канон святой пасхи текст

Пасхальный канон: текст, перевод и объяснение

Приблизительное время чтения: 1 мин.

Некоторое время назад мне довелось вести занятия в приходской воскресной школе для взрослых, на которых разбирался пасхальный канон преподобного Иоанна Дамаскина. К этим занятиям был подготовлен содержащий краткий комментарий на каждый ирмос и тропарь конспект-презентация. Он был составлен на основе трех комментариев — «Толкования на канон Пасхи» преподобного Никодима Святогорца, «Объяснения Пасхального канона» священника Михаила Асмуса и «Краткого комментария к канону Пасхи» священника Михаила Желтова. В своём конспекте я постарался по возможности кратко изложить и суммировать то, что почерпнул в трех этих трудах. Должен отметить, что в процессе подготовки конспекта я и сам узнал много для себя нового в, казалось бы, столь знакомом и вроде бы понятном тексте.

По завершении цикла занятий у меня возникло желание поделиться своим трудом с более широким кругом тех, кого он мог бы заинтересовать.

Выступая в роли популяризатора, я ни в коей мере не претендую на оригинальность или новизну дела рук своих и осознаю его сугубо компилятивный характер, но, как мне представляется, для популярной или учебной литературы это ни в коей мере не является недостатком.

Объёмные труды наподобие «Толкования» преподобного Никодима осилят, скажем честно, далеко не все, а вот краткий дайджест, в котором сжато, простым современным языком, но одновременно и без излишнего упрощенчества изложены важнейшие их мысли, имеют шансы быть куда более востребованным.

Источник

Пасхальный канон, творение Иоанна Дамаскина

Песнь 1, глас 1‑й

Ирмос: В оскресе́ния день, просвети́мся, лю́дие. Па́сха, Госпо́дня Па́сха: от сме́рти бо к жи́зни и от зем­ли́ к небе­си́ Христо́с Бог нас пре­ве­де́, побе́дную пою́щия.

Вос­кре­се­ния день. Про­све­тим­ся люди. Пас­ха Гос­под­ня Пас­ха. Ибо от смер­ти к жиз­ни и от зем­ли на небо Хри­стос Бог при­вел нас, пою­щих (песнь) победную.

О чи́стим чу́вствия, и у́зрим непристу́пным све́том Воскресе́ния, Хри­ста́́ блиста́ющася, и ра́дуйтеся, реку́ща, я́сно да услы́шим, побе́дную пою́ще.

Очи­стим чув­ства и узрим Хри­ста, сия­ю­ще­го непри­ступ­ным све­том вос­кре­се­ния и «радуй­тесь» явствен­но услы­шим от Него вос­пе­вая песнь побед­ную ( Мф.28:9 ; 1Тим.6:16 ).

Н ебе­са́ у́бо досто́йно да веселя́тся, зем­ля́ же да ра́дуется, да пра́зднует же мир, ви́димый же весь и неви́димый, Христо́с бо воста́, весе́лие ве́чное.

Небе­са достой­но да весе­лят­ся, зем­ля да раду­ет­ся и да празд­ну­ет весь мир, види­мый и неви­ди­мый, ибо вос­стал Хри­стос – весе­лие веч­ное. ( Пс.95:11 ; 1Кор.15:20 ).

Бого­ро­дич­ны: (Пое­мыя со вто­ро­го дня Пас­хи и до отда­ния)

Сла­ва: У мерщвле́ния преде́л сломи́ла еси́́, ве́чную жизнь ро́ждшая Хри­ста́́, из гро́ба возсия́вшаго днесь, Де́во Всенепоро́чная, и мир просвети́вшаго.

Умерщ­вле­ния пре­дел сло­ми­ла Ты, носив во чре­ве жизнь веч­ную, Хри­ста, из гро­ба вос­си­яв­ше­го в сей день, Дева все­не­по­роч­ная, и мир просветившего.

И ныне: В оскре́сшаго ви́девши Сы́на Тво­е­го́́ и Бо́га, ра́дуйся со Апо́столы, Богоблагода́тная Чи́стая: и е́же ра́дуйся пе́рвее, я́ко всех ра́дости вина́, восприя́ла еси́́, Богома́ти Всенепоро́чная.

Вос­крес­шим уви­дев Сына Тво­е­го и Бога, радуй­ся с Апо­сто­ла­ми, Бого­бла­го­дат­ная, Чистая! И пер­вой сло­во “Радуй­ся”, как при­чи­на радо­сти для всех, при­ня­ла Ты, Бого­ма­терь всенепорочная.

Песнь 3

Ирмос: П рииди́те пи́во пие́м но́вое, не от ќамене непло́дна чудоде́емое, но нетле́ния исто́чник, из гро́ба одожди́вша Хри­ста́́, в Не́мже утвержда́емся.

При­ди­те, ста­нем пить питие новое, чудес­но изво­ди­мое не из кам­ня без­п­лод­но­го, но из про­из­вед­ше­го нетле­ние гро­ба Хри­сто­ва (όμβρήσαντος Χριστοϋ), на кото­ром мы утверждаемся.

Н ы́не вся испо́лнишася све́та, не́бо же и зем­ля́ и преиспо́дняя: да пра́зднует у́бо вся тварь воста́ние Христо́во, в Не́мже утвержда́ется.

Нынe все напол­ни­лось све­том – Небо и зем­ля и (места) пре­ис­под­ния, да празд­ну­ет же вся тварь вос­ста­ние Хри­ста, на кото­ром она утвер­жде­на ( Еф.4:10 ).

В чера́ спогребо́хся Тебе́, Хри­сте́́, сово­стаю́ днесь воскре́сшу Тебе́, сраспина́хся Тебе́ вче­ра́, Сам мя спросла́ви, Спа́се, во Ца́рствии Твое́м.

Вче­ра я погре­бал­ся с Тобою, Хри­сте, сего­дня вос­стаю с Тобой про­славь меня с Тобой Сам Ты, Спа­си­тель, в Цар­ствии Тво­ем ( Рим.6:3, 8:17 ).

Сла­ва: Н а нетле́нную жизнь при­хо­жду́ днесь бла́гостию ро́ждшагося из Тебе́, Чи́стая, и всем конце́м свет облиста́вшаго.

К жиз­ни непо­роч­ной пере­хо­жу я в сей день, по бла­го­сти Родив­ше­го­ся от Тебя, Чистая, и все мира кон­цы све­том озарившего.

И ныне: Б о́га, Его́же роди­ла́ еси́́ пло́тию, из ме́ртвых, я́коже рече́, воста́вша ви́девши, Чи́стая, лику́й, и Сего́ я́ко Бо́га, Пречи́стая, возвелича́й.

Уви­дев Бога, Кото­ро­го по пло­ти носи­ла Ты во чре­ве, Чистая, из мерт­вых вос­став­шим, как ска­зал Он, ликуй, и как Бога, Непо­роч­ная, Его величай.

Ипа­кои, глас 4‑й

Песнь 4

Ирмос: Н а Боже́ственней стра́жи, Богоглаго́ливый Авваку́м да ста́нет с на́ми, и пока́жет светоно́сна А́нгела, я́сно глаго́люща: днесь спасе́ние ми́ру, я́ко воскре́се Христо́с, я́ко всеси́лен.

Бого­гла­го­ли­вый Авва­кум, да ста­нет с нами на боже­ствен­ной стра­же и пока­жет све­то­нос­но­го Анге­ла ясно вос­кли­ца­ю­ще­го: ныне спа­се­ние Миpy; ибо вос­крес Хри­стос, как все­силь­ный ( Авв.2:1 ; Ис.9:6 ).

М у́жеский у́бо пол, я́ко разве́рзый де́вственную утро́бу, яви́ся Христо́с, я́ко челове́к же, А́гнец нарече́ся, непоро́чен же, я́ко невку́сен скве́рны, на́ша Па́сха, и я́ко Бог и́стинен, соверше́н рече́ся.

Наша Пас­ха – Хри­стос явил­ся муже­ским полом, как Сын раз­верз­ший дев­ствен­ную утро­бу; назван агн­цем, как пред­ла­га­е­мый в снедь, – непо­роч­ным, непри­част­ным нечи­сто­ты (греxa), а как истин­ный Бог – наре­чен совер­шен­ным ( Исх.12:5, 11 ; Ин.6:54 ).

Я ́ко единоле́тный а́гнец, благослове́нный нам вене́ц Христо́с, во́лею за всех закла́н бысть, Па́сха чисти́тельная, и па́ки из гро́ба кра́сное, пра́вды нам воз­сия́ Со́лнце.

Бла­го­слов­ля­е­мый нами венец – Хри­стос, как одно­лет­ний агнец, доб­ро­воль­но заклал­ся за всех в очи­сти­тель­ную Пас­ху, и опять из гро­ба нам вос­си­ял Он, пре­крас­ное Солн­це Прав­ды ( Пс.64:12, 5:7 ).

Б огооте́ц у́бо Дави́д пред се́нным ковче́гом скака́ше игра́я, лю́дие же Бо́жии святи́и, образо́в сбы­тие́ зря́ще, весели́мся Боже́ственне, я́ко воскре́се Христо́с, я́ко всеси́лен.

Бого­отец Давид в вос­тор­ге ска­кал перед про­об­ра­зо­ва­тель­ным ков­че­гом; мы же свя­тый народ Божий, видя испол­не­ние про­об­ра­зо­ва­ний, да воз­ве­се­лим­ся свя­щен­но; ибо вос­крес Хри­стос, как все­силь­ный ( 2Цар.6 ; Еф.1:18 ).

Сла­ва: С озда́вый Ада́ма, Тво­е­го́ пра́отца, Чи́стая, зи́ждется от Тебе́, и сме́ртное жили́ще разо­ри́ Свое́ю сме́ртию днесь, и оза­ри́ вся Боже́ственными блиста́ньми Воскресе́ния.

И ныне: Е го́же роди­ла́ еси́ Хри­ста́, прекра́сно из ме́ртвых возсия́вша, Чи́стая, зря́щи, до́брая и непоро́чная в жена́х и кра́сная, днесь во спасе́ние всех, со Апо́столы ра́дующися Того́ прославля́й.

Видя Хри­ста, Кото­ро­го носи­ла Ты в чре­ве, Чистая, пре­крас­но из мерт­вых вос­си­яв­ше­го в сей день для спа­се­ния всех, слав­ная и непо­роч­ная сре­ди жен, и пре­крас­ная, с Апо­сто­ла­ми раду­ясь, Его прославляй.

Песнь 5

Ирмос: У ́трен­ню­ем у́треннюю глу­бо­ку́, и вме́сто ми́ра песнь принесе́м Влады́це, и Хри­ста́ у́зрим пра́вды Со́лнце, всем жизнь возсия́юща.

Вста­нем ран­ним утром («утре­ню­ем, утрен­нюю глу­бо­ку») и вме­сто мира при­не­сем песнь Вла­ды­ке и узрим Хри­ста Солн­це Прав­ды, всех жиз­нью про­све­ща­ю­ще­го ( Лк.24:1 ; Мал.4:2 ).

Б езме́рное Твое́ благоутро́бие а́довыми у́зами содержи́мии зря́ще, к све́ту идя́ху Хри­сте́, весе́лыми нога́ми, Па́сху хва́ляще ве́чную.

Узрев без­мер­ное мило­сер­дие Твое, Хри­сте, содер­жи­мые в адо­вых узах, радост­ны­ми сто­па­ми потек­ли к све­ту, про­слав­ляя веч­ную Пас­ху ( Ис.49:9 ; 1Пет.3:19 ).

П ристу́пим, свещено́снии, исходя́щу Хри­сту́ из гро́ба я́ко жени­ху́, и спра́зднуим любопра́зднственными чи́нми Па́сху Бо́жию спаси́тельную.

С све­тиль­ни­ка­ми в руках пой­дем в стре­те­ние Хри­сту, исхо­дя­ще­му из гро­ба, как жени­ху, и будем с радост­но празд­ну­ю­ще­му чина­ми празд­но­вать спа­си­тель­ную Божию Пас­ху ( Мф.25:1 ).

Сла­ва: П росвеща́ется Боже́ственными луча́ми и живоно́сными Воскресе́ния Сы́на Тво­е­го́, Богома́ти Пречи́стая, и ра́дости исполня́ется благочести́вых собра́ние.

Про­све­ща­ет­ся Боже­ствен­ны­ми и живо­нос­ны­ми луча­ми Вос­кре­се­ния Сына Тво­е­го, Бого­ма­терь Пре­чи­стая, и радо­сти испол­ня­ет­ся бла­го­че­сти­вых собрание.

И ныне: Н е разве́рзл еси́ вра­та́ де́вства в воплоще́нии, гро́ба не разруши́л еси́ печа́тей, Царю́ созда́ния: отню́дуже Воскре́сшаго Тя зря́щи Ма́ти ра́довашеся.

Не отверз Ты врат дев­ства при вопло­ще­нии, не нару­шил печа­тей гро­ба, Царь созда­ния, и пото­му, вос­крес­шим Тебя видя, Матерь радовалась.

Песнь 6

Ирмос: С низше́л еси́ в преиспо́дняя зем­ли́ и сокруши́л еси́ вереи́ ве́чныя, содержа́щыя свя́занныя, Хри­сте́, и тридне́вен я́ко от ки́та Ио́на, воскре́сл еси́ от гро́ба.

Сошел Ты в глу­бо­чай­шие места зем­ли и сокру­шил засо­вы веч­ные, дер­жав­шие заклю­чен­ных в око­вы, Хри­сте, и на тре­тий день, как из кита Иона, вос­крес из гроба.

С охрани́в це́ла зна́мения, Хри­сте́, воскре́сл еси́ от гро́ба, клю­чи́ Де́вы невреди́вый в рож­де­стве́ Твое́м, и отве́рзл еси́ нам ра́йския две́ри.

Сохра­нив печа­ти целы­ми, Хри­сте, Ты вос­стал из гро­ба, заклю­чен­но­го чре­ва Девы не повре­див­ший при рож­де­нии Тво­ем, и открыл нам рай­ские двери.

С па́се мой, живо́е же и неже́ртвенное заколе́ние, я́ко Бог Сам Себе́ во́лею приве́д Отцу́, совоскре́си́л еси́ всеро́днаго Ада́ма, воскре́с от гро́ба.

Спа­си­тель мой, живая и не зака­лы­ва­е­мая жерт­ва! Сам Себя, как Бог, доб­ро­воль­но при­не­ся Отцу, Ты вос­кре­сил с Собою обще­го родо­на­чаль­ни­ка Ада­ма, вос­крес­нув из гроба.

Сла­ва: В озведе́ся дре́вле держи́мое сме́ртию и тле́нием, воплоти́вшимся от Тво­е­го́ пречи́стаго чре́ва, к нетле́нней и присносу́щней жи́зни, Богоро́дице Де́во.

Издрев­ле удер­жи­ва­е­мое смер­тью и тле­ни­ем, воз­ве­де­но к нетлен­ной и веч­ной жиз­ни Вопло­тив­шим­ся от Тво­е­го пре­чи­сто­го чре­ва, Бого­ро­ди­ца Дева.

И ныне: С ни́де в преиспо́дняя зем­ли́, в ложе­сна́ Твоя́, Чи́стая, сше́дый и всели́выйся, и воплоти́выйся па́че ума́, и воздви́же с Собо́ю Ада́ма, воскре́с от гро́ба.

Сошел в глу­бо­чай­шие места зем­ли в нед­ра Твои, Чистая, Сошед­ший и все­лив­ший­ся, и вопло­тив­ший­ся пре­вы­ше ума; и воз­двиг Он с Собою Ада­ма, вос­крес­нув из гроба.

Кондак, глас 8‑й

А ́ще и во гроб снизше́л еси́, Безсме́ртне, но а́дову разруши́л еси́ си́лу, и воскре́сл еси́, я́ко победи́тель, Хри­сте́ Бо́же, жена́м мироно́сицам веща́вый: ра́дуйтеся, и Твои́м апо́столам мир да́руяй, па́дшим подая́й Воскресе́ние.

Хотя и во гроб сошел Ты, Бес­смерт­ный, но раз­ру­шил силу ада и вос­крес как побе­ди­тель, Хри­сте Боже, вещая женам миро­но­си­цам: радуй­тесь, и Тво­им апо­сто­лам даруя мир, пад­шим же пода­вая воскресение.

Е ́же пре́жде со́лнца Со́лнце заше́дшее ино­гда́ во гроб, предвари́ша ко у́тру, и́щущия я́ко дне мироно́сицы де́вы, и дру­га́ ко друзе́й вопия́ху: о други́ни, прииди́те, воня́ми пома́жем Те́ло живоно́сное и погребе́ное, плоть воскреси́вшаго па́дшаго Ада́ма, лежа́щую во гро́бе. И́дем, потщи́мся я́коже вол­сви́, и поклони́мся, и принесе́м ми́ра я́ко да́ры, не в пелена́х, но в плащани́це обви́тому, и пла́чим и возопи́им: о Влады́ко, воста́ни, па́дшим подая́й воскресе́ние.

Миро­но­си­цы девы, утром пред­ва­ряя солн­це и ища как дня Того, Кто был солн­цем зашед­шим неко­гда во гроб, вопи­я­ли одна дру­гой: подру­ги, при­дем, пома­жем бла­го­во­ни­я­ми тело живо­нос­ное и погре­бен­ное, лежа­щее во гpo­бе, Тело Того, Кто вос­кре­сил Ада­ма. Идем, поспе­шим как волх­вы, и покло­ним­ся и при­не­сем миро как дары. Лежа­ще­му не в пеле­нах, но пла­ща­ни­цею Обви­то­му и, пла­ча, возо­пи­ем: О Вла­ды­ко, пода­ю­щий вос­кре­се­ние пад­шим, восстань.

Вос­крес­ная песнь

В оскре́с Иису́с от гро́ба, я́коже про­ре­че́, даде́ нам живо́т ве́чный и ве́лию ми́лость. (Три­жды).

Вос­крес Иисус из гро­ба, как пред­ска­зал, даро­вав нам веч­ную жизнь и вели­кую милость.

Песнь 7

Ирмос: О ́тро­ки от пе́щи изба́вивый, быв Челове́к, стра́ждает я́ко сме́ртен, и стра́стию сме́ртное в нетле́ния облачи́т благоле́пие, Еди́н благослове́н отце́в Бог и препросла́влен.

Изба­вив­ший отро­ков из печи, сде­лав­шись чело­ве­ком страж­дет как смерт­ный и стра­да­ни­ем (сво­им) обле­ка­ет смерт­ное в кра­со­ту бес­смер­тия, еди­ный Бог отцев, бла­го­сло­вен­ный и препрославленный.

Ж е́ны с ми́ры богому́дрыя в след Тебе́ теча́ху: Его́же я́ко ме́ртва со слеза́ми иска́ху, поклони́шася ра́дующияся Живо́му Бо́гу и Па́сху та́йную Твои́м, Хри­сте́, ученико́м благовести́ша.

Бого­муд­рыя жены вслед за Тобою спе­ши­ли с бла­го­вон­ны­ми мастя­ми; но кого они, как мерт­ва­го иска­ли со сле­за­ми, тому покло­ни­лись с радо­стью (как) живо­му Богу, и уче­ни­кам Тво­им, Хри­сте, воз­ве­сти­ли таин­ствен­ную Пас­ху ( Песн.1:3 ; Мк.16:1–7 ).

С ме́рти пра́зднуем умерщвле́ние, а́дово разруше́ние, ино́го жития́ ве́чнаго нача́ло, и игра́юще пое́м вино́внаго, еди́наго благослове́ннаго отце́в Бо́га и препросла́вленнаго.

Мы празд­ну­ем умерщ­вле­ниe смер­ти, раз­ру­ше­ниe ада, нача­ло дру­гой веч­ной жиз­ни, и в вос­тор­ге вос­пе­ва­ем Винов­ни­ка (сего) еди­но­го Бога отцев, бла­го­сло­вен­но­го и про­слав­лен­но­го ( Ос.13:14 ; 1Кор.15:54 ).

Я ́ко вои́стинну свяще́нная, и всепра́зднственная сия́ спаси́тельная нощь, и светоза́рная, светоно́снаго дне, воста́ния су́щи провозве́стница: в не́йже безле́тный Свет из гро́ба пло́тски всем возсия́.

Поис­ти­не свя­щен­на и достой­на вся­ко­го тор­же­ства сия спа­си­тель­ная и све­то­зар­ная ночь, пре­воз­вест­ни­ца све­то­нос­но­го дня, вос­кре­се­ния (ἐγέρσεως), в кото­рую без­лет­ный Свет во пло­ти для всех вос­си­ял из гро­ба ( Ин.20:1 ).

Песнь 8

Ирмос: С ей нарече́нный и святы́й день, еди́н суббо́т Царь и Госпо́дь, пра́здников пра́здник и тор­же­ство́ есть торже́ств, во́ньже благослови́м Хри­ста́ во ве́ки.

Сей име­ни­тый и свя­тый день, един­ствен­ный царь и Гос­подь (гос­по­дин) суб­бот, – празд­ник из празд­ни­ков и тор­же­ство из тор­жеств; в сей день бла­го­сло­вим Хри­ста во веки.

П рииди́те но́ваго виногра́да рожде́ния, Боже́ственнаго весе́лия, в наро́читом дни Воскресе́ния, Ца́рствия Христо́ва приобщи́мся, пою́ще Его́ я́ко Бо́га во ве́ки.

При­до­ше в слав­ный день вос­кре­се­ния, при­об­щим­ся нова­го вино­град­но­го пло­да, боже­ствен­но­го весе­лия, Цар­ствия Хри­сто­ва, вос­пе­вая Его, как Бога, во веки ( Мф.26:29 ; Пс.103:15 ).

В озве­ди́ о́крест о́чи твои́, Сио́не, и виждь: се бо приидо́ша к тебе́ я́ко богосве́тлая свети́ла, от за́пада, и се́вера, и мо́ря, и восто́ка ча́да твоя́, в тебе́ благословя́щая Хри­ста́ во ве́ки.

Воз­ве­ди взо­ры Твои, Сион, вокруг себя и посмот­ри: вот стек­лись к Тебе как бого­свет­лыя све­ти­ла, от запа­да, севе­ра, моря и восто­ка, дети твои, бла­го­сло­вя­щия в Teбе Хри­ста во веки.

При­пев: П ресвята́я Тро́ице, Бо́же наш, сла́ва Тебе́.

О тче Вседержи́телю, и Сло́ве, и Ду́ше, тре­ми́ соединя́емое во ипоста́сех есте­ство́, Пресу́щественне и Пребоже́ственне, в Тя крести́хомся и Тя благослови́м во вся ве́ки.

Отец Все­дер­жи­тель и Сло­во и Дух, Суще­ство еди­нич­ное в трех Лицах, все­выш­нее и Боже­ствен­ней­шее. В Тебя мы кре­сти­лись и Тебя будем бла­го­слов­лять во веки ( Мф.21:19 ).

Сла­ва: П рии́де Тобо́ю в мир Госпо́дь, Де́во Богоро́дице, и чре́во а́дово расто́рг, сме́ртным нам воскресе́ние даро­ва́: те́мже благослови́м Его́ во ве́ки.

При­шел в мир Тво­рец чрез Тебя, Дева Бого­ро­ди­ца, и чре­во ада рас­торг­нув, нам, смерт­ным, вос­кре­се­ние даро­вал. Пото­му мы бла­го­слов­ля­ем Его вовеки.

И ныне: В сю низложи́в сме́рти держа́ву, Сын Твой, Де́во, Свои́м воскресе́нием, я́ко Бог кре́пкий, совоз­не­се́ нас и обо­жи́. Те́мже воспева́ем Его во ве́ки.

Низ­ло­жив все могу­ще­ство смер­ти, Сын Твой, Дева, Сво­им Вос­кре­се­ни­ем, как Бог креп­кий, воз­нес нас с Собою и обо­жил. Пото­му мы вос­пе­ва­ем Его вовеки.

Песнь 9

В ели́чит душа́ моя́ воскре́сшаго тридне́вно от гро́ба Хри­ста́ Жизнода́вца.

Вели­чай, душа моя, вос­крес­ше­го в тре­тий день из гро­ба, Хри­ста – жиз­ни Подателя.

Ирмос: С вети́ся, свети́ся, но́вый Иерусали́ме: сла́ва бо Госпо́дня на тебе́ воз­сия́. Лику́й ны́не и весели́ся, Сио́не, Ты же, Чи́стая, красу́йся, Богоро́дице, о воста́нии Рожде́ства Твоего́.

Све­тись, све­тись, новый Иеру­са­лим; ибо сла­ва Гос­под­ня вос­си­я­ла над Тобою; тор­же­ствуй ныне и весе­лись Сион; и Ты, чистая Бого­ро­ди­ца, радуй­ся о вос­ста­нии Рож­ден­но­го Тобою. ( Ис.60:1 ; Лк.1:47 ).

При­пев: Х ристо́с но́вая Па́сха, Же́ртва жива́я, А́гнец Бо́жий, взе́мляй гре­хи́ ми́ра.

Хри­стос – новая Пас­ха, жерт­ва живая, Агнец Божий, подъ­ем­лю­щий грех мира.

О Боже́ственнаго, о любе́знаго, о сладча́йшаго Тво­е­го́ гла́са! С на́ми бо нело́жно обеща́лся еси́ бы́ти до сконча́ния ве́ка, Хри­сте́. Его́же ве́рнии, утвержде́ние наде́жды иму́ще, ра́дуемся.

О как боже­стве­нен, любе­зен и пре­сла­до­стен Твой голос, Хри­сте! Ты обе­щал­ся нелож­но с нами быть до кон­чи­ны века; имея это опо­рою надеж­ды, мы вер­ные раду­ем­ся ( Мф.28,20 ).

При­пев: М агдали́на Мари́я при­те­че́ ко гро́бу, и Хри­ста́ ви́девши, я́ко вертогра́даря вопроша́ше.

Маг­да­ли­на Mapия при­те­че (при­бе­жа­ла) ко гро­бу и Хри­ста видев­ши яко вер­то­гра­да­ря (как садов­ни­ка) вопрошаше.

О Па́сха ве́лия, и свяще́ннейшая, Хри­сте́! О Му́дросте, и Сло́ве Бо́жий, и Си́ло! Подава́й нам и́стее Тебе́ причаща́тися, в невече́рнем дни Ца́рствия Твоего́.

О Пас­ха вели­кая и свя­щен­ней­шая Хри­сте, О пре­муд­рость. Сло­во Божие и Сила. Удо­стой нас совер­шен­нее при­об­щать­ся Тебя в без­ве­чер­ний день Тво­е­го Цар­ства ( 1Кор.5:7, 13:12 ).

Сла­ва: С огла́сно, Де́во, Тебе́ блажи́м ве́рнии: ра́дуйся, две́ре Госпо́дня, ра́дуйся, гра́де одушевле́нный; ра́дуйся, Ея́же ра́ди нам ны́не воз­сия́ свет, из Тебе́ Рожде́ннаго из ме́ртвых воскресе́ния.

Мы, вер­ные, соглас­но про­слав­ля­ем Тебя, Дева: “Радуй­ся, Дверь Гос­под­ня; радуй­ся Град оду­шев­лен­ный; радуй­ся, ибо бла­го­да­ря Тебе в сей день нам вос­си­ял свет Вос­кре­се­ния из мерт­вых от Тебя Рожденного”.

И ныне: В есели́ся и ра́дуйся, Боже́ственная две́ре Све́та: заше́дый бо Иису́с во гроб воз­сия́, просия́в со́лнца светле́е и ве́рныя вся озари́в, Богора́дованная Влады́чице.

Весе­лись и радуй­ся, Боже­ствен­ная Дверь Све­та! Ибо Иисус, зашед­ший во гроб, взо­шел, про­си­яв свет­лее солн­ца и всех вер­ных оза­рив, Богом обра­до­ван­ная Владычица!

Задо­стой­ник

А нгел вопия́ше Благода́тней: Чи́стая Де́во, ра́дуйся, и па́ки реку́: ра́дуйся! Твой Сын воскре́се тридне́вен от гро́ба и ме́ртвыя воздви́гнувый, лю́дие, весели́теся.

Ангел воз­гла­шал Бла­го­дат­ной: Чистая Дева, радуй­ся! И сно­ва ска­жу: Радуй­ся! Твой Сын вос­крес в тре­тий день из гро­ба, и мерт­вых вос­кре­сил. Люди, торжествуйте!

С вети́ся, свети́ся, но́вый Иерусали́ме: сла́ва бо Госпо́дня на тебе́ воз­сия́, лику́й ны́не и весели́ся, Сио́не, Ты же, Чи́стая, красу́йся, Богоро́дице, о воста́нии Рож­де­ства́ Твоего́.

Све­тись, све­тись, новый Иеру­са­лим, ибо сла­ва Гос­под­ня над тобою взо­шла! Ликуй ныне и кра­суй­ся, Сион! Ты же радуй­ся, Чистая Бого­ро­ди­ца, о вос­кре­се­нии Рож­ден­но­го Тобой.

Экса­по­сти­ла­рий: П ло́тию усну́в, я́ко мертв, Царю́ и Го́споди, тридне́вен воскре́сл еси́, Ада́ма воздви́г от тли, и упраздни́в смерть: Па́сха нетле́ния, ми́ра спасе́ние. (Три­жды)

Уснув пло­тью как мерт­вец, Царь Гос­по­ди трех­днев­но вос­крес, Ада­ма воз­двиг из тле­ния и упразд­нил смерть: Пас­ха нетле­ния, Миpa спасение.

Сти­хи­ры Пас­хи, глас 5:

Стих: Д а воскре́снет Бог, и расточа́тся вра­зи́ Его́.

Да вос­ста­нет Бог и рас­се­ют­ся вра­ги Его.

П а́сха свяще́нная нам днесь показа́ся, Па́сха но́ва свята́я, Па́сха та́инственная, Па́сха всечестна́я. Па́сха Христо́с Изба́витель, Па́сха непоро́чная, Па́сха вели́кая, Па́сха ве́рных. Па́сха две́ри ра́йския нам отверза́ющая. Па́сха всех освяща́ющая ве́рных.

Пас­ха свя­щен­ная в сей день нам яви­лась, – Пас­ха новая, свя­тая, Пас­ха таин­ствен­ная, Пас­ха все­ми чти­мая. Пас­ха – Хри­стос Изба­ви­тель; Пас­ха непо­роч­ная, Пас­ха вели­кая, Пас­ха вер­ных, Пас­ха две­ри рая нам открыв­шая, Пас­ха, освя­ща­ю­щая всех верных.

Стих: Я́ ко исчеза́ет дым, да исче́знут.

Как исче­за­ет дым, да исчез­нут ( Пс.67:3 ).

П рииди́те от виде́ния жены́ благове́стницы, и Сио́ну рцы́те: при­и­ми́ от нас ра́дости благове́щения, Воскресе́ния Христо́ва: красу́йся, лику́й и ра́дуйся, Иерусали́ме, Царя́ Хри­ста́ узре́в из гро́ба, я́ко жени­ха́ происходя́ща.

Иди­те после виде­ния, жены-бла­го­вест­ни­цы, и Сио­ну воз­гла­си­те: «При­ми от нас радость бла­го­ве­стия о вос­кре­се­нии Хри­сто­вом!» Весе­лись, ликуй и радуй­ся, Иеру­са­лим, Царя-Хри­ста узрев, как жени­ха, из гро­ба выходящим.

Стих: Т а́ко да поги́бнут гре́шницы от Лица́ Бо́жия, а пра́ведницы да возвеселя́тся.

Так да погиб­нут греш­ни­ки от лица Божия, а пра­вед­ни­ки да воз­ве­се­лят­ся ( Пс.67:3–4 ).

М ироно́сицы жены́, у́тру глу­бо­ку́, предста́вша гро́бу Живода́вца, обрето́ша А́нгела на ка́мени седя́ща, и той провеща́в им, си́це глаго́лаше: что и́щете Жива́го с ме́ртвыми? что пла́чете Нетле́ннаго во тли? Ше́дше, пропове́дите ученико́м Его́.

Жены-миро­но­си­цы глу­бо­ким утром, гроб­ни­це жиз­ни Пода­те­ля пред­став, нашли Анге­ла, на камне вос­се­дав­ше­го, и он, обра­тив­шись к ним, так воз­гла­шал: «Что вы ище­те Живо­го меж­ду мерт­вы­ми? Что опла­ки­ва­е­те Нетлен­но­го, как тле­нию под­пав­ше­го? Воз­вра­тив­шись, воз­ве­сти­те уче­ни­кам Его!»

Стих: С ей день, его́же сотво­ри Госпо́дь, возра́дуемся и возвесели́мся в онь.

Это день, кото­рый сотво­рил Гос­подь, воз­ра­ду­ем­ся и воз­ве­се­лим­ся в оный! ( Пс.117:24 ).

П а́сха кра́сная, Па́сха, Госпо́дня Па́сха! Па́сха всечестна́я нам воз­сия́. Па́сха, ра́достию друг дру́га обы́мем. О Па́сха! Избавле́ние ско́рби, и́бо из гро́ба днесь, я́ко от черто́га возсия́в Христо́с, жены́ ра́дости испо́лни, глаго́ля: пропове́дите апо́столом.

Пас­ха радост­ная, Пас­ха, Гос­под­ня Пас­ха, Пас­ха все­свя­щен­ная нам взо­шла. Пас­ха! Радост­но друг дру­га обни­мем. О, Пас­ха – избав­ле­ние от скор­би! Ибо из гро­ба в сей день, как из брач­но­го чер­то­га про­си­яв, Хри­стос жен испол­нил радо­сти сло­ва­ми: «Воз­ве­сти­те Апостолам!»

Источник

Канон пасхальный свт. Андрея Критского

В день Светлого Христова Воскресения

Примечание составителей сборника

Ниже помещается канон свт. Андрея Критского (+740) на Св. Пасху, имевший общецерковное употребление с IX века, рано переведенный на славянский язык и исполнявшийся за богослужением в Русской Православной Церкви до XIV-XV вв. наряду с общеизвестным каноном прп. Иоанна Дамаскина. Изменение Устава повлекло за собой вытеснение этого сочинения свт. Андрея из богослужебной практики и книг. В основу настоящей публикации положено издание канона по двум славянским рукописям XI и XIII вв., выполненное прот. Сергием Правдолюбовым: «Пасхальный канон святителя Андрея Критского». М., 1996. Редакция ограничилась некоторыми поправками в изложении канона по-церковнославянски.

Песнь победную поим вси Богу, сотворшему дивная чудеса мышцею высокою и спасшему Израиля, яко прославися.

Христос воскресе из мертвых.

Зиждитель и Избавитель мой на древе висит, и на судищи стоит, и Бог страждет, безстрастен сый, и терпит вся досаждения нас ради, да мы спасемся.

На Кресте распинался, солнце омрачил еси в полудни, Господи, и месяц яко в сени постави, и солнце потаи лучи, и потом свет возсия.

Велия дела Твоя, и дивны муки, Христе Боже наш. Страшна же чудеса Твоего Воскресения: Крестом бо ад разруши и гробы истощи.

Свыше сошед Ангел, камень от Гроба отвали, и на нем седя, мироносицам вопияше: не требует мира, ни плача Воскресый из мертвых.

Что плачетеся со Пречистою, что ужасаетеся? Воскресе Господь: шедше рцыте апостолом скоро, – Ангел женам плачущимся глаголаше.

Со Петром тецем и Иоанном ко гробу и видим ризу, идеже лежит, и убрус иже бе на главе Иисуса Воскресшаго.

Омертвеша стражие сущии пред Гробом: Христос востал есть, и иудее мятутся, земля же веселится и небо играется светло и вси роди земнии.

Светло празднующе веселимся: Пастырь пожреся, Агнец предлагается, Христос востал есть, всем просветившимся воскресением Его.

Поем и славим Тя, Безначальне Отче, Сыне и Душе Божественный, Свет Животворящий воистинну, Безначальную, Сродную, Троицу Нераздельную.

И ныне, Богородичен:

Во утробе вместила еси, Егоже земля во чреве прияла есть, и преисподняя ужасошася: Того родила еси без истления, Богородице Чистая.

Видите, видите, яко Аз есмь Бог, порабощенныя люди Израилевы Моисеови поручивый, и в пустыни питавый, и спасый яко Силен властию Своею.

Видите, видите, яко Аз есмь Бог, Иже с мертвецы плотию бых мертв, и во гробе полежах, и мертвыя воскресих, и Адама оживих властию Своею.

Камень отвалити от дверий, Спасе, повелевый, плачущимся женам явился еси и плач уставил еси, послав я ко апостолом Своим по Воскресении Своем.

Приидите и видите место, идеже лежа, – мироносицам явлейся блистанием светлым Ангел рече яве: что плачете Живаго? Кого ищете в мертвых? Христос воскресе, якоже рече.

Мироносяще жены, приидоша заутра, Егоже паче всех аромат помазати хотяще, яко мертва: Емуже с миром хвалу изливаху песньми книжными.

Что плачеши, о жено? – Марии глаголет. Плачу, – рече, – яко Господа моего взяша из гроба, и ищу, камо преложиша Его? Ангел же рече: Христос воскресе, якоже рече.

Пасха днесь, и чисто есть торжество, Пасха Светлая, Весна Пресветла, Пасха Божия, Весна Христова. Приидите, людие празднолюбцы, в нарочитый день да веселимся тайно: Пасха, Господня Пасха.

Вся сподоби без осуждения, Владыко, светоносную и светлую тайну Воскресения Твоего, Христе, праздновати днесь и пети Тебе, Спасе: Пасха, Господня Пасха.

Безначальная и несозданная Троице нераздельная, Едина в триех Лицех сущая, разделяемая во Ипостасех верою и во Едину Силу хвалимая благоговейно: спаси Тебе поющия.

И ныне, Богородичен:

Ложесна освятил еси и рождество обновил еси, без семене зачатся, без истления же родился еси от Жены Святыя Девы, Пострадавый за ны.

Камень, Егоже небрегоша зиждущии, сей бысть во главу угла: той есть камень, на немже утверди Церковь Свою Христос, Юже от язык искупи.

Видев, еже виде, солнце ужасеся и потаи лучи в полудне; како же не хоте заити, со страхом зря Владыку моего на Кресте? Сице бо мне и всем источает жизнь.

Камение како разседашеся, и земля како, ужасающися, трясяшеся; како же убо не разседашеся, како ли не трясяхуся горы и всяческая, страшным чудом висения Твоего на Кресте, яко Бог сый волею страждаше?

Соборище непокоривое и беззаконное иудейское, яко печати налагаете тогда камени Гроба, сами исперва неверующе Воскресшему из мертвых: и тако бысте сынове погибели и беззакония.

Ей убо, яко вы солгасте, яко Христос украден бысть. Како же и украден бысть, наг сый, злодеи? И тая чудеса се во гробе суть. И сударь Его ныне свидетельствует Воскресение Его.

Грядите, торжествуйте, сынове человечестии. Сей день, рече певец, Егоже сотвори Господь, воскрес из Гроба. Радуйтеся, земнии: всех бо Христос созывает.

Да станут плачевныя слезы и да отымется плач. Преста скорбь первыя Евы, Христу воскресшу. Жены быша благовестницы Ему, первыя Его сретша.

Несть, якоже вы вопиете: Христос украден есть. Како кустодия печатленна внутрьуду лежит на камени, имже печатлен есть, и отвален есть камень? Жив бо есть Христос, якоже воскресе.

Единому покланяемся Божеству в триех Лицех, Безначальному Отцу и Сыну и Духу: Троице во Единице нераздельней и несозданней в Существе Своем, Юже богословлю, и хвалю, и чту.

И ныне, Богородичен:

Единаго Тя Сына славим, яко от Девы плоть приимшаго и неизменнаго отнюдь, пострадавшаго волею и погребеннаго нас ради, и воскресшаго из мертвых, Единаго Христа Бога от Девы Матере.

Духом провидя пророк Аввакум Словесе воплощение, проповедаше глаголя: егда приближатся лета познаешися, егда приидет время, явишися: слава силе Твоей, Господи.

Камения печати видяще распадение, что льститеся, беззаконнии, отметающеся Света? Се камень, се и кустодия, с теми же и гроби вопиют, яко воскресе и жив есть Христос.

О лесть, о неистовство, о беззаконное нечестие! Жизни отвергошася, солгавше Христу: воскресе бо, и свидетельствуют печати, и не украден бысть. Ризы вопиют, яко воскресе и жив есть Христос.

Жены, что ужасаетеся и плачете зело? Что миро носите Живому, яко мертвому? Яко воскресе, – Ангел вопияше мироносицам: приидите и видите место, идеже, яко мертв, положен бяше Живый.

Возсиял еси из Гроба, Свет от Света, и землю озарил еси Божественным Твоим Светом, и во аде держимыя мраком Своим Воскресением просветил еси, вопиющия: слава страшному Твоему Воскресению.

Начните Господеви, веселитеся людие и торжествуйте и хвалите Его: се бо прииде Спасый образ, погребенный Адамовым преступлением. Слава страшному Твоему Воскресению, Христе.

Троицу во Единице славим, людие, во Едином Божестве: Отца и Сына и Божественнаго Духа, и Сию Едину, естеством неразделиму, и неразлучиму, и нераздельну: Един бо в Троице Лиц Бог.

И ныне, Богородичен:

Во Пречистую Твою утробу вселися, Чистая, Бог и Творец мой, без семене воплощься, и Богородицу яви Тя, Дево. К Немуже непрестанно молящи не престай, да избавимся напасти лютыя.

Твой мир даждь нам, Сыне Божий, иного бо разве Тебе бога не знаем, Имя Твое именуем, яко Бог живых и мертвых еси.

Во тьму преложися, страсть Твою, Христе, чудо страшно показуя, солнце. Како бо бяше не Светящему на земли светити? Тебе бо последоваше.

На Древе крестнем пригвоздился еси, Иисусе, и адовы вереи, и смертная шатания диаволя разрушил еси. Темже покланяемся Ти, на нем пригвождшемуся.

Пожерся, Безгрешне, волею за ны, непорочен сый, дал еси Ся всесожжение, яко овча совершено, яко Агнец сый, вземляй мира грехи.

Обвит Тело Твое плащаницею чистою, покадив е честными вонями, и со славою положи в новем гробе Иосиф Благообразный.

Затвориша гроб Твой затвором, Иисусе, внутрьуду утверждше, и внеуду стрегуще, и всюду печати утверждения. И како востал еси чудно, всяческая Обдержай?

Светло спразднуим: воскресе бо Христос, и Пасху тайную нам дарова святыя Страсти. Мы же, Спасе, человеческий род, от умерщвления избавлени быхом.

Троице Святая, слава Тебе, неразделимая, единая: Отче и Сыне и Душе Святый, во триех Ипостасех и во едином Естестве, спаси вся хвалящия Тя.

И ныне, Богородичен:

Образа зачатия Твоего никтоже разуме когда и страшныя рождества Твоего тайны: обое бо паче ума в Тебе совершися, Марие Богородице.

Пророка Иону подражая, вопию: живот мой, Блаже, свободи из тли, и спаси мя, Спасе мира, милосердием Твоим.

Стараго злаго врага обличил еси Крестом, и державу разорил еси смертную, Христе, и возсиял еси нам свет Воскресения Твоего.

В мертвых вменился еси, оживляя мертвыя, и воскресл еси, Животе, возводя земныя, и разрушил еси узы адовы властию, Спасе.

Во ад сошед Неодержимый, всюду испытал еси, и воздвигл еси Адама, избавляя Своим Воскресением прадеда от тли.

Празднуим светло, веселящеся таинством, – на празднство Христово вернии призывают вопиюще: приидите, торжествуим.

Отцу и Сыну и Святому Духу поклонимся, вернии, во триех Ипостасех Естеством Нераздельному, вопиюще: слава в Троице Богу.

И ныне, Богородичен:

Како зачала еси, рцы, Егоже Отец не всея? Како пребыла еси чиста по рождестве, яко прежде? Рече: никтоже весть на земли, како есть.

Отроки от пещи избавивый, быв Человек, страждет яко смертен, и страстию смертное в нетления облачи благолепие, един Благословен отцев Бог и Препрославлен.

Аще на Кресте пригвоздился еси, Христе, но пребыл еси по существу Отчу безстрастен: плотию бо страждаше и терпяше, Долготерпеливе, о всех, да мне яко Бог безстрастие подаси.

Ты мене ради возшел еси на Крест, Долготерпеливе, да мя избавиши клятвы, юже Моисей написав в Законе, властию повеле: проклят всяк, иже на древе пригвожден.

Желчи вкусил еси, Владыко Христе, обратив ми всякую горесть тленную на сладость, из ребр источив воду. Сего ради вопию Ти: благословен еси, Спасе, Очистителю душ наших.

Христос воскресе днесь, людие, радуйтеся и торжествуйте светло: прииде Свет, прииде Христос, прииде Благодать, прииде Истина, прииде всем Жизнь и Воскресение.

Где Мертвец, да рекут нам стражие: кто есть украдый Мертвеца? Где Украденный? Како распадеся ныне печать? Что ризы? Что же камень вам мнится, беззакбнницы?

Что не веруете, беззаконнии, Христу воставшу? Приидите и прочтите ваша вся книги: аще Христос не сице востал есть, якоже ту? – вопияху живоноснии Гроб со Воскресением Его.

Невежествия покровение на вас належит: темже не видите Света. Отымите убо сущий в вас неверствия пбмысл, да просветит вас истинный Свет.

Да просветится земля днесь, и да взыграются Ангели и вси земнии: яко Христос воста от гроба, и Адама воздвиже, и оковы земныя разруши.

Светоносный сей праздник торжество явися торжества нам: Пасха честная, Пасха новая, Пасха Господня, от земли возводящая на Небеса верных, прежде преднаписанная нам.

Троическую воспоим песнь, славяще Безначальнаго Отца и Сына и Духа, правую во Единстве, Едину Сию, Юже Троицу поем: Свят, Свят, Свят еси, зовуще.

И ныне, Богородичен:

Егоже трепещут Ангельстии вои яко Творца и Избавителя всех, пойте, священницы, и превозносите во вся веки.

На древе повесиша, яко овча, Христа, прободбша же тогда беззаконныя с Ним, и потрясеся со страхом вся земля, и раздрася завеса в распятие, яже прежде бяше красна.

На Кресте Тя пригвожденна зрящи Пречистая, Сына Своего, вопияше Матерски: не безчадну яви Мя, рождшую Тя, но да вижду славу Твоих велений и деяний.

Ликуйте, Ангели, и веселитеся, земнии: Христос бо воскресе, совокупляя яко Бог вышняя с нижними, и страстию Своею убив, разори вражия мучения.

Мертвии, сретайте гробнаго в мертвых Христа, воздвигшаго из гроба Адама. Воста бо сице, и явися жив Христос, и прииде спасти нас во веки.

Пресвятая Богородице, спаси нас.

Радостию вопием Ти мы, земнии, Дево Богоневестная: без семене бо нам родила еси Сына Божия, Егоже молящи не престай за всех нас.

Премудростию небеса Утвердившаго, и на водах землю Основавшаго, и тварь всю Создавшего, благословите, пойте, священницы, Господа; людие, превозносите Его во вся веки.

Миро носяще жены и ароматы, иже паче над всею землею суть, благоухания воня носяще, приидоша рано заутра к страшному Гробу, идеже Христос востал есть.

На камени юноша седяй, священныя жены пригласи: не плачитеся, приидите, место видите, идеже лежа Тело Хотящаго обновити вас.

Светоносныя страсти Твоя светлоносно проповедает Воскресение, и мы о Бозе торжествуем великия Пасхи день, светло празднующе Христа во веки.

Прекрасное торжество праздников праздник является, в онь бо воскресл есть Владыка, и воскресил перваго Адама, и просветил всю вселенную.

Троичен: Благословим Отца и Сына и Святаго Духа, Господа.

Отец и Сын и Святый Дух, преначальный Свет, Живот наш, Троице сродная, вкупе чтомая, иже верою хвалят Тя, Своею Нераздельностию избави всех от тли.

И ныне, Богородичен:

Отеческаго благоволения сокровище, Сыновняго пришествия водворение, Святаго Духа одеяние явилася еси, Марие: Троица неизреченная о Тебе образовася.

Сотвори державу мышцею Своею, низложи бо сильныя со престол и вознесе смиренныя Бог Израилев, в нихже посети нас Восток с высоты, и направил ны есть на путь мирен.

Вознес Себе пригвоздил еси на Древе крестнем: вознесл еси род человеческий. Принзел же еси на Кресте рукописание наше, имже написал еси, Спасе, нашу свободу, и оставил еси нам осуждения написание.

Погреблся еси, Безсмертне, и воскресл еси, в мертвых погребый наше прегрешение, и воздвигий Адамов падший образ. Темже поклонимся Погребению Твоему и Воскресению, Иисусе всех Царю: Тя прославляем.

Воскрес явился еси святым учеником: дана Ми есть всяка власть, – глаголя к ним, – на земли и на небеси. Темже и послал еси их в языки вся крестити, Иисусе, приходящия к ним.

Пасха велика и честна Христова светлый приготови день божественныя тайны Воскресения Его, воньже, празднолюбцы людие, светло торжествуйте восклицанием, и радостию, и добродетелию.

Богородичен: Пресвятая Богородице, спаси нас.

Обновила еси естества в рождестве Твоем, Чистая: Зиждителя бо миру воплощенна породила еси, земным – Бога Израилева, и пребыла еси без тли, якоже древле рай прадеда Адама, воздвигши его.

Живоносный Источник приснотекущий, светоносный Светильник Благодати, Церкве Божия Покров славный, небесе и земли Пространнейшую, Богородицу Чистую величаем.

Приидите, празднолюбцы, приидите и видите величия Христа Бога нашего: распятием бо Своим воздвиже Адама падшаго, и в мертвецех вменися мертвецы Воставляяй, и воскресе из мертвых вся Спасаяй.

Весна Господня светла и Воскресение, составльшия Пасхи торжество: сие празднуем таинство, празднолюбцы, яко Пасха наша Сам пожреся Христос, великий Пастырь, яко и Овча.

Христос воскресе, и жив есть Бог наш. Свет бо есть, и Жизнь, и Воскресение. Мироносицы радуются, ученицы веселятся, людие, колена земная радуются: яко воскресе Жизнь наша.

Благообразуйте вси просвещающеся, торжествуйте и верою ликуйте; священницы, возноситеся, царие, веселитеся, людие вси земнии, радуйтеся: яко воскресе Жизнь наша.

Преначальный Свете, Животе наш: Отче и Сыне и Душе Святый; в триех Ипостасех и во Едином Божестве Пресущнаго присно богословлю: Троицу приснородную и вкупечтомую.

И ныне, Богородичен:

Радуйся Мати Божия, Граде Одушевленный, в немже вместитися изволи: не оставив бо Вышних, в Тебе вселитися изволи, яко да на земли, Богородице, обновит мя утробою Твоею.

Вам может быть интересно:

Поделиться ссылкой на выделенное

Нажмите правой клавишей мыши и выберите «Копировать ссылку»

Источник