кондак храма покрова богородицы
Кондак храма покрова богородицы
Д несь благове́рнии лю́дие све́тло пра́зднуем/ осеня́еми Твои́м, Богома́ти, прише́ствием,/ и к Твоему́ взира́юще Пречи́стому о́бразу, уми́льно глаго́лем:/ покры́й нас честны́м Твои́м Покро́вом,/ и изба́ви нас от вся́каго зла,/ моля́щи Сы́на Твоего́, Христа́ Бо́га на́шего,// спасти́ ду́ши на́ша.
Д е́ва днесь предстои́т в це́ркви,/ и с ли́ки святы́х неви́димо за ны мо́лится Бо́гу,/ А́нгели со архиере́и покланя́ются,/ апо́столи же со проро́ки ликовству́ют:// нас бо ра́ди мо́лит Богоро́дица Преве́чнаго Бо́га.
О, Пресвята́я Де́во, Ма́ти Го́спода вы́шних сил, Небесе́ и земли́ Цари́це, гра́да и страны́ на́шея Всемо́щная Засту́пнице! Приими́ хвале́бно благода́рственное пе́ние сие́ от нас, недосто́йных раб Твои́х, и вознеси́ моли́твы на́ша ко Престо́лу Бо́га Сы́на Твоего́, да ми́лостив бу́дет непра́вдам на́шим, и проба́вит благода́ть Свою́ чту́щим всечестно́е и́мя Твое́ и с ве́рою и любо́вию покланя́ющимся чудотво́рному о́бразу Твоему́. Не́смы бо досто́йни от Него́ поми́ловани бы́ти, а́ще не Ты уми́лостивиши Его́ о нас, Влады́чице, я́ко вся Тебе́ от Него́ возмо́жна суть. Сего́ ра́ди к Тебе́ прибега́ем, я́ко к несомне́нней и ско́рой Засту́пнице на́шей: услы́ши нас, моля́щихся Тебе́, осени́ нас вседержа́вным покро́вом Твои́м, и испроси́ у Бо́га Сы́на Твоего́: па́стырем на́шим ре́вность и бде́ние о душа́х, градоправи́телем му́дрость и си́лу, судия́м пра́вду и нелицеприя́тие, наста́вником ра́зум и смиренному́дрие, супру́гом любо́вь и согла́сие, ча́дом послуша́ние, оби́димым терпе́ние, оби́дящим страх Бо́жий, скорбя́щим благоду́шие, ра́дующимся воздержа́ние, всем же нам дух ра́зума и благоче́стия, дух милосе́рдия и кро́тости, дух чистоты́ и пра́вды. Ей, Госпоже́ Пресвята́я, умилосе́рдися на немощны́я лю́ди Твоя́; разсе́янныя собери́, заблу́ждшия на путь пра́вый наста́ви, ста́рость поддержи́, ю́ныя уцелому́дри, младе́нцы воспита́й, и при́зри на всех нас призре́нием ми́лостиваго Твоего́ заступле́ния, воздви́гни нас из глубины́ грехо́вныя и просвети́ серде́чныя о́чи на́ша ко зре́нию спасе́ния, ми́лостива нам бу́ди зде и та́мо, в стране́ земна́го прише́льствия и на стра́шнем суде́ Сы́на Твоего́; преста́вльшияся же в ве́ре и покая́нии от жития́ сего́ отцы́ и бра́тию на́шу в ве́чней жи́зни со А́нгелы и со все́ми святы́ми жи́ти сотвори́. Ты бо еси́, Госпоже́, Сла́ва Небе́сных и Упова́ние земны́х, Ты по Бо́зе на́ша Наде́жда и Засту́пница всех, притека́ющих к Тебе́ с ве́рою. К Тебе́ у́бо мо́лимся, и Тебе́, я́ко Всемогу́щей Помо́щнице, са́ми себе́ и друг дру́га и весь живо́т наш предае́м, ны́не и при́сно и во ве́ки веко́в. Ами́нь.
