненной набок. Общий ее вид как бы говорит о том, что Царица Небесная прислушивается к слезам и умиленным молитвам всех верующих, прибегающих к Ней в своих нуждах, скорбях и печалях. Правою рукою Своею Богоматерь придерживает стопы Предвечного Младенца. Спаситель пред Собою держит в руках, подняв кверху, развернутый свиток, на котором начертаны следующие слова Божественного увещания: «Суд праведен судите, милость и щедроты творите кийждо ко искреннему своему; вдовицу и сиру не насильствуйте и злобу брату своему в сердце не творите».
Самый древний и известный из списков иконы был принесен казаками в Москву в 1640 году, в царствование Михаила Феодоровича (1613—1645). Предание сохранило нам память о первом прославлении этой иконы, бывшем во второй половине семнадцатого столетия. Чудодейственная сила иконы Богородицы «Утоли моя печали» открылась при следующих обстоятельствах.
Одна женщина знатного происхождения долгое время страдала расслаблением рук и ног. Врачи были бессильны. В сонном видении ей велено было ехать в Москву и молиться перед образом Божией Матери с надписью «Утоли моя печали». При этом ей была показана и сама икона. В указанном храме женщина не нашла этого образа и обратилась за помощью к священнику, который достал по этому случаю с колокольни все находящиеся там ветхие иконы. На одной из них действительно оказалась надпись «Утоли моя печали». Лишь образ поднесли к женщине, та воскликнула: «Она! Она!» После молебна больная почувствовала в себе столько силы, что без посторонней встала на ноги и сама вышла из церкви. Страждующие со всего города стали стекаться к святыне, и сила Божия проявилась еще во многих чудотворениях. Особенно много чудес произошло во время эпидемии чумы в 1771 г.
Ныне чудотворная икона «Утоли моя болезни и печали» находится в московском Николо-Кузнецком храме. Чтимые списки с иконы Божией Матери находятся во многих храмах Москвы и других городов.
Перед иконой молятся о помощи в скорби, печали и в самом отчаянии, об избавлении от болезней и скорбей телесных, от греховных страстей, обуревающих сердце человека.
Акафист иконе Божией Матери «Утоли болезни»
Акафист Богородице ради иконы Ея «Утоли Болезни»
Кондак 1
Избранней от всех дщерей земли, рождшей Врача душ и телес на спасение наше, всех болезней телесных и духовных Целительнице, похвальная восписуем Ти раби Твои, Богородице. Ты же все печали и болезни душ и телес наших утоли, да зовем Ти:
Радуйся, Всемилостивая Владычице, здравие душ и телес нам подающая!
Ангелы – хранители наши, ведуще Тя яко Добрую всех болезней духовных и телесных Целительницу, подвизают всех верных к Тебе прибегати, яко Врачевательнице язв душ и телес наших. Мы же, добре сея ведуще, зовем Ти таковая:
Радуйся, всяческих болезней исцеление!
Радуйся, всех печалей утоление!
Радуйся, ко спасению нас руководящая!
Радуйся, здравие душ и телес нам подающая!
Радуйся, о нуждах наших Добрая Просительнице!
Радуйся, милости Божия Подательнице!
Радуйся, Всемилостивая Владычице, здравие душ и телес нам подающая!
Видяще Тебя, яко добрую всех болезней Целительницу, все печали наши утоляющую и недуги врачующую, все православныя к помощи Твоея притекают, непрестанно Богу о Тебе глаголя:
Аллилуйя!
Разум неуразуменный разумети ищущи, суетныя люди века сего недоумеют: как все верныя в болезнех душевных и телесных помощи Твоея прося, полное утоление язв души и тела от Тебя получают. Мы же, несумненно зная Тя, яко Милостивую Утолительницу всех печалей и болезней наших, зовем Ти сице:
Радуйся, в скорбных обстояниях вразумление!
Радуйся, от бед спасение!
Радуйся, учащая во всякой скорби видети волю Божию, иже вся ко благу направляющую!
Радуйся, всех покаяние приносящих осуждения избавляющая!
Радуйся, все печали утоляющая!
Радуйся, и от вечныя скорби несумненно избавляющая!
Радуйся, Всемилостивая Владычице, здравие душ и телес нам подающая!
Сила Вышнего осени образ Твой, Пренепорочная, егда рекла еси со властию: «с сим образом благодать и сила Моя и Рожденного Мной да пребудут». С тех пор по всем христианским весям через святыя иконы Твояутоление всех печалей и исцеления нам подаются, повизая всех верных всегда пети сице:
Аллилуйя!
Икос 3
Имуще Тебя, о Всемилостивая Владычице, яко несумненную надежду спасения нашего, от всех бед Избавительницу, о всех грешных непостыдную нашу Предстательницу, теплую Молебницу и всех болезней Целительницу и всем вся благая во всем Устроительницу, все вернии, твердо зная сие, Тебе, Богородительнице, вопияше:
Радуйся, непостыдная наша пред Богом Предстательнице!
Радуйся, о нуждах наших Добрая Просительнице!
Радуйся, от всех злых Избавительнице!
Радуйся, всех язв душевных и телесных Целительнице!
Радуйся, во всякой скорби Сострадательнице!
Радуйся, страстей сердечных Утолительнице!
Радуйся, Всемилостивая Владычице, здравие душ и телес нам подающая!
Кондак 4
Бурю внутрь имея помышлений сумнительных, люди неведящии маловерного века сего недоумеют, како вернии в различных обстояниях к Богородице прибегая, от всех болезней исцеление и во благих прошений своих исполнение от Тебя получают, рече Богу о Тебе:
Аллилуйя!
Икос 4
Слышаша Тебя, о Всесвятая Мати Дево, яко Добрую Молебницу, всех болезней Целительницу и земных и Небесных благ Подательницу, все вернии к Твоему ходатайству вседушно притекают и велегласно Тебе вопиют, поюще реша:
Радуйся, оставленных врачами в Свои объятия приемлющая!
Радуйся, о всех отверженных пред Богом Милостивая Просительнице!
Радуйся, о всяком добром прошении Молебнице!
Радуйся, всяческих недугов Исцелительнице!
Радуйся, земных и небесных благ Подательнице!
Радуйся, во благих желаний наших Исполнительнице!
Радуйся, Всемилостивая Владычице, здравие душ и телес нам подающая!
Кондак 5
Боготечной звезде подобно явися нам зрение образа Твоего, о Владычице, яко все вернии, к помощи Твоея прибегая, здравие, спасение и всех обстоятельств разрешение от тебя улучают, Богу о Тебе вопиюще:
Аллилуйя!
Икос 5
Видеша Тя яко Добрую душевных и телесных болезней Целительницу, всех благ Подательницу и Помощницу во всяком дел блазе, все православнии помощи Твоея просят и по мере веры своея просимое получают, вопия Благословенней:
Радуйся, все сердечныя болезни наша исцеляющая!
Радуйся, во всяком деле блазе помогающая!
Радуйся, все скорби наша утоляющая!
Радуйся, милости Твоея просящим скорби все на радость обращающая!
Радуйся, к Царствию Небесному путем тернистым нас путеводящая!
Радуйся, через земные временныя скорби небесные нам двери отверзающая!
Радуйся, Всемилостивая Владычице, здравие душ и телес нам подающая!
Кондак 6
Проповедницы милости Твоея, о Всемилостивая, быша вся улучившия от икон Твоих милости, иже здравие душ и телес, спасение, доброе души и жития своего устроение и во всем благое поспешение от Тебя получая, поют Богу:
Аллилуйя!
Икос 6
Возсияша во тьме жития нашего, о Владычице, нам иконы Твоя чудотворныя, иже во спасение, исцеление, от всякого зла избавление и доброе душ и телес устроение нам Сын Твой остави, иже вся сия улучившии вопиют Ти тако:
Радуйся, целителям Всесильная Помощнице!
Радуйся, служащим ближним Покровительнице!
Радуйся, во всех делах благих Усердная Споспешнице!
Радуйся, всехдобрых начинаний Управительнице!
Радуйся, жития земного и небесного Всемилостивая Устроительнице!
Радуйся, к Царствию Небесному Путеводительнице!
Радуйся, Всемилостивая Владычице, здравие душ и телес нам подающая!
Кондак 7
Хотящи от скорбей избавление, душ и телес исцеление, доброе жития устроение и во всем благое поспешение получити все вернии к ходатайству Твоему прибегают, о Владычице, зовя Богу о Тебе:
Аллилуйя!
Икос 7
Новый источник милости Твоея, о Владычице, показа нам Сын Твой, явив икону Твою «Утоли болезни» в подобие образа Твоего «Утоли моя печали» ея отобразив, да все вернии в неутешных скорбях и болезнях к ходатайству Твоему прибегают, вопиюще:
Радуйся, всех скорбей наших Врачевательнице!
Радуйся, во всех нам бедах Милостивая Сострадательнице!
Радуйся, о самых грешных и отверженных пред Сыном Своим Добрая Просительнице!
Радуйся, всех благ от Сына Своего и Бога всем скорбящим Воздаятельнице!
Радуйся, умом окраденных Всемилостивая Покровительнице!
Радуйся, всем разума просящимПремудрости Божия Подательнице!
Радуйся, Всемилостивая Владычице, здравие душ и телес нам подающая!
Кондак 8
Странно есть неверующим людям века сего зрение образа Твоего, о Владычице: како все вернии чают всех болезней исцеление и прошений своих во благих исполнение от Тебя улучити, вопиющия:
Аллилуйя!
Икос 8
Вся бо в вышних ныне пребываеши, о Владычице, но и нас грешных не оставляеши Своим заступлением, вся бо скорби, нужды и болезни наша добре ведуще, яко наша земнородная, все молитвенные прошения и воздыхания наша к Сыну Своему принося, слышаши от нас сия:
Радуйся, вся моления верных принимающая!
Радуйся, от всякия скорби избавляющая!
Радуйся, вся дела благие добре устрояющая!
Радуйся, житие наше ко спасению управляющая!
Радуйся, житейские болезни нам во благо обращающая!
Радуйся, через земные временныя скорби дом небесный созидающая!
Радуйся, Всемилостивая Владычице, здравие душ и телес нам подающая!
Кондак 9
Всякое естество ангельское и человеческое непрестанно хвалы Ти приносит, о Владычице, ведуще Тя Добрую Устроительницу дел земных и небесных, Иже вся у Сына Своего и Бога испросити нам может и во всем добре житие наше устроити во всяком довольстве, благочестии и чистоте, сего ради Сын Твой и слышит же от всех:
Аллилуйя!
Икос 9
Вития многовещанныя яко рыбы безгласныя пребывают о Тебе, Богородице, недоумевают бо, ослепленные страстями суетного века сего, како вернии, прибегающие к ходатайству Твоему, от всех скорбей избавление, болезней и печалей утоление и скорбей на радость приложение в Тебе обретают. Мы же, добре ведуще Твое великое к Богу дерзновение и крепкое о нас заступление, верно вопием:
Радуйся,суетных безбожных знаний самонадеянного сего века посрамление!
Радуйся, всех верных доброе о Боге вразумление!
Радуйся, разума Христовамилостивое подаяние!
Радуйся, на волю Божью полагающимся всемилостивое воздаяние!
Радуйся, волю Божию верным возвещающая!
Радуйся, лишь на волю Божию, всеблагую и всесовершенную, полагатися научающая!
Радуйся, Всемилостивая Владычице, здравие душ и телес нам подающая!
Кондак 10
Спасти хотя мир всех Творец и Создатель нам Тебя, Матерь Свою дарова, да все вернии, уразумев волю Божию, во всем благую и совершенную, к ходатайству Твоему прибегают, да слышит от всех:
Аллилуйя!
Икос 10
Стена еси всем, к заступлению Твоему прибегающим, ходатайство Твое, Богородице, яко добре вемы, яже вся у Сына Своего Христа Бога нашего испросити нам можеши, Иже в Добрую во всем Помощницу и Просительницу о всех нуждах наших нам Тебя дарова, и сего ради приглашати Тебе научи:
Радуйся, всем верным Покровительнице!
Радуйся, от всяких бед Спасительнице!
Радуйся, во всех недоумениях Всемилостивая Вразумительнице!
Радуйся, жития нашего по воли Божией Устроительнице!
Радуйся, в Небесный Дом нам Добрая Путеводительнице!
Радуйся, к Сыну Твоему Усердная Сопроводительнице!
Радуйся, Всемилостивая Владычице, здравие душ и телес нам подающая!
Кондак 11
Пение всякий христианин непрестанно Тебе приносит, о Владычице, знают бо вси вернии, како спасение, от всех бед избавление, всех прошений исполнение к Сыну Твоему чрез Тебя содеевамо бывает, вопиющим о Тебе Христу Богу:
Аллилуйя!
Икос 11
Светоподательную свещу, нам во тьме жития сего сущим зрим икону Твою, Владычице, к разуму Божественному просвещающую, иже от болезней и скорбей избавление, веры и ума прибавление, всех желаний во благих и любви, иже есть соуз совершенства, исполнение, сего ради званиими же почитаемая сими:
Радуйся, Любви Божественныя Сосуд Неисчерпаемый!
Радуйся, Светильниче, во мраке жития сего горяй и светяй!
Радуйся, бездно милосердия Божия неистощимая!
Радуйся, реко милости Божия бесконечныя!
Радуйся, благ душевных и телесных независтное всем подаяние!
Радуйся, жития земного и небесного всемилостивое созидание!
Радуйся, Всемилостивая Владычице, здравие душ и телес нам подающая!
Кондак 12
Благодать дати восхотев роду человеческому, отшедшему Того благодати нам Тебя Мати Свою дарова, да вси к ходатайству Ея прибегающии спасение Тобой улучают, сего ради и слышит от всех:
Аллилуйя!
Икос 12
Поюще Твое Рождество, вседушно к ходатайству Твоему прибегаем, о Владычице: от Тебя бо воплотивыйся Господь вся прошения Твоя исполняет, аще бо и последнем грешнике приносимо бывает, сего ради всех Творец освяти, прослави и научи вопити Тебе всех:
Радуйся, всех Создателя и Врача душ и телес наших рождшая!
Радуйся, милостью Того вся недуги врачующая!
Радуйся, все прошения наша ко престолу Того приносящая!
Радуйся, благодатью Того во благих вся желания наша исполняющая!
Радуйся, Посох верным, на пути Христовом укрепляющий!
Радуйся, Путь верных, от земли на небо приводящий!
Радуйся, Всемилостивая Владычице, здравие душ и телес нам подающая!
Кондак 13
О, Всепетая Мати, рождшая Создателя и Врача душ и телес наших! Нынешнее наше прими приношение и ко престолу Владыки всех принеси, всякия скорби, беды и болезнинаши утоли, здравие душ и телес нам даруй, а наипаче от вечныя нас скорби избави, о Тебе вопиющих Сыну Твоему и Богу:
Аллилуйя.
Сей кондак глаголи трижды, затем икос 1 (Ангелы – хранители наши…) и кондак 1 (Избранней от всех дщерей земли…)…
Молитва ко Пресвятой Богородице
О, Всемилостивая наша Владычице, рождшая Врача душ и телес наших, всех болезней Целительнице и от всех скорбей Избавительнице! Ныне прими малое моление наше, от скорби нашей к Тебе приносимое и к престолу Всесильного Владыки нашего принеси. Утоли все язвы и болезни растленных душ и телес наших, от всяких бед нас избави, все прошения наши нам во благоисполни. Буди нам воистину о нас Доброй Молебницей, всех печалей Утолительницей и болезней Целительницей, да здравие, спасение и во всем благое поспешение от Тебя улучивши, восславим Сына Твоего и Бога нашего и Твое Всемилостивое к Нему о нас грешных предстательство во веки веков. Аминь.
КЛЯТВА ГРУЗИНСКИХ ПРАВОСЛАВНЫХ ВРАЧЕЙ XIV ВЕКА
Да святится имя Господа, Отца Спасителя нашего Иисуса Христа, ныне и присно, и во веки веков!
Я не солгу!
Я не оскверню учения врачебного искусства!
Никому, даже желающему этого, не подам смертельной смеси, и не обучу путям ее получения, также не подам и женщине ни внешних, ни внутренних средств вытравления плода.
Без претензии и без всяких договоренностей обучу врачебному искусству всех, кто в этом нуждается.
Применю все методы, соответствующие моим возможностям и разумению, для помощи страдающим.
Соблюду в святости и чистоте жизнь свою и искусство.
В какой бы дом я ни вошел, войду лишь для помощи больному; воздержусь от всякой известной или неизвестной мне несправедливости, которая ведет к смерти или мучениям человека; а также от постыдных связей с зависимым или свободным человеком – мужчиной или женщиной.
Что бы я ни увидел и не узнал в процессе лечения (а также в ближнем кругу больного), не разглашу того, о чем нельзя говорить, сочту это за священную тайну.
Если я соблюду и не нарушу эту клятву, да поможет мне Спаситель в жизни и врачебном искусстве, если же нарушу, да лишит меня Спаситель всего этого.
Составитель сего текста и его мама Валентина больны тяжёлой форой сахарного диабета и рядом сопутствующих заболеваний и просят молитв о себе и своих близких:
О здравии р.Б.
Игоря
Валентины (ж)
Елены
Ольги
и всех благотворящих
и молящихся за нас
Об упокоении
Анны
Василия
Михаила
Михаила
Пелагии
Кирилла
Григория
Ивана
Марии
Николая
Владимира
Нины
Спаси Вас Господь!
Акафист Богородице ради иконы Ея «Утоли Болезни»
Молитва царя Давида о прошениях
Господи Иисусе Христе Сыне Божий, исполни во благих прошения моя!
Молитва о чтущих молитву
Игоря Храмова Тесёлкина
Господи Иисусе Христе Сыне Божий, помяни всех, со страхом Твоим и добрым расположением чтущих молитвы сия ( составленныя тексты ) и исполни во благих прошения (желания и чаяния) их, и их молитвами помилуй и спаси нас грешных. Аминь!
Прошу молитв о вразумлении р. Б Игоря и Валентины (ж)
Найти просто, забив в поисковик
ИГОРЬ ХРАМОВ ТЕСЁЛКИН
ИГОРЬ ХРАМОВ ТЕСЁЛКИН
Банковские реквизиты:
Получатель
Тесёлкин Игорь Михайлович
4276 5600 2490 4684
Спаси Христос!
Многие интересуются, почему не заведу себе киви – кошелёк или яндекс – деньги. Не могу: телефон старый, кнопочный…
Икона Божией Матери
«УТОЛИ МОЯ ПЕЧАЛИ»
Икона Божией Матери, именуемая «Утоли моя печали», прославилась в Москве многими чудесами со второй половины XVIII века, а особенно во время чумы в 1771 году.
Но списки со шкловского образа Богоматери «Утоли моя печали», появившиеся в Москве в 1650-е годы, имели иную историю. В 1655 году, когда Шклов был захвачен войсками государя Алексея Михайловича, казаки, по древней традиции, взяли ценности занятого города, и привели в Москву редкие для Великороссии иконы.
.jpg "икона пресвятой богородицы утоли болезни. Смотреть фото икона пресвятой богородицы утоли болезни. Смотреть картинку икона пресвятой богородицы утоли болезни. Картинка про икона пресвятой богородицы утоли болезни. Фото икона пресвятой богородицы утоли болезни")
Церковь Николая Чудотворца, что на Пупышах
Этот рассказ изустно передавался в Москве до 1869 года, когда был впервые напечатан в «Московских епархиальных ведомостях». В 1760 г. в церкви был устроен специальный придел во имя этой чудотворной иконы и учреждено ежегодное празднование в 25-й день января (7 февраля по н. ст.).
Церковь Николая Чудотворца в Кузнецкой слободе
Тропарь, глас 5
Утоли болезни / многовоздыхающия души моея, / утолившая всяку слезу от лица земли: / Ты бо человеком болезни отгониши / и грешных скорби разрушаеши, / Тебе бо вси стяжахом надежду и утверждение, / Пресвятая Мати Дево.
Кондак, глас 6
Не ввери мя человеческому предстательству, / Пресвятая Владычице, / но приими моление раба Твоего: / скорбь бо обдержит мя, / терпети не могу демонского стреляния, / покрова не имам, / ниже где прибегну, окаянный, всегда побеждаем, / и утешения не имам разве Тебе, Владычице мира, / упование и предстательство верных, / не презри моление мое, полезно сотвори.
Молитва Пресвятой Богородице в честь иконы Ея «Утоли моя печали»
Надеждо всех концев земли, Пречистая Дево, Госпоже Богородице, утешение мое! Не гнушайся мене, грешнаго, на Твою бо милость уповаю: угаси ми пламнь греховный и покаянием ороси изсохшее мое сердце, очисти ум мой от греховных помыслов, приими мольбу, от души и сердца со воздыханием приносимую Тебе. Буди о мне Ходатаица к Сыну Твоему и Богу и укроти гнев Его матерними Твоими молитвами, душевныя и телесныя язвы исцели, Госпоже Владычице, утоли болезни души и тела, утиши бурю злых нападений вражеских, отъими бремя грехов моих, и не остави мене до конца погибнути, и печалию сокрушенное сердце мое утеши, да славлю Тя до последняго издыхания моего. А минь.
Икона Богородицы «Утоли моя печали»
Празднование
История
Икона Божией Матери, именуемая «Утоли моя печали», прославилась в Москве многими чудесами со второй половины XVIII века, а особенно во время чумы в 1771 году. Икона принесена в Москву казаками в 1640 году в царствование Михаила Феодоровича (1613–1645) и помещена в храме святителя Николая на Пупышах в Садовниках. Одно время, вероятно, вследствие пожара и неоднократных перестроек храма об иконе забыли, она была заброшена и находилась на колокольне в великом небрежении. Но обильные милости, явленные через нее Божией Матерью, заставили вспомнить забытую святыню и отвести ей подобающее место в храме, в котором впоследствии был устроен придел в ее честь. Празднование чудотворной иконе, совершаемое ежегодно 25 января, было установлено в 1760 году в память исцеления больной женщины, удостоившейся видения этого святого образа и исцелившейся после молебна перед ним 25 января в церкви Святителя Николая на Пупышах (в Садовниках) в Москве. К этому же времени относятся составленные ей службы и акафист. Чтимые списки с иконы Божией Матери, именуемой «Утоли моя печали», находятся во многих храмах Москвы и других городов.
После разрушения богоборческой властью в 30-е годы ХХ столетия Никольского храма в Садовниках образ Божией Матери перенесли в московский храм во имя Святителя Николая в Кузнецкой слободе, где он находится и ныне. Отличительная особенность иконы УТОЛИ МОЯ ПЕЧАЛИ – Богомладенец держит в руках развёрнутый свиток, Божия Матерь одной рукой подпирает щёку.
Богослужения
Молитвы
Утоли́ боле́зни/ многовоздыха́ющия души́ моея́,/ Утоли́вшая вся́ку слезу́ от лица́ земли́,/ Ты бо челове́ков боле́зни отго́ниши/ и гре́шных ско́рби разруша́еши,/ Тебе́ бо вси стяжа́хом наде́жду и утвержде́ние,// Пресвята́я Ма́ти Де́во.
Перевод: Облегчи болезни много воздыхающей души моей, удалившая всякую слезу с лица земли: ибо Ты от людей болезни отгоняешь и уныние грешных прекращаешь. Ибо в Тебе все мы обрели надежду и утверждение, Пресвятая Матерь Дева.
Не вве́ри мя челове́ческому предста́тельству,/ Пресвята́я Влады́чице,/ но приими́ моле́ние раба́ Твоего́,/ скорбь бо обдержи́т мя,/ терпе́ти не могу́ де́монскаго стреля́ния,/ покро́ва не и́мам,/ ниже́ где прибе́гну окая́нный/ всегда́ побежда́емь,/ и утеше́ния не и́мам, ра́зве Тебе́, Влады́чице ми́ра,/ упова́ние и предста́тельство ве́рных,/ не пре́зри моле́ние мое́,// поле́зно сотвори́.
Перевод: Не вверяй меня человеческому заступлению, Пресвятая Владычица, но прими моление раба Твоего: ибо скорбь объяла меня, не могу выносить стрел, демонами пущенных; защиты нет у меня и некуда прибегнуть мне несчастному, со всех сторон боримому и не имеющего утешения, кроме Тебя. Владычица мира, надежда и Заступница верных, не презри моления моего, полезное мне сотвори!
Молитва Пресвятой Богородице пред иконой Ея «Утоли моя печали»
Наде́ждо всех конце́в земли́, Пречи́стая Де́во, Госпоже́ Богоро́дице, утеше́ние на́ше! Не гнуша́йся нac, гре́шных, на Твою́ бо ми́лость упова́ем. Угаси́ в нас пла́мень грехо́вный и покая́нием ороси́ изсо́хшая сердца́ на́ша, очи́сти ум наш от грехо́вных по́мыслов; приими́ воздыха́ние от души́ и се́рдца мольбу́ Ти принося́щих. Бу́ди о нас Хода́таица к Сы́ну Твоему́ и Бо́гу, и укроти́ я́рость Его́ пра́ведную Ма́терними Твои́ми моли́твами. Душе́вныя и теле́сныя я́звы исцели́, Госпоже́ Богоро́дице, утоли́ боле́зни душ и теле́с, ути́ши бу́рю злых нападе́ний вра́жеских; отъими́ бре́мя грехо́в на́ших и не оста́ви нас до конца́ поги́бнути. Ты бо еси́ возведе́ние челове́ческому ро́ду, в печа́ли ско́рая Помо́щница. Ма́ти и́стинная Христа́ Бо́га на́шего, помога́й нам, гре́шным раба́м Твои́м всегда́, и ны́не и при́сно и во ве́ки веко́в. Ами́нь.
Каноны и Акафисты
Канон Пресвятой Богородице пред иконой «Утоли моя печали»
Пе́снь 1.
Ирмо́с: Во глубине́ постла́ иногда́ фараони́тское всево́инство преоруже́нная си́ла, вопло́щшееся же Сло́во всезло́бный гре́х потреби́ло е́сть, препросла́вленный Госпо́дь, сла́вно бо просла́вися.
Припев: Пресвята́я Богоро́дице, спаси́ на́с.
Я́же все́м удо́бь послу́шная в ско́рби и в печа́ли помога́ющая, Богоро́дице Блага́я, благода́ть пода́ждь пе́ти Тя́ дерза́ющим, Влады́чице, скорбя́щих Ра́досте.
Многобога́тную благода́ть стяжа́вши, Влады́чице, дерзнове́нною Твое́ю моли́твою пресла́вно изми́ мя́ от напа́стей, убо́гаго раба́ Твоего́, скорбя́щих Ра́досте.
От вра́г ви́димых и неви́димых изба́ви, мо́лимся, к Тебе́ прибега́ющих, Богоро́дице, и разори́ вся́к сове́т борю́щих на́с.
Отыми́ поноше́ние челове́ческое и клеветы́ наве́тник от мене́, Богоро́дице, молю́ Тя́, да усе́рдно сла́влю Го́спода, Его́же пита́ла еси́.
Пе́снь 3.
Ирмо́с: Утверди́ на́с в Тебе́, Го́споди, дре́вом умерщвле́й гре́х, и стра́х Тво́й всади́ в сердца́ на́с, пою́щих Тя́.
Враго́в наве́ты разори́ су́етныя, Всепе́тая Богоро́дице, и не оскуде́й моли́твами Твои́ми, снабдя́щи на́с, восхваля́ющих Тя́.
При́зри, Чи́стая, ми́лостивным Твои́м о́ком и изба́ви мя́ вся́каго наве́та ви́димых и неви́димых враго́в, ослепи́вши зе́ницы оче́с и́х.
Зло́е нападе́ние враго́в, я́ко о́гнь, паля́щее, и́щущих всегда́ погуби́ти на́с, Де́во, росо́ю моли́тв Твои́х угаси́.
Неугаси́мая лампа́до, заря́ присносия́тельная, но́щию мя́ скорбе́й одержи́ма просвети́ моли́твами Твои́ми, ро́ждшая Со́лнце сла́вы — Христа́.
Седа́лен, гла́с 2:
Моле́ние те́плое и стена́ необори́мая, ми́лости исто́чниче, ми́рови прибе́жище, приле́жно вопие́м Ти́: Богоро́дице Влады́чице, предвари́, и от бе́д изба́ви на́с, Еди́на вско́ре предста́тельствующая.
Пе́снь 4.
Ирмо́с: Услы́шах, Го́споди, гла́с Тво́й, его́же ре́кл еси́, гла́с вопию́щаго в пусты́ни, я́ко возгреме́л еси́ над вода́ми мно́гими, Твоему́ свиде́тельствуяй Сы́ну, ве́сь бы́в соше́дшаго Ду́ха, возопи́: Ты́ еси́ Христо́с, Бо́жия му́дрость и си́ла.
Моли́тву неусы́пну, заступле́ние тве́рдо мо́лим: умилосе́рдися, и ви́ждь на́шу нестерпи́мую печа́ль, боле́зни, ско́рби, стра́сти, и благопреме́нно посети́, Ма́ти Бо́жия, ра́дость ско́рую подаю́щи.
Не неприча́стни есмы́, Влады́чице, Твоего́ заступле́ния в ско́рбех, те́мже и ны́не на́м помози́ вско́ре, лю́те обурева́емым, ру́ку простира́ющи, Чи́стая. Бу́ди ми́лостива боле́знем на́шим, Ма́ти Бо́жия, ра́дость ско́рую подаю́щи.
Не упова́ша, Влады́чице, на Тя́ беззако́ннующии, но упова́ша на язы́к челове́чь, при́сно зави́стно излия́вшийся, непра́ведно пролия́ти кро́вь и́скренняго, рыка́юще, Ты́ же, Чи́стая, че́люсти и́х сокруши́.
Смири́, Влады́чице, враго́в вознесе́нную вы́ю велере́чующих, сове́ты, и злонра́вия, и сердца́, поуча́ющаяся злы́м, на мя́ по вся́ дни́, кре́пость же и побе́ду пода́ждь призыва́ющим Тя́, Ма́ти Бо́жия, ра́дость ско́рую подаю́щи.
Пе́снь 5.
Ирмо́с: У́гль Иса́ии проявле́йся, Со́лнце из де́вственныя утро́бы возсия́, во тьме́ заблу́ждшим, Богоразу́мия просвеще́ние да́руя.
Моли́твеннице нело́жная, упова́ние христиа́н, Обра́дованная, приими́ мольбы́ от на́с, приле́жно призыва́ющих и моля́щихся Тебе́.
Исто́чник Тя́ жи́зни су́щий, Чи́стая, безсме́ртия источа́ющий во́ды, земноро́днии, позна́вше, ублажа́ем.
Вооружи́ся на ны́ лука́вно вра́г, язы́ком, я́коже мече́м, погуби́ти хотя́, но Твое́ю, Богороди́тельнице, кре́постию предвари́.
Пучи́ну, Чи́стая, заступле́ний кто́ изочте́т си́лы Твоея́? Те́мже на́с, су́щих в ну́жде, ско́ро предвари́.
Пе́снь 6.
Ирмо́с: В бе́здне грехо́вней валя́яся, неизсле́дную милосе́рдия Твоего́ призыва́ю бе́здну: от тли́, Бо́же мя́ возведи́.
Целому́дрия су́щи хода́таица, призыва́ющим Тя́ ны́не яви́ся и от вся́ких изба́ви напа́стей и бе́д, Богоневе́сто.
Злоде́йства вра́жия разори́ и клеветы́ непра́ведныя уста́ви, Благослове́нная Пречи́стая, избавля́ющи непови́нныя от ско́рби.
Лю́тыми грехи́ окруже́ни и напа́стными беда́ми потопля́еми, под боже́ственный покро́в Тво́й прибега́ем, Ма́ти Христа́ Бо́га.
Неискусому́жно ро́ждши Го́спода, яви́ся по рождестве́ па́ки де́вствующи. О, пресла́внаго чудесе́, в Тебе́ соде́ланнаго, Богоневе́сто!
Конда́к, гла́с 6:
Не вве́ри мя́ челове́ческому предста́тельству, Пресвята́я Влады́чице, но приими́ моле́ние раба́ Твоего́: ско́рбь бо обдержи́т мя́, терпе́ти не могу́ де́монскаго стреля́ния, покро́ва не и́мам, ниже́ где́ прибе́гну, окая́нный, всегда́ побежда́емь, и утеше́ния не и́мам, ра́зве Тебе́, Влады́чице ми́ра, упова́ние и предста́тельство ве́рных, не пре́зри моле́ние мое́, поле́зно сотвори́.
И́кос:
Простри́ дла́ни Свои́, и́миже все́х Влады́ку я́ко младе́нца прия́ла еси́, не оста́ви на́с, всегда́ наде́ющихся на Тя́, бо́дренною Твое́ю моли́твою и неисче́тною бла́гостию уще́дри на́с, и пода́ждь душа́м на́шим милосе́рдие Свое́, в ве́ки источа́ющи: Тебе́ бо и́мамы, гре́шнии, Засту́пницу от находя́щих на ны́ бе́д и зо́л. Но, я́ко иму́щая милосе́рдия щедро́ты, ускори́ на моли́тву, и потщи́ся на умоле́ние, заступа́ющи при́сно, Богоро́дице, чту́щих Тя́.
Пе́снь 7.
Ирмо́с: Да пресла́вное рождество́ Твое́, Христе́, е́же от Де́вы, прообрази́ши я́ве, неопали́мы в пещи́ о́троки сохрани́л еси́, пе́сньми пою́щия Тебе́: отце́в Бо́же, благослове́н еси́.
О, благоутро́бия Твоего́, Де́во Чи́стая! Реши́ши бо безме́рныя печа́ли и напа́сти призыва́ющим в ну́жде и обстоя́нии. Те́мже и ны́не помози́, Благослове́нная, Тя́ восхваля́ющим.
Покажи́ ско́рое твое́ заступле́ние, покажи́, я́ко мо́жеши я́ко Ма́ти Бо́га, призыва́ем Тя́ от се́рдца, со слеза́ми припа́дающе, ско́рбь укроти́ и боле́знь рабо́в Твои́х вско́ре.
Уста́ челове́ков, я́ко льво́в лю́тых, гро́ба тяжча́йше отверзо́шася го́рько поглоти́ти мя́, но Ты́, Богоро́дице, яви́ся наде́жда ненаде́ющимся и низложи́ кре́пость и́х, Благослове́нная.
Да у́зрят врази́ и постыдя́тся, да уразуме́ют и ви́дят Твою́, е́же по на́м сопроти́в борю́щую си́лу, и в про́пасть преиспо́днюю низложи́ и́х, Благослове́нная, Наде́ждо ненаде́ющихся.
Пе́снь 8.
Ирмо́с: Пе́щь иногда́ о́гненная в Вавило́не де́йства разделя́ше, Бо́жиим веле́нием халде́и опаля́ющая, ве́рныя же ороша́ющая, пою́щия: благослови́те вся́ дела́ Госпо́дня Го́спода.
Прибе́жище на́ше и ми́ру ра́дование, Богороди́тельнице, умилосе́рдитися потщи́ся и спе́шно благода́ть Твою́ пода́ждь на́м, оскорбле́нным, и заступи́, Блага́я, Твоя́ рабы́.
Сове́т су́етен совеща́ша лю́те на ны́ безбо́жных со́нмища, я́коже пре́жде Ахитофе́л. Но вопие́м: Твои́ми моли́твами се́й разори́, низло́жши си́х кре́пость, Богоро́дице.
Призыва́ющих Тя́, Богоро́дице, от души́ нело́жно во вся́кой ско́рби, и в боле́знех разли́чных, и беда́х лю́тых спе́шно услы́ши, Влады́чице, си́х избавля́ющи при́сно моли́твами Твои́ми.
Да и́мя Твое́, Богоро́дице, на земли́ славосло́вится, И́же, из Тебе́ возсия́в, гре́шником держа́вную наде́жду и сте́ну Тя́ дарова́: Тобо́ю бо вся́кое дыха́ние к Бо́гу притека́ет.
Пе́снь 9.
Ирмо́с: Недоуме́ет вся́к язы́к благохвали́ти по достоя́нию, изумева́ет же у́м и преми́рный пе́ти Тя́, Богоро́дице: оба́че Блага́я су́щи, ве́ру приими́, и́бо любо́вь ве́си Боже́ственную на́шу, Ты́ бо христиа́н еси́ Предста́тельница, Тя́ велича́ем.
Да загради́тся вся́к язы́к, лука́вым поуча́яйся, да молча́т устна́ льсти́вая и уста́, непра́ведно глаго́лющая на пра́веднаго беззако́ние, горды́нею и за́вистию вражде́бною вку́пе, Богоро́дицы моли́твою и святы́х Христо́вых.
В моли́твах бо́друю, Чи́стую Богоро́дицу призыва́ем вси́, боле́знию и ско́рбию одержи́ми, взыва́юще: Влады́чице Чи́стая, ско́ро изба́ви от обдержа́щих боле́зней рабы́ Твоя́ при́сно, я́ко по Бо́зе Засту́пницы ины́я не и́мамы.
Отча́явшихся ве́лие прибе́жище, обурева́емых ти́хое приста́нище, Ты́ еси́, Богоро́дице. Те́мже и мы́ притека́ем, взыва́юще: да не постыди́мся, Ма́ти и́стиннаго Живота́, но да, благодаря́ще, усе́рдно Тя́ велича́ем.
Приими́, Отрокови́це Пречи́стая, боже́ственную пе́снь, воздава́ющи благода́ть на Тя́ наде́ющимся, и ми́р испроси́ Це́рквам при́сно посла́ти и Оте́честву на́шему одоле́ния и побе́ды, да христиа́нский вся́к язы́к Тя́ велича́ет.
Свети́лен:
Те́плое заступле́ние в беда́х, в печа́лех утеше́ние, и к Бо́гу примире́ние, Е́юже тли́ изба́вихомся, Богоро́дицу, ве́рнии, ублажа́ем.
Сла́ва, и ны́не: Тя́ Предста́тельницу и́мамы, гре́шнии, о, Пресвята́я Де́во, Ты́ ми́лостива к на́м сотвори́ Сы́на Твоего́ и Бо́га на́шего ма́терними Твои́ми моли́твами.
Акафист Пресвятой Богородице пред иконой «Утоли моя печали»
Кондак 1
Взбра́нное нам и ди́вное избавле́ние дарова́ся, Твой о́браз честны́й, Преблагослове́нная Де́во Влады́чице Богоро́дице, я́ко изба́вльшеся от злых явле́нием его́ и к нему́ взира́юще, воспису́ем Ти благода́рственная раби́ Твои́, Богоро́дице; но я́ко иму́щая держа́ву непобеди́мую, от вся́ких нас бед свободи́, да зове́м Ти:
Ра́дуйся, Ра́досте на́ша, изба́ви нас от вся́каго зла и утоли́ на́ша печа́ли.
Икос 1
А́нгел мно́жество и вся Небе́сная Во́инства сла́вят Тебе́, Цари́цу всех Богоро́дицу, Ты же испо́лнила еси́ ра́дости ду́ши на́ша ми́лостивым явле́нием нам о́браза Твоего́ свята́го, Богоизбра́нная Де́во Влады́чице, к нему́же кла́няющеся, Тебе́ умиле́нная моле́ния возсыла́ем, милосе́рдому Твоему́ к нам заступлению со стра́хом зову́ще такова́я:
Ра́дуйся, Отца́ Безнача́льнаго благослове́ние; ра́дуйся, Сы́на Преве́чнаго жили́ще.
Ра́дуйся, Ду́ха Свята́го пребыва́ние; ра́дуйся, я́ко Тебе́ сла́вят многоочи́тии херуви́ми.
Ра́дуйся, я́ко Тебе́ похва́льная прино́сят шестокрила́тии серафи́ми; ра́дуйся, я́ко Тебе́ вся небе́сная во́инства велича́ют.
Ра́дуйся, я́ко Тебе́ вся коле́на земна́я Ма́терь Бо́жию испове́дуют; ра́дуйся, я́ко Тобо́ю вся вселе́нная весе́лия исполня́ется.
Ра́дуйся, я́ко Тобо́ю вся боле́зни на́ша исцеля́ются; ра́дуйся, Твои́ми бо моли́твами печа́ли на́ша утоля́ются.
Ра́дуйся, Твои́ми бо хода́тайствы вся проше́ния на́ша исполня́ются; ра́дуйся, я́ко Тебе́ и Сы́ну Твоему́ в Твое́й честне́й иконе благода́рно поклоня́емся.
Ра́дуйся, Ра́досте на́ша, изба́ви нас от вся́каго зла и утоли́ на́ша печа́ли.
Кондак 2
Ви́дят Тя, Богоизбра́нная Отрокови́це, вся небе́сныя си́лы предстоя́щу всегда́ Престо́лу Сла́вы Небе́снаго Царя́ и за христиа́ны к Сы́ну и Бо́гу моля́щуюся, Небе́сная Цари́це; мы же гре́шнии на земли́, зря́ще Твою́ святу́ю ико́ну и к ней припа́дающе, Тебе́ ра́достно поклоня́емся, зову́ще: Аллилу́иа.
Икос 2
Ра́зум пода́ждь нам, Всеусе́рдная Предста́тельнице на́ша, Небе́сная Цари́це, из уст бо нас скве́рных, ка́ко мо́щно пе́ти Твоему́ и́мени? Я́ко благи́х еси́ нам Хода́таица, сильна́ еси́ вспомоществова́ти во вся́кой на́ми тре́буемой по́мощи, да Тебе́ со умиле́нием зове́м си́це:
Ра́дуйся, моли́твы о нас к Сы́ну и Бо́гу во утеше́ние принося́щая; ра́дуйся, Твои́ми моли́твами о́чи на́ша от ве́чнаго рыда́ния избавля́ющая.
Ра́дуйся, Твои́ми Ма́терними моли́твами Сы́на и Бо́га на ми́лость к нам приклоня́ющая; ра́дуйся, Твои́ми моли́твами пра́ведный на нас гнев Бо́жий утоля́ющая.
Ра́дуйся, Твои́ми хода́тайствы грехи́ на́ша проща́ющая; ра́дуйся, Твое́ю по́мощию стра́сти на́ша истребля́ющая.
Ра́дуйся, Твои́м предста́тельством вре́менная на́ша ско́рби разруша́ющая; ра́дуйся, Ты во вся́ких беда́х и ну́ждах нам помога́ющая.
Ра́дуйся, Тя сла́вящих всегда́ прославля́ющая; ра́дуйся, Твое́ю ра́достию печа́ли на́ша утоля́ющая.
Ра́дуйся, непреста́нное нам весе́лие подава́ющая; ра́дуйся, нам ра́йския две́ри отверза́ющая.
Ра́дуйся, Ра́досте на́ша, изба́ви нас от вся́каго зла и утоли́ на́ша печа́ли.
Кондак 3
Си́ла Вы́шняго осени́ Тя к ско́рому и те́плому заступлению ве́рно притека́ющих к Тебе́ и честно́му Твоему́ о́бразу поклоня́ющихся, еди́ней бо то́кмо Тебе́, нетле́нней и Пречи́стей Богома́тери, дадеся дар вся́кое благо́е на́ше проше́ние исполня́ти, и еди́на Ты мо́жеши нам помощи́, ели́ко хо́щеши. Тем всяк во́зраст славосло́вит Сы́на Твоего́ и Бо́га на́шего, зовы́й: Аллилу́иа.
Икос 3
Иму́щи бога́тство милосе́рдия неоску́дное, всем конце́м земны́м простира́еши руку́ по́мощи и подае́ши боля́щим исцеле́ние, стра́ждущим осла́бу, слепы́м прозре́ние и всем вся по потре́бе исполня́еши. Мы же Тебе́ благода́рно си́це пое́м:
Ра́дуйся, еди́на Ма́ти, милосе́рдие нам явля́ющая; ра́дуйся, ми́лости сокро́вище многоце́нное нам открыва́ющая.
Ра́дуйся, безчи́сленныя щедро́ты всем подава́ющая; ра́дуйся, сло́во прему́дрости прося́щим да́рующая.
Ра́дуйся, преспе́яние ра́зума ю́ным подава́ющая; ра́дуйся, ра́ны на́ша грехо́вныя истребля́ющая.
Ра́дуйся, пра́ведных в ра́йских селе́ниих насажда́ющая; ра́дуйся, отча́янным бу́дущих благ Наде́ждо и Укрепле́ние.
Ра́дуйся, всех па́дших ско́ро к благода́ти возставля́ющая; ра́дуйся, всем вся́кую тре́буемую от Тебе́ по́мощь подава́ющая.
Ра́дуйся, Ра́досте на́ша, изба́ви нас от вся́каго зла и утоли́ на́ша печа́ли.
Кондак 4
Бу́рею мно́гих бед одержи́мым нам всегда́ помога́еши, Небе́сная Цари́це, с ве́рою прибега́ющим к Тебе́ и поклоня́ющимся цельбоно́сней Твое́й иконе, е́йже первопи́санней иногда́ рекла́ еси́: С сим о́бразом благода́ть Моя́ и си́ла. И мы и́стинно ве́руем, я́ко послу́шаеши проше́ния призыва́ющих и́мя свято́е Твое́ и Сы́ну Твоему́ зову́щих: Аллилу́иа.
Икос 4
Слы́ша Госпо́дь Твоя́ на небеси́ о нас хода́тайства, избра́нная Пала́то Ду́ха Свята́го, исполня́ет Твоя́ проше́ния, мы же гре́шнии на земли́, ви́девше святу́ю Твою́ ико́ну, я́ко светоза́рное со́лнце нам светя́щуюся, Тебе́, я́ко Божией Матери, дерза́ем глаго́лати:
Ра́дуйся, Со́лнце мы́сленное нам явля́ющая; ра́дуйся, Све́том немерца́ющим нас просвеща́ющая.
Ра́дуйся, умерщвле́нных греха́ми нас оживля́ющая; ра́дуйся, непло́дным ма́терем ложесна́ разреша́ющая.
Ра́дуйся, неча́янно находя́щих на нас злых враго́в ско́ро прогоня́ющая; ра́дуйся, жела́емых благ всегда́ нас наслажда́ющая.
Ра́дуйся, ско́ро в беда́х и в печа́лех нас утеша́ющая; ра́дуйся, ве́рою и́мя Твое́ призыва́ющих от неча́янныя сме́рти спаса́ющая.
Ра́дуйся, на Тя упова́ющим безконе́чный живо́т да́рующая; ра́дуйся, ве́ру и любо́вь к Тебе́ иму́щих к небеси́ возводя́щая.
Ра́дуйся, Предста́тельство на́ше кре́пкое; ра́дуйся, во вся́ких обстоя́тельствах нас защища́ющая.
Ра́дуйся, Ра́досте на́ша, изба́ви нас от вся́каго зла и утоли́ на́ша печа́ли.
Кондак 5
Боготе́чную звезду́, честну́ю Твою́ ико́ну, Ты нам показа́ла еси́, Влады́чице ми́ра, к нейже мы зря́ще и ве́рою серде́чною моля́щеся, Тебе́, Богоро́дице, глаго́лем: Ты еси́ нам щит непобеди́мый и стена́ необори́мая, вопию́щим Бо́гу: Аллилу́иа.
Икос 5
Ви́деша си́лы небе́сныя на руку́ Твое́ю Созда́вшаго Свои́ма рука́ма челове́ки и Влады́ку разумева́юще Его́; мы же гре́шнии на земли́, зря́ще изображе́нную Тебе́, Пречи́стую Ма́терь Его́, любе́зно Свои́ ру́це к нам простира́ющую, к Тебе́ уми́льно зове́м:
Ра́дуйся, на руку́ Твое́ю Огнь Боже́ственный неопа́льно держа́щая, И́мже грехи́ на́ша попаля́ются; ра́дуйся, на руку́ Твое́ю Све́та Неприкоснове́ннаго носи́вшая, И́мже ду́ши на́ша просвеща́ются.
Ра́дуйся, враго́в на́ших ви́димых и неви́димых побежда́ющая; ра́дуйся, любо́вь и милосе́рдие к нам явля́ющая.
Ра́дуйся, ру́це Твои́ в поруче́ние о нас к Бо́гу принося́щая; ра́дуйся, вход в Ца́рствие Небе́сное нам отверза́ющая.
Ра́дуйся, Твое́ю по́мощию нас защища́ющая; ра́дуйся, Твои́м хода́тайством грехи́ на́ша проща́ющая.
Ра́дуйся, Твои́м моле́нием печа́ли на́ша утоля́ющая; ра́дуйся, я́ко Твои́м предста́тельством вся́ких благ наслажда́емся.
Ра́дуйся, я́ко Тобо́ю вся во благи́х жела́ния на́ша исполня́ются, ра́дуйся, я́ко во́лю Сы́на Твоего́ твори́ти нас подвиза́еши.
Ра́дуйся, Ра́досте на́ша, изба́ви нас от вся́каго зла и утоли́ на́ша печа́ли.
Кондак 6
Пропове́дницы Богоно́снии апо́столи, по вознесе́нии Госпо́дни, при освяще́нии хра́ма Твоего́, неви́димою руко́ю изображе́нный шаро́вными подо́бии на стене́ обре́тше о́браз Твой, Влады́чице, рожде́нному от Тебе́ Бо́гу воспе́ша: Аллилу́иа.
Икос 6
Возсия́ла еси́ прему́дростию от И́стиннаго Со́лнца Пра́вды, Богоизбра́нная Отрокови́це, и, лучи́ и́стиннаго Богоразу́мия испуща́ющи, те́ми освеща́еши всех ве́рою испове́дающих Тя и́стинную Ма́терь Бо́жию быти, вопию́щих си́це:
Ра́дуйся, всех на небеси́ сла́вою Твое́ю просвеща́ющая; ра́дуйся, нача́ло челове́ческаго спасе́ния устроя́ющая.
Ра́дуйся, ковче́же жи́зни на́шея, от пото́па сме́ртнаго нас сохраня́ющий; ра́дуйся, в ра́йских селе́ниих жи́ти нам да́рующая.
Ра́дуйся, Предста́тельнице на́ша к Бо́гу, мир спаса́ющая; ра́дуйся, в беда́х су́щих ско́ро заступа́ющая.
Ра́дуйся, вся́кия боле́зни челове́ческия, теле́сныя и душе́вныя, исцеля́ющая; ра́дуйся, немы́м и косноязы́чным словеса́ отверза́ющая.
Ра́дуйся, вся́каго бла́га прося́щим у Тебе́ пода́тельнице; ра́дуйся, уче́ние благода́ти всем источа́ющая.
Ра́дуйся, тем вся́кий чин и во́зраст дово́льно услажда́ющая; ра́дуйся, всех блага́я жела́ния исполня́ющая.
Ра́дуйся, Ра́досте на́ша, изба́ви нас от вся́каго зла и утоли́ на́ша печа́ли.
Кондак 7
Хотя́ долготерпели́вый Всеви́дец Госпо́дь яви́ти Своего́ человеколю́бия и щедро́т бе́здну, избра́ Тебе́ Себе́ в Ма́терь, ми́лости неисчерпа́емый исто́чниче, да а́ще кто пра́ведным судо́м Бо́жиим осужде́ния досто́ин, Твои́м всемо́щным хода́тайством сохране́н бу́дет и Сы́ну Твоему́ и Бо́гу на́шему велегла́сно зове́т: Аллилу́иа.
Икос 7
Ди́вна показа́л еси́ дела́ Твоя́ в Пречи́стей Матери Твое́й, Го́споди, и ди́вну дарова́л еси́ нам Ея́ ико́ну, па́че луче́й со́лнечных просвеща́ющую люде́й, я́ко Са́мую зря́щих Богоро́дицу и ве́рою серде́чною от души́ любо́вию вопию́щих такова́я:
Ра́дуйся, ико́ну Твою́ на земли́, я́ко о́блак, всем распростира́ющая; ра́дуйся, то́ю па́че наде́яния милосе́рдое к нам заступле́ние явля́ющая.
Ра́дуйся, Твое́ю ико́ною исто́чники чуде́с всю́ду источа́ющая; ра́дуйся, явле́нием Твоея́ ико́ны вся лю́ди просвеща́ющая.
Ра́дуйся, то́ю но́вое зна́мение благода́ти в Це́ркви явля́ющая; ра́дуйся, я́ко, на ико́ну Твою́ взира́юще, Само́й Тебе́, и́стинней Богоро́дице, поклоня́емся.
Ра́дуйся, ико́ною Твое́ю, я́ко столпо́м о́гненным, мрак греха́ отгоня́ющая; ра́дуйся, то́ю печа́ли на́ша утоля́ющая.
Ра́дуйся, Це́рковь освяти́вшая тоя́ явле́нием; ра́дуйся, я́ко мы, гре́шнии, сохраня́емся Твои́м заступле́нием.
Ра́дуйся, вре́тище ско́рби на́шея растерза́ющая; ра́дуйся, ве́чною ра́достию нас одева́ющая.
Ра́дуйся, Ра́досте на́ша, изба́ви нас от вся́каго зла и утоли́ на́ша печа́ли.
Кондак 8
Стра́нну и пресла́вну в Це́ркви я́вльшуюся святу́ю Твою́ ико́ну а́нгели воспе́ша, апо́столи просла́виша, лик святи́телей поклони́шася, мы же, гре́шнии, припа́дающе, ожида́ем Твоея́ вели́кия и бога́тыя ми́лости, с весе́лием вопию́ще: Аллилу́иа.
Икос 8
Все́ми вы́шними и ни́жними влады́чествуяй Госпо́дь, ви́дев Тя, Ма́терь Свою́, всегда́ предстоя́щу Ему́ и со умиле́нием Ему́ принося́щу моле́ние о нас гре́шных, обеща́ испо́лнити вся проше́ния Твоя́. Мы же, гре́шнии, наде́ющеся на Твоя́ Ма́терния о нас моли́твы, благода́рственная Тебе́ прино́сим си́це:
Ра́дуйся, с Сы́ном Твои́м и Бо́гом вечно ца́рствующая; ра́дуйся, Ему́же всегда́ о нас моле́ния принося́щая.
Ра́дуйся, всех к Тебе́ прибега́ющих Твое́ю ми́лостию покрыва́ющая; ра́дуйся, всех Ра́досте, печа́ли на́ша утоля́ющая.
Ра́дуйся, примире́ние на́ше с Бо́гом соде́лавшая; ра́дуйся, Бо́га и челове́ка соедини́вшая.
Ра́дуйся, спасе́ние челове́ческое устро́ившая; ра́дуйся, прароди́тельнаго греха́ кля́тву разруши́вшая.
Ра́дуйся, сме́ртное на́ше естество́ безсме́ртием просвети́вшая; ра́дуйся, жесто́кость се́рдца на́шего умили́вшая.
Ра́дуйся, отча́янных к Бо́гу возводя́щая; ра́дуйся, сосу́ды сме́ртныя, на нас угото́ванныя, сокруши́вшая.
Ра́дуйся, Ра́досте на́ша, изба́ви нас от вся́каго зла и утоли́ на́ша печа́ли.
Кондак 9
Все естество́ а́нгельское похва́льныя пе́сни прино́сит Тебе́, Божией Матери и Засту́пнице всех припа́дающих Тебе́ и прося́щих Твоея́ по́мощи, я́ко тве́рдым и кре́пким Твои́м предста́тельством пра́ведных весели́ши, гре́шных заступа́еши и от бед избавля́еши, и печа́ли утоля́еши, и мо́лишися о всех ве́рою зову́щих: Аллилу́иа.
Икос 9
Вити́я многовеща́ннии, я́ко ры́бы безгла́сныя, недоуме́ют хвали́ти сла́вный, Влады́чице, ико́ны Твоея́ праз́дник, ниже́ от скве́рных усте́н на́ших приноси́мыя Ти похвалы́ досто́йны, оба́че неисче́тная благодея́ния, ико́ною Твое́ю нам явля́емая, ви́девше, душе́ю и се́рдцем ра́дующеся, Тебе́ глаго́лем:
Ра́дуйся, от гла́да нас Хле́бом жи́зни пита́ющая; ра́дуйся, от губи́тельства сме́ртнаго безсме́ртием нас соблюда́ющая.
Ра́дуйся, от тру́са грехо́внаго нас сохраня́ющая; ра́дуйся, от пото́па сме́ртнаго руко́ю Твое́ю кре́пкою нас избавля́ющая.
Ра́дуйся, от огня́ росо́ю моли́тв Твои́х нас восхища́ющая; ра́дуйся, от бед си́льным Твои́м предста́тельством нас защища́ющая.
Ра́дуйся, от меча́ си́лою Твое́ю нас охраня́ющая; ра́дуйся, от наше́ствия иноплеме́нник нас спаса́ющая.
Ра́дуйся, от междоусо́бныя бра́ни и́стинным ми́ром нас огражда́ющая; ра́дуйся, от смертоно́сныя ра́ны прибега́ющих к Тебе́ исцеля́ющая.
Ра́дуйся, от належа́щаго праведнаго преще́ния Бо́жия Твои́м моле́нием нас свобожда́ющая; ра́дуйся, от вся́кия нас я́звы Твои́м честны́м хода́тайством изъима́ющая.
Ра́дуйся, Ра́досте на́ша, изба́ви нас от вся́каго зла и утоли́ на́ша печа́ли.
Кондак 10
Спасти́ хотя́ род челове́ческий от пре́лести вра́жия, Человеколю́бец Госпо́дь Тебе́, Ма́терь Свою́, дарова́ земны́м на по́мощь, глаго́ля: сы́нове челове́честии, се Ма́ти Моя́ покро́в и прибе́жище вам да бу́дет, печа́льным утеше́ние, скорбя́щим ра́дование, оби́димым засту́пница, да всех из глубины́ грехо́вныя воздви́гнет, вопию́щих: Аллилу́иа.
Икос 10
Царю́ Небе́сный, — та́ко мо́лит за ны всегда́ Небе́сная Цари́ца, — приими́ вся́каго челове́ка, сла́вящаго Тя и призыва́ющаго и́мя Твое́, иде́же быва́ет па́мять свято́му и́мени Твоему́, и прославля́ющих Мя име́не Твоего́ ра́ди, и не отри́ни их от лица́ Твоего́, но благоволи́ в них и приими́ от них вся́кое моле́ние, и всех от бед изба́ви. Мы же, гре́шнии, наде́ющеся на Твоя́ Ма́терния моли́твы, зове́м си́це:
Ра́дуйся, Моли́твеннице на́ша к Бо́гу те́плая; ра́дуйся, я́ко Твоя́ Ма́терняя моли́тва мно́го мо́жет, Влады́ку умилостивля́ющи.
Ра́дуйся, отча́янных Наде́ждо, печа́ли их утоля́ющая; ра́дуйся, Твое́ю благода́тию на́ше недосто́инство осиява́ющая.
Ра́дуйся, на́шу скве́рну Твое́ю чистото́ю очища́ющая; ра́дуйся, моле́ния на́ша Твои́м благоуха́нием исправля́ющая.
Ра́дуйся, бре́ние на́ше тле́нное в нетле́ние обраща́ющая; ра́дуйся, неможе́ние на́ше врачу́ющая.
Ра́дуйся, вся на́ша боле́зни душе́вныя и теле́сныя исцеля́ющая; ра́дуйся, наше́дший на нас о́блак страсте́й, скорбе́й и печа́лей ско́ро разгоня́ющая.
Ра́дуйся, си́льным Твои́м проше́нием вся поле́зная да́рующая; ра́дуйся, пред Престо́лом Сы́на Твоего́ за моля́щих Ти ся хода́тайствующая.
Ра́дуйся, Ра́досте на́ша, изба́ви нас от вся́каго зла и утоли́ на́ша печа́ли.
Кондак 11
Пе́ние всеумиле́нное приими́ от нас, Небе́сная Цари́це, и моли́тву, приноси́мую Тебе́, Де́во Богоро́дице, услы́ши, к Тебе́ бо в напа́стех, ско́рбех и печа́лех прибега́ем и пред Тобо́ю в беда́х на́ших сле́зы пролива́ем и мо́лим: утоли́ на́ша печа́ли и приими́ сию́ же́ртву Твои́х рабо́в, зову́щих: Аллилу́иа.
Икос 11
Светоприе́мная свеща́ и́стиннаго Све́та су́щим на земли́ я́вльшися, ду́ши просвеща́еши чту́щих Твоея́ ико́ны явле́ние и к ра́зуму боже́ственному наставля́еши пою́щих Ти сицева́я:
Ра́дуйся, свеще́ неугаси́мая Огня́ невеще́ственнаго, нас просвеща́ющая; ра́дуйся, заре́ незаходи́маго Све́та Боже́ственнаго, нас озаря́ющая.
Ра́дуйся, Со́лнце пра́вды нам явля́ющая; ра́дуйся, Исто́чник жи́зни ра́йския нам источа́ющая.
Ра́дуйся, Ма́ти Све́та И́стиннаго, благочести́вых ду́ши просвеща́ющая; ра́дуйся, Ма́ти всех Бо́га, озло́бленных всех ду́ши утеша́ющая.
Ра́дуйся, Тя на по́мощь призыва́ющих и и́мя Твое́ сла́вящих спаса́ющая; ра́дуйся, упова́ющим на Тя живота́ непосты́дный коне́ц да́рующая.
Ра́дуйся, всем родо́м, Тя Ма́терь Бо́жию почита́ющим и Богоро́дицу имену́ющим, непреста́нно помога́ющая; ра́дуйся, осене́нием святы́я Твоея́ ико́ны злых духо́в мечта́ния от нас прогоня́ющая.
Ра́дуйся, во внеза́пных на нас находя́щих ско́рбех и печа́лех ско́ро нас утеша́ющая; ра́дуйся, всему́ ми́ру ра́дость да́рующая.
Ра́дуйся, Ра́досте на́ша, изба́ви нас от вся́каго зла и утоли́ на́ша печа́ли.
Кондак 12
Благода́ть Боже́ственную испроси́ нам у Небе́снаго Влады́ки, Сы́на Твоего́ и Бо́га, и простри́ нам руку́ по́мощи, и моли́твами Твои́ми утоли́ на́ша печа́ли, покры́й нас кро́вом крилу́ Твое́ю, отжени́ от нас вся́каго врага́ и супоста́та, умири́ на́шу жизнь, да не поги́бнем лю́те, но приими́ нас в ве́чныя кро́вы, Покрови́тельнице на́ша, да, ра́дующеся Тебе́, зове́м: Аллилу́иа.
Икос 12
Пою́ще Тя, держа́вную Помо́щницу, хва́лим Тя и, моля́щеся Тебе́ со умиле́нием, ве́руем и испове́дуем, я́ко испро́сиши блага́я вре́менная и ве́чная воспева́ющим Ти:
Ра́дуйся, моли́твами Твои́ми весь мир спаса́ющая; ра́дуйся, всю вселе́нную хода́тайством Твои́м заступа́ющая.
Ра́дуйся, правосла́вным на ва́рвары побе́ды подава́ющая; ра́дуйся, наше́ствия на христиа́ны иноплеме́нных побежда́ющая.
Ра́дуйся, в ве́ре благочести́выя сохраня́ющая; ра́дуйся, не почита́ющих ико́ны Твоя́ святы́я, я́ко прах, от лица́ земли́ развева́ющая.
Ра́дуйся, поклоня́ющимся иконе Твое́й и Тя на по́мощь призыва́ющим, и в печа́лех бе́дствующим ско́ро помога́ющая; ра́дуйся, нас гре́шных ко спасе́нию и восприя́тию благ ве́чных наставля́ющая.
Ра́дуйся, безконечнаго ца́рствия у Сы́на Твоего́ и Бо́га на́шего всем нам испроша́ющая; ра́дуйся, ве́рным безконе́чную жизнь да́рующая.
Ра́дуйся, всем во вся́кой потре́бе вся поле́зная и блага́я подава́ющая; ра́дуйся, нетле́нная стяжа́ти науча́ющая.
Ра́дуйся, Ра́досте на́ша, изба́ви нас от вся́каго зла и утоли́ на́ша печа́ли.
Кондак 13
О, Всепе́тая Ма́ти, Небе́сная Цари́це и Влады́чице, Де́во Богоро́дице, ро́ждшая всех святы́х Святе́йшее Сло́во, ны́нешнее прие́мши приноше́ние, утоли́ на́ша печа́ли и изба́ви нас от вся́ких напа́стей, бед, скорбе́й и ве́чнаго осужде́ния и гряду́щаго изми́ муче́ния, и сподо́би нас, рабо́в Твои́х, в ве́чных ра́йских селе́ниях водвори́тися, зову́щих: Аллилу́иа.
Этот кондак читается трижды, зате́м 1-й икос «А́нгел мно́жество …» и 1-й кондак «Взбра́нное нам…».
Моли́тва 1-я
Де́во Влады́чице Богоро́дице, па́че естества́ и сло́ва роди́вшая Единоро́дное Бо́жие Сло́во, Творца́ и Влады́ку всея́ тва́ри ви́димыя и неви́димыя, Еди́наго от Тро́ицы Бо́га, Бо́га же и Челове́ка, соде́лавшаяся оби́тель Божества́, вмести́лище вся́кия святы́ни и благода́ти, в не́мже благоволе́нием Бо́га и Отца́, соде́йствием Свята́го Ду́ха, теле́сне обита́ше полнота́ Божества́, несравне́нно превознесе́нная боголе́пным досто́инством и преиму́ществующая пред вся́кою тва́рию, сла́во и утеше́ние, и неизрече́нное весе́лие а́нгелов, ца́рственный ве́нче апо́столов и проро́ков, преесте́ственное и чу́дное му́жество му́чеников, побо́рнице в по́двизех и пода́тельнице побе́ды, уготовля́ющая подви́жником венцы́ и воздая́ния ве́чная и боголе́пная, превы́сшая вся́кия че́сти, честь и сла́во преподо́бных, непогреши́тельная путеуказа́тельнице и наста́внице безмо́лвия, две́ре открове́ний и духо́вных та́ин, исто́чниче све́та, врата́ ве́чныя жи́зни, неистощи́мая реко́ милосе́рдия, неисчерпа́емое мо́ре всех боголе́пных дарова́ний и чуде́с! Тя про́сим и Тя умоля́ем, сострада́тельнейшую Ма́терь человеколюби́ваго Влады́ки: будь ми́лостива к нам, смире́нным и недосто́йным рабо́м Твои́м, воззри́ благосе́рдно на плене́ние и смире́ние на́ше, уврачу́й сокруше́ния душ и теле́с на́ших, разсе́й ви́димыя и неви́димыя враги́, бу́ди нам, недосто́йным, пред лице́м враго́в на́ших кре́пкий столп, бра́нное ору́жие, си́льное ополче́ние, Воево́да и непреобори́мая побо́рница, покажи́ ны́не на нас дре́вния и чу́дныя ми́лости Твоя́, да позна́ют беззако́ннии враги́ на́ши, я́ко Сын Твой и Бог Еди́н есть Царь и Влады́ка, я́ко Ты вои́стину Богоро́дица, роди́вшая по пло́ти и́стиннаго Бо́га, я́ко вся Тебе́ возмо́жна суть и е́же а́ще восхо́щеши, Влады́чице, и́маши си́лу все сие́ соверши́ти на небеси́ и на земли́, и на вся́кое проше́ние дарова́ти коему́ждо на по́льзу: больны́м здра́вие, су́щим на мо́ри тишину́ и до́брое кораблепла́вание. Путеше́ствующим спутеше́ствуй и охраня́й их, пле́нныя спаса́й от го́рькаго ра́бства, утеша́й печа́льныя, облегча́й нищету́ и вся́кое друго́е теле́сное злострада́ние; всех свобожда́й от душе́вных неду́гов и страсте́й, неви́димыми Твои́ми предста́тельствы и внуше́ньми, я́ко да, до́бре и непреткнове́нно соверши́в путь сея́ вре́менныя жи́зни, улучи́м Тобо́ю и о́ная ве́чная блага́я в Ца́рствии Небе́снем.
Ве́рных, почте́нных стра́шным и́менем Единоро́днаго Сы́на Твоего́, упова́ющих на Твое́ предста́тельство и на ми́лость Твою́ и во всем иму́щих Тя хода́таицу и побо́рницу, укрепля́й неви́димо проти́ву обстоя́щих враго́в, разсе́й о́блак уны́ния, изба́ви я от душе́внаго утружде́ния и пода́й им све́тлое благоду́шие и ра́дость, и обнови́ мир и безмяте́жие в сердца́х их.
Спаси́ моли́твами Твои́ми, Влады́чице, сию́ Тебе́ посвяще́нную па́ству, весь град и страну́ от гла́да, тру́са, пото́па, огня́, меча́, наше́ствия иноплеме́нных и междоусо́бныя бра́ни и вся́кий пра́ведно подви́гшийся на нас гнев обрати́, по благоволе́нию и благода́ти Единоро́днаго Сы́на и Бо́га Твоего́, Ему́же подоба́ет всякая сла́ва, честь и поклонение, со Безнача́льным Его́ Отце́м, с Сове́чным и Животворя́щим Его́ Ду́хом, ны́не и при́сно и во ве́ки веко́в. Ами́нь.
Моли́тва 2-я
Наде́ждо всех конце́в земли́, Пречи́стая Де́во, Госпоже́ Богоро́дице, утеше́ние мое́! Не гнуша́йся мене́, гре́шнаго, на Твою́ бо ми́лость упова́ю: угаси́ ми пла́мень грехо́вный и покая́нием ороси́ изсо́хшее мое́ се́рдце, очи́сти ум мой от грехо́вных помысло́в, приими́ мольбу́, от ду́ши и сердца́ со воздыха́нием приноси́мую Тебе́. Бу́ди о мне Хода́таица к Сы́ну Твоему́ и Бо́гу и укроти́ гнев Его́ ма́терними Твои́ми моли́твами, душе́вныя и теле́сныя я́звы исцели́, Госпоже́ Влады́чице, утоли́ боле́зни ду́ши и те́ла, утиши́ бу́рю злых нападе́ний вра́жеских, отъими́ бре́мя грехо́в мои́х, и не оста́ви мене́ до конца́ поги́бнути, и печа́лию сокруше́нное се́рдце мое́ уте́ши, да сла́влю Тя до после́дняго издыха́ния моего́. Ами́нь.