Ц ари́це моя́ Преблага́я, Наде́ждо моя́ Пресвята́я, прия́телище си́рым и стра́нным Засту́пнице, бе́дствующих по́моще и озлобля́емых покро́ве, зри́ши мою напа́сть, зри́ши мою́ скорбь: отвсю́ду искуше́нием одержи́м есмь, а заступа́ющаго несть. Ты у́бо сама́ помози́ ми я́ко не́мощну, окорми́ мя я́ко стра́нна, наста́ви я́ко заблу́ждша, уврачу́й и спаси́ я́ко безнаде́жна. Не и́мам бо ины́я по́мощи, ни ина́го предста́тельства, ни утеше́ния, то́кмо Тебе́, о Ма́ти всех скорбя́щих и обремене́нных! При́зри у́бо на мя, гре́шнаго и во озлобле́нии су́щаго, и покры́й мя пресвяты́м омофо́ром Твои́м, да изба́влен бу́ду от зол, мя обыше́дших, и восхвалю́ вы́ну препе́тое и́мя Твое́. Ами́нь.
В елича́ем Тя,/ Пресвята́я Де́во,/ и чтим Покро́в Твой святы́й:/ Тя бо ви́де святы́й Андре́й на возду́се,// за ны Христу́ моля́щуюся.
В елича́ем Тя,/ Пресвята́я Де́во,/ Ма́ти Христа́, Бо́га на́шего,// и всесла́вный сла́вим Покро́в Твой.
В елича́ем Тя,/ Пресвята́я Де́во,/ Ма́ти Христа́, Бо́га на́шего,/ И́же к Сы́ну Свои́ ру́це простира́ющи, и о ми́ре моля́щися,/ и честны́м Свои́м омофо́ром защища́ющи // град и лю́ди от враго́в на́ших.
Тропари, кондаки, величания и задостойники на двунадесятые праздники
Рождество Пресвятой Богородицы. 8/21 сентября
Тропарь, глас 4-й
Кондак, глас 4-й
Иоаки́м и Áнна поношéния безчáдства, и Адáм и Éва от тли смéртныя свободи́стася, Пречи́стая, во святéм рождествé Твоéм. То прáзднуют и лю́дие Твои́, вины́ прегрешéний избáвльшеся, внегдá звáти Ти: неплóды раждáет Богорóдицу и питáтельницу жи́зни нáшея.
Величание
Величáем Тя, Пресвятáя Дéво, и чтим святы́х Твои́х роди́телей, и всеслáвное слáвим рождествó Твоé.
Задостойник, глас 8-й
Чу́жде мáтерем дéвство, и стрáнно дéвам деторождéние; на Тебé, Богорóдице, обоя́ устрóишася. Тем Тя вся племенá земнáя непрестáнно величáем.
Воздвижение Честного и Животворящего Креста 14/27 сентября
Тропарь, глас 1-й
Спаси́, Гóсподи, лю́ди Твоя́ и благослови́ достоя́ние Твоé, побéды правослáвным христиáном на сопроти́вныя дáруя, и Твоé сохраня́я Крестóм Твои́м жи́тельство.
Кондак, глас 4-й
Вознесы́йся на Крест вóлею, тезоимени́тому Твоему́ нóвому жи́тельству щедрóты Твоя́ дáруй, Христé Бóже; возвесели́ нас си́лою Твоéю, побéды дая́ нам на супостáты, посóбие иму́щим Твоé, ору́жие ми́ра, непобеди́мую побéду.
Величание
Величáем Тя, Живодáвче Христé, и чтим Крест Твой святы́й, и́мже нас спасл еси́ от рабóты врáжия.
Задостойник, глас 8-й
Тáин еси́, Богорóдице, рай, невоздéланно возрасти́вший Христá, И́мже Крéстное живонóсное на земли́ насади́ся дрéво. Тем ны́не возноси́му, покланя́ющеся ему́, Тя величáем.
Введение во храм Пресвятой Богородицы 21 ноября/4 декабря
Тропарь, глас 4-й
Днесь благоволéния Бóжия предображéние и человéков спасéния проповéдание, в хрáме Бóжии я́сно Дéва явля́ется и Христá всем предвозвещáет. Той и мы велеглáсно возопии́м: рáдуйся, смотрéния Зи́ждителева исполнéние.
Кондак, глас 4-й
Пречи́стый храм Спáсов, многоцéнный чертог и Дéва, свящéнное сокрóвище слáвы Бóжия, днесь ввóдится в дом Госпóдень, благодáть совводя́щи, я́же в Ду́се Божéственном, ю́же воспевáют Áнгели Бóжии; Сия́ есть селéние небéсное.
Величание
Величáем Тя, Пресвятáя Дéво, Богоизбрáнная Отрокови́це, и чтим éже в храм Госпóдень вхождéние Твоé.
Задостойник, глас 4-й
Я́ко одушевлéнному Бо́жию киво́ту, да никáкоже коснéтся рукá сквéрных; устнé же вéрных, Богорóдице немóлчно глас Áнгела воспевáюще, с рáдостию да вопию́т: и́стинно вы́шши всех еси́, Дéво Чи́стая.
Рождество Гóспода нашего Иисуса Христа 25 декабря/7 января
Тропарь, глас 4-й
Рождествó Твоé, Христé Бóже наш, возсия́ ми́рови свет рáзума, в нем бо звездáм служáщии звездóю учáхуся Тебé клáнятися, Сóлнцу прáвды, и Тебé вéдети с высоты́ Востóка. Гóсподи, слáва Тебé!
Кондак, глас 3-й
Дéва днесь Пресущéственнаго раждáет, и земля́ вертéп Непристу́пному принóсит; Áнгели с пáстырьми славослóвят, волсви́ же со звездóю путешéствуют; нас бо рáди роди́ся Отрочá млáдо, превéчный Бог.
Величание
Величáем Тя, Живодáвче Христé, нас рáди ны́не плóтию рóждшагося от безневéстныя и Пречи́стыя Дéвы Мари́и.
Задостойник, глас 1-й
Люби́ти у́бо нам, я́ко безбéдное стрáхом, удóбее молчáние, любóвию же, Дéво, пéсни ткáти спротя́женно сложéнныя, неудóбно есть: но и, Мáти, си́лу, ели́ко есть произволéние, даждь.
Крещение Господа нашего Иисуса Христа 6/19 января
Тропарь, глас 1-й
Во Иордáне крещáющуся Тебé, Гóсподи, Трóическое яви́ся поклонéние: Роди́телев бо глас свидéтельствоваше Тебé, возлю́бленнаго Тя Сы́на имену́я, и Дух, в ви́де голуби́не, извествовáше словесé утверждéние. Явлéйся, Христé Бóже, и мир просвещéй, слáва Тебé.
Кондак, глас 4-й
Яви́лся еси́ днесь вселéнней, и свет Твой, Гóсподи, знаменáся на нас, в рáзуме пою́щих Тя; пришéл еси́ и яви́лся еси́, Свет непристу́пный.
Величание
Величáем Тя, Живодáвче Христé, нас рáди ны́не плóтию крести́вшагося от Иоáнна в водáх Иордáнских.
Тропари на водоосвящении, глас 8-й
Глас Госпóдень на водáх вопиéт глаго́ля: прииди́те, приими́те вси Ду́ха прему́дрости, Ду́ха рáзума, Ду́ха стрáха Бóжия, я́вльшагося Христá.
Днесь вод освящáется естествó, и разделя́ется Иордáн, и свои́х вод возврáщает стру́и, Влады́ку зря крещáема.
Я́ко человéк на рéку пришéл еси́, Христé Царю́, и рáбское крещéние прия́ти тщи́шися, Блáже, от Предтéчеву руку́, грех рáди нáших, Человеколю́бче!
Ко глáсу вопию́щаго в пусты́ни, уготóвайте путь Госпо́день, пришéл еси́, Гóсподи, зрак рáбий прии́м, крещéния прося́, не вéдый грехá. Ви́деша Тя вóды и убоя́шася, трéпетен бысть Предтéча, и возопи́ глагóля: кáко просвети́т свети́льник Свéта, кáко ру́ку положи́т раб на Влады́ку? Освяти́ менé и вóды, Спáсе, взéмляй ми́ра грех.
Задостойник, глас 2-й
Недоумéет всяк язы́к благохвали́ти по достоя́нию, изумевáет же ум и преми́рный пéти Тя, Богорóдице; обáче Благáя су́щи, вéру приими́, и́бо любóвь вéси божéственную нáшу: Ты бо христиáн еси́ Предстáтельница, Тя величáем.
Сретение Господа нашего Иисуса Христа 2/15 февраля
Тропарь, глас 1-й
Рáдуйся, Благодáтная Богорóдице Дéво, из Тебé бо возсия́ Сóлнце прáвды, Христóс Бог наш, просвещáяй су́щия во тьме. Весели́ся и ты, стáрче прáведный, приéмый во объя́тия Свободи́теля душ нáших, дáрующаго нам воскресéние.
Кондак, глас 1-й
Утрóбу Дéвичу освяти́вый рождествóм Твои́м, и ру́це Симеóне благослови́вый, я́коже подобáше, предвари́в, и ны́не спасл еси́ нас, Христé Бóже; но умири́ во брáнех жи́тельство, еди́не Человеколю́бче.
Величание
Величáем Тя, Живодáвче Христé, и чтим Пречи́стую Мáтерь Твою́, Éюже по закóну ны́не принéслся еси́ в храм Госпóдень.
Задостойник, глас 3-й
В зако́не, сéни и писáний о́браз ви́дим вéрнии, всяк му́жеский пол, ложеснá разверзáя, свят Бóгу. Тем перворождéнное Слóво Отцá Безначáльна, Сы́на первородя́щася Мáтерию неискусому́жно, величáем.
Благовещение Пресвятой Богородицы 25 марта/7 апреля
Тропарь, глас 4-й
Днесь спасéния нáшего глави́зна, и éже от вéка тáинства явлéние; Сы́н Бóжий Сы́н Дéвы бывáет, и Гаврии́л благодáть благовеству́ет. Тéмже и мы с ним Богоро́дице возопии́м: рáдуйся, Благодáтная, Госпóдь с Тобóю.
Кондак, глас 8-й
Взбрáнной Воевóде победи́тельная, я́ко избáвльшеся от злых, благодáрственная воспису́ем Ти раби́ Твои́, Богорóдице, но я́ко иму́щая держáву непобеди́мую, от вся́ких нас бед свободи́, да зовéм Ти: рáдуйся, Невéсто Неневéстная.
Величание
Архáнгельский глас вопиéм Ти, Чи́стая: рáдуйся, Благодáтная, Госпóдь с Тобóю.
Задостойник, глас 4-й
Я́ко одушевлéнному Бóжию Кивóту, да никáкоже коснéтся рукá сквéрных. Устнé же вéрных Богорóдице немóлчно, глас Áнгела воспевáюще, с рáдостию да вопию́т: рáдуйся, Благодáтная, Госпóдь с Тобóю.
Вход Господень в Иерусалим (последнее воскресенье перед Пасхой)
Тропарь, глас 1-й
Óбщее воскресéние прéжде Твоея́ стрáсти уверя́я, из мéртвых воздви́гл еси́ Лáзаря, Христé Бо́же. Тéмже и мы, я́ко óтроцы побéды знáмения нося́ще, Тебé победи́телю смéрти вопиéм: осáнна в вы́шних, благословéн Гряды́й во и́мя Госпóдне.
Тропарь, глас 4-й
Спогрéбшеся Тебé крещéнием, Христé Бóже наш, безсмéртныя жи́зни сподóбихомся воскресéнием Твои́м, и воспевáюще зовéм: осáнна в вы́шних, благословéн Гряды́й во и́мя Госпóдне.
Кондак, глас 6-й
На престóле на небеси́, на жребя́ти на земли́ носи́мый, Христé Бóже, Áнгелов хвалéние и детéй воспевáние прия́л еси́ зову́щих Ти: благословéн еси́, гряды́й Адáма воззвáти.
Задостойник, глас 4-й
Бог Госпóдь и яви́ся нам, состáвите прáздник, и веселя́щеся прииди́те, возвели́чим Христá, с вáиями и вéтвьми, пéсньми зову́ще: благословéн Гряды́й во и́мя Гóспода Спáса нáшего!
Светлое Христово Воскресение. Пасха
Стихира, глас 6-й
Воскресéние Твоé, Христé Спáсе, Áнгели пою́т на небесéх, и нас на земли́ сподóби чи́стым сéрдцем Тебé слáвити.
Тропарь, глас 5-й
Кондак, глас 8-й
Áще и во гроб снизшéл еси́, Безсмéртне, но áдову разруши́л еси́ си́лу, и воскрéсл еси́, я́ко Победи́тель, Христé Бóже, женáм миронóсицам вещáвый: рáдуйтеся! и Твои́м апóстолом мир дáруяй, пáдшим подая́й воскресéние.
Ексапостиларий Пасхи
Плóтию усну́в, я́ко мертв. Царю́ и Го́споди, триднéвен воскрéсл еси́, Адáма воздви́г от тли и упраздни́в смерть: Пасхá нетлéния, мира спасéние.
Задостойник, глас 1-й
Áнгел вопия́ше Благодáтней: Чи́стая Дéво, рáдуйся! И пáки реку́: рáдуйся! Твой Сы́н воскрéсе триднéвен от грóба, и мéртвыя воздви́гнувый: лю́дие, весели́теся.
Свети́ся, свети́ся, нóвый Иерусали́ме: слáва бо Госпóдня на тебé возсия́. Лику́й ны́не и весели́ся, Сиóне. Ты же, Чи́стая, красу́йся, Богорóдице, о востáнии Рождествá Твоегó.
Вознесение Господа нашего Иисуса Христа (в 40-й день по Воскресении)
Тропарь, глас 4-й
Вознéслся еси́ во слáве, Христé Бóже наш, рáдость сотвори́вый ученикóм обетовáнием Святáго Ду́ха, извещéнным им бы́вшим благословéнием, я́ко Ты еси́ Сы́н Бóжий, Избáвитель ми́ра.
Кондак, глас 6-й
Éже о нас испóлнив смотрéние, и я́же на земли́ соеди́нив небéсным, вознéслся еси́ во слáве, Христé Бóже наш, никáкоже отлучáяся, но пребывáя неотсту́пный, и вопия́ лю́бящим Тя: Аз есмь с вáми и никтóже на вы.
Величание
Величáем Тя, Живодáвче Христé, и почитáем éже на небесá с пречи́стою Твоéю Плóтию Божéственное вознесéние.
Задостойник, глас 1-й
Тя пáче ума и словесé Мáтерь Бóжию, в лéто Безлéтнаго неизречéнно Рóждшую, вéрнии единому́дренно величáем.
Пятидесятница. День Святой Троицы (50-й день по Воскресении)
Тропарь, глас 8-й
Благословéн еси́, Христé Бóже наш, И́же прему́дры ловцы́ явлéй, низпослáв им Ду́ха Святáго, и тéми уловлéй вселéнную, Человеколю́бче, слáва Тебé.
Кондак, глас 8-й
Егдá снизшéд язы́ки слия́, разделя́ше язы́ки Вы́шний, егдá же óгненныя язы́ки раздая́ше, в соединéние вся призвá; и соглáсно слáвим Всесвятáго Ду́ха.
Величание
Величáем Тя, Живодáвче Христé, и чтим Всесвятáго Ду́ха Твоего́, Его́же от Отцá послáл еси́ божéственным ученикóм Твои́м.
Задостойник, глас 1-й
Рáдуйся, Цари́це, матеродéвственная слáво: вся́ка бо удобообращáтельная благоглагóливая устá витии́ствовати не мóгут, Тебé пéти достóйно; изумевáет же ум всяк Твоé рождествó разумéти. Тéмже Тя соглáсно слáвим.
Преображение Господа нашего Иисуса Христа 6/19 августа
Тропарь, глас 7-й
Преобрази́лся еси́ на горé, Христé Бóже, показáвый ученико́м Твои́м слáву Твою́, я́коже можáху; да возсия́ет и нам грéшным свет Твой присносу́щный, моли́твами Богорóдицы, Светодáвче, слáва Тебé.
Кондак, глас 7-й
На горé преобрази́лся еси́, и я́коже вмещáху ученицы́ Твои́, слáву Твою́, Христé Бóже, ви́деша; да егдá Тя узрят распинáема, страдáние у́бо уразумéют во́льное, ми́рови же проповéдят, я́ко Ты еси́ вои́стинну Óтчее сия́ние.
Величание
Величáем Тя, Живодáвче Христé, и почитáем пречи́стыя плóти Твоея́ преслáвное преображéние.
Задостойник, глас 4-й
Рождествó Твоé нетлéнно яви́ся, Бог из боку́ Твоéю прóйде, я́ко Плотонóсец яви́йся на земли́, и с человéки поживé. Тя, Богорóдице, тем вси величáем.
Успение Пресвятой Богородицы 15/28 августа
Тропарь, глас 1-й
В рождествé дéвство сохрани́ла еси́, во успéнии ми́ра не остáвила еси́, Богорóдице, престáвилася еси́ к живóту, Мáти су́щи Животá, и моли́твами Твои́ми избавля́еши от смéрти ду́ши нáша.
Кондак, глас 2-й
В моли́твах неусыпáющую Богорóдицу и в предстáтельствах непрелóжное уповáние, гроб и умерщвлéние не удержáста: я́коже бо Живóта Мáтерь, к животу́ престáви во утрóбу Всели́выйся приснодéвственную.
Величание
Величáем Тя, Пренепорóчная Мáти Христá Бóга нáшего, и всеслáвное слáвим успéние Твоé.
Задостойник, глас 1-й
Побеждáются естествá устáвы в Тебé, Дéво чи́стая, дéвствует бо рождествó, и живóт предобручáет смерть; по рождествé Дéва, и по смéрти живá, спасáеши при́сно, Богорóдице, наслéдие Твоé.
Икона Богородицы Покров Пресвятой Богородицы
Празднование
История
В первой половине X века в Царьграде жил великий подвижник Андрей Юродивый, сподоблявшийся чудных духовных видений и великих откровений.
Однажды он пришел в знаменитый Влахернский храм, где хранилась риза Богоматери с Ее омофором и частью пояса.
Омофор — это покрывало, которым иудейские женщины покрывали голову и которое спускалось до ног.
Блаженный Андрей пришел в храм отстоять всенощную. Его сопровождал юный почитатель его Епифаний, бывший впоследствии, с именем Полиевкта, патриархом Константинопольским. Блаженный Андрей обыкновенно подолгу оставался в церквях и после окончания службы. На этот же раз всенощное бдение продолжалось долго. В четвертом часу ночи Епифаний увидал Пресвятую Богородицу, идущую от царских врат в великой славе. Ее поддерживали Иоанн Креститель и апостол Иоанн Богослов. Окружало Пресвятую Богородицу множество святых в белых и сияющих одеждах, и все они пели духовные гимны. Пресвятая Владычица приблизилась к амвону.
Думая, не есть ли это видение искушение для него, блаженный Андрей спросил Епифания:
— Видишь ли Госпожу и Царицу мира?
— Вижу и ужасаюсь, — отвечал Епифаний. Между тем Пречистая Богородица преклонила колена и долго молилась, и слезы стекали по ланитам Ее. Богоматерь прошла в алтарь и долго еще там молилась за народ. Затем Она вышла оттуда, сняла бывшее на Ней головное покрывало и, торжественно держа его в руках, распростерла над всеми молящимися, как бы покрывая им их. За всем этим следили св. Андрей и Епифаний, пока видение не исчезло. Андрей передал о нем народу, и рассказ его произвел сильное впечатление.
В Греции праздник Покрова не получил повсеместного распространения. Это можно объяснить смутами, волновавшими в то время императорский и патриарший престолы. В греческих святцах праздник Покрова даже не упоминается.
Но русская душа, чтущая Богоматерь, была умилена и поражена этим событием, в котором так ярко выразилось молитвенное предстательство Владычицы Небесной за людей. В одном древнем славянском Прологе какой-то князь или епископ пишет: «Егда слышах, помышлях: како страшное и милосердное видение и паче надеяния и заступления нашего бысть без празднества. Восхотех, да не без праздника останется св. Покров Твой, Преблагая»! Установление праздника в России доказывается и словами церковной песни на праздник Покрова, в которой указывается как на обстоятельства видения во Влахернском храме, так и на почитание этого события русскими: «Владычице, с честными и славными пророки, с верховными апостолы, и со священно-мученики, и со архиереи за ны грешныя Богу помолися, Твоего Покрова праздник в Российстей земли прославльшия».
В конце XIV века был в Царьграде русский дьяк Александр, который видел во Влахернской церкви икону Пресвятой Богородицы, «Юж виде святый Андрей на воздусе, за мир молящуюся».
В России как праздник Покрова Богоматери, так и икона Покрова — трогательный символ неустанного предстательства Владычицы за род людской — пришлись особенно по сердцу. Праздник Покрова, не будучи двунадесятым, чествуется в народном быту не менее двунадесятых. Есть целый уездный город Владимирской губернии — Покров. В одной Москве есть Покровский монастырь, Покровская община сестер милосердия, Покровский собор, называемый обыкновенно храмом Василия Блаженного. Собор этот заложен царем Иоанном Васильевичем Грозным после возвращения из казанского похода в память взятия Казани, так как в праздник Покрова произошел приступ и русские овладели городом.
Икона Покрова изображает обыкновенно амвон Влахернского храма, с которого дьякон, протягивая руку с орарем, произносит ектению. Около амвона молящийся народ, а среди него блаженный Андрей в рубище указывает Епифанию на стоящую в облаках Владычицу, окруженную святыми и ангелами. Она держит на широко распростертых руках Свой омофор. Такое изображение иконы Покрова можно видеть, например, на плафоне купола церкви Санкт-Петербургского Педагогического института.
Издавна существовали в России храмы и целые монастыри в честь Покрова Богоматери. Так, по преданию, благоверный великий князь Андрей Боголюбский в городе Боголюбове, близ Владимира, построил храм Покрова. В Новгороде в XII веке существовал Зверинский монастырь в честь Покрова Богоматери.
Вот некоторые из чтимых икон Покрова в России:
В Москве: в Покровском соборе Василия Блаженного; в церкви Воскресения, что в Барашах, и в церкви Покрова в Красном селе.
В Харькове, в Христорождественской церкви, за рекой Лопанью, прославившаяся помощью жителям во время холеры.
В Минской губернии: в городе Новогрудке, в Николаевском соборе, и в селе Жукове.
В Ярославской губернии, в трех верстах от Углича, на другом берегу Волги, в Покровском Паисиевом монастыре.
В Вологодской губернии, в Дионисиево-Глушицком монастыре, написанная самим основателем обители преп. Дионисием Глушицким, жившим в начале XV века.
В Покровском Добром монастыре, близ г. Лихвина Калужской епархии также есть чтимый образ Покрова Богоматери. Ежегодно в конце августа икону торжественно приносят в г. Лихвин, где она остается около месяца и посещает дома жителей, а к празднику своему возвращается обратно в монастырь.
Самая же известная из икон этого имени есть икона Псково-Покровская, празднование которой совершается 1 октября.
Молитвы
Днесь благове́рнии лю́дие све́тло пра́зднуем/ осеня́еми Твои́м, Богома́ти, прише́ствием,/ и к Твоему́ взира́юще Пречи́стому о́бразу, уми́льно глаго́лем:/ покры́й нас честны́м Твои́м Покро́вом,/ и изба́ви нас от вся́каго зла,/ моля́щи Сы́на Твоего́, Христа́ Бо́га на́шего,// спасти́ ду́ши на́ша.
Перевод: В сей день мы, правоверные люди, торжественно празднуем, осеняемые Твоим, Богоматерь, пришествием; и, взирая на Твой пречистый образ, со умилением взываем: «Покрой нас священным Твоим Покровом и избавь нас от всякого зла, умоляя Сына Твоего, Христа Бога нашего, спасти души наши».
Де́ва днесь предстои́т в це́ркви,/ и с ли́ки святы́х неви́димо за ны мо́лится Бо́гу,/ А́нгели со архиере́и покланя́ются,/ апо́столи же со проро́ки ликовству́ют:// нас бо ра́ди мо́лит Богоро́дица Преве́чнаго Бо́га.
Перевод: Сегодня Дева предстоит в храме и с сонмами святых невидимо за нас молится Богу. Ангелы со архиереями поклоняются, Апостолы же со пророками ликуют: ибо за нас молит Богородица Предвечного Бога.
Молитва Пресвятой Богородице пред иконой Ея «Покров Пресвятой Богородицы»
О, Пресвята́я Де́во, Ма́ти Го́спода вы́шних сил, Небесе́ и земли́ Цари́це, гра́да и страны́ на́шея Всемо́щная Засту́пнице! Приими́ хвале́бно благода́рственное пе́ние сие́ от нас, недосто́йных раб Твои́х, и вознеси́ моли́твы на́ша ко Престо́лу Бо́га Сы́на Твоего́, да ми́лостив бу́дет непра́вдам на́шим, и проба́вит благода́ть Свою́ чту́щим всечестно́е и́мя Твое́ и с ве́рою и любо́вию покланя́ющимся чудотво́рному о́бразу Твоему́. Не́смы бо досто́йни от Него́ поми́ловани бы́ти, а́ще не Ты уми́лостивиши Его́ о нас, Влады́чице, я́ко вся Тебе́ от Него́ возмо́жна суть. Сего́ ра́ди к Тебе́ прибега́ем, я́ко к несомне́нней и ско́рой Засту́пнице на́шей: услы́ши нас, моля́щихся Тебе́, осени́ нас вседержа́вным покро́вом Твои́м, и испроси́ у Бо́га Сы́на Твоего́: па́стырем на́шим ре́вность и бде́ние о душа́х, градоправи́телем му́дрость и си́лу, судия́м пра́вду и нелицеприя́тие, наста́вником ра́зум и смиренному́дрие, супру́гом любо́вь и согла́сие, ча́дом послуша́ние, оби́димым терпе́ние, оби́дящим страх Бо́жий, скорбя́щим благоду́шие, ра́дующимся воздержа́ние, всем же нам дух ра́зума и благоче́стия, дух милосе́рдия и кро́тости, дух чистоты́ и пра́вды. Ей, Госпоже́ Пресвята́я, умилосе́рдися на немощны́я лю́ди Твоя́; разсе́янныя собери́, заблу́ждшия на путь пра́вый наста́ви, ста́рость поддержи́, ю́ныя уцелому́дри, младе́нцы воспита́й, и при́зри на всех нас призре́нием ми́лостиваго Твоего́ заступле́ния, воздви́гни нас из глубины́ грехо́вныя и просвети́ серде́чныя о́чи на́ша ко зре́нию спасе́ния, ми́лостива нам бу́ди зде и та́мо, в стране́ земна́го прише́льствия и на стра́шнем суде́ Сы́на Твоего́; преста́вльшияся же в ве́ре и покая́нии от жития́ сего́ отцы́ и бра́тию на́шу в ве́чней жи́зни со А́нгелы и со все́ми святы́ми жи́ти сотвори́. Ты бо еси́, Госпоже́, Сла́ва Небе́сных и Упова́ние земны́х, Ты по Бо́зе на́ша Наде́жда и Засту́пница всех, притека́ющих к Тебе́ с ве́рою. К Тебе́ у́бо мо́лимся, и Тебе́, я́ко Всемогу́щей Помо́щнице, са́ми себе́ и друг дру́га и весь живо́т наш предае́м, ны́не и при́сно и во ве́ки веко́в. Ами́нь.
Молитва вторая Пресвятой Богородице пред иконой Ея «Покров Пресвятой Богородицы»
Цари́це моя́ Преблага́я, Наде́ждо моя́ Пресвята́я, прия́телище си́рым и стра́нным Засту́пнице, бе́дствующих по́моще и озлобля́емых покро́ве, зри́ши мою напа́сть, зри́ши мою́ скорбь: отвсю́ду искуше́нием одержи́м есмь, а заступа́ющаго несть. Ты у́бо сама́ помози́ ми я́ко не́мощну, окорми́ мя я́ко стра́нна, наста́ви я́ко заблу́ждша, уврачу́й и спаси́ я́ко безнаде́жна. Не и́мам бо ины́я по́мощи, ни ина́го предста́тельства, ни утеше́ния, то́кмо Тебе́, о Ма́ти всех скорбя́щих и обремене́нных! При́зри у́бо на мя, гре́шнаго и во озлобле́нии су́щаго, и покры́й мя пресвяты́м омофо́ром Твои́м, да изба́влен бу́ду от зол, мя обыше́дших, и восхвалю́ вы́ну препе́тое и́мя Твое́. Ами́нь